ଏସବିଆଇ ଗ୍ରାହକଙ୍କ ପାଇଁ ଜରୁରୀ ଖବର : ଟଙ୍କା ଜମାକୁ ନେଇ ବଦଳିଲା ନିୟମ, ଏଣିକି ବିନା ବ୍ୟାଙ୍କ ଯାଇ ଘରେ ବସି ଖାତାରେ ଜମା କରିପାରିବେ ଟଙ୍କା
ଭାରତୀୟ ଷ୍ଟେଟ ବ୍ୟାଙ୍କ ତାର ବ୍ରାଂଚରେ କ୍ୟାସ ଡିପୋଜିଟ କରିବାର ନିୟମରେ କିଛିଟା ପରିବର୍ତ୍ତନ ଆଣିଛି । ଏସିବିଆଇ ତରଫରୁ କରାଯାଇଥିବା ଏକ ଟୁଇଟ୍ ମୁତାବକ, ଯଦି ଆପଣ ନନ-ହୋମ ବ୍ରାଂଚରେ କ୍ୟାସ ଜମା କରୁଛନ୍ତି, ତେବେ ଏବେ ଆପଣଙ୍କ ପାଇଁ କୌଣସି ସୀମା ରହିବ ନାହିଁ । ତେବେ ଏସଏମଇ ସେଗମେଂଟ ପାଇଁ ୨ ଲକ୍ଷ ପ୍ରତି ଦିନର ସୀମା ଧାର୍ଯ୍ୟ କରାଯାଇଛି । ଆପଣଙ୍କ ନିକଟରେ କେବଳ ବ୍ରାଂଚକୁ ଯାଇ କ୍ୟାସ୍ ଜମା କରିବାର ବିକଳ୍ପ ନାହିଁ ବରଂ ଆପଣ ଚାହିଁଲେ ବିନା ବ୍ରାଂଚ ନଯାଇ ବି ନିଜ ଖାତାରେ ଟଙ୍କା ଜମା କରିପାରିବେ । ଏହି ଟଙ୍କା ଖାତାରେ ଜମା କରିପାରିବେ । ତେବେ ଜମା କରିଥିବା ଟଙ୍କା ମଧ୍ୟ ସଙ୍ଗେ ସଙ୍ଗେ ଆପଣଙ୍କ ଖାତାକୁ ଚାଲିଆସିବ ।
Kanak News is now on WhatsApp
Join and get latest news updates delivered to you via WhatsApp
କଥା କଣ କି, ଭାରତୀୟ ଷ୍ଟେଟ୍ ବ୍ୟାଙ୍କ ଅନ୍ୟ କୌଣସି ବ୍ୟାଙ୍କ ଭଳି ହିଁ କ୍ୟାସ୍ ଡିପୋଜିଟ ମେସିନ ସିଡିଏମର ସୁବିଧା ଦେଇଥାଏ । ସିଡିଏମ ଏଟିଏମ ଭଳି ହିଁ ଏକ ମେସିନ ହୋଇଥାଏ । ଏହା ଜରିଆରେ ଆପଣ ବିନା କୌଣସି ବିଳମ୍ବରେ ନିଜ ଖାତାରେ ଟଙ୍କା ଜମା କରିପାରିବେ । ଏସବିଆଇର ୱେବସାଇଟରେ ଦିଆଯାଇଥିବା ସୂଚନା ମୁତାବକ, ଯଦି ଆପଣ କାର୍ଡଲେସ ଡିପୋଜିଟ୍ କରୁଛନ୍ତି , ତେବେ ଆପଣ ୪୯ ହଜାର ଟଙ୍କା ଥରକରେ ଜମା କରିପାରିବେ । ହେଲେ ଯଦି ଆପଣ ଡେବିଟ୍ କାର୍ଡ ଜରିଆରେ ଜମା କରୁଛନ୍ତି ତେବେ ଏଥିରେ ୨ ଲକ୍ଷ ଟଙ୍କା ଜମା କରିପାରିବେ । ହେଲେ ଏଥିପାଇଁ ଆପଣଙ୍କ ନିକଟରେ ପାନ ନମ୍ବର ଥିବା ନିହାତି ଦରକାର ।
ଖାଲି ଟଙ୍କା ଡିପୋଜିଟ୍ ନୁହେଁ ବରଂ ଏହି ମେସିନ ଜରିଆରେ ଆପଣ ଆପଣଙ୍କର ପବ୍ଲିକ୍ ପ୍ରୋଭିଡେଂଟ ଫଣ୍ଡ ତଥା ପିପିଏଫ, ରିକରିଂ ଡିପୋଜିଟ ବା ଆରଡି ଏବଂ ଲୋନ ଖାତାରେ ବି ଟଙ୍କା ଜମା କରିପାରିବେ । ଏକ ଟ୍ରାନଜାକସନ ସମୟରେ ୨୦୦ କରେନ୍ସ ନୋଟସ ଜମା କରିପାରିବେ । ଏହି ମେସିନ ଜରିାରେ ଆପଣ କେବଳ ୧୦୦, ୫୦୦ ଏବଂ ୨ ହଜାର ଟଙ୍କିଆ ନୋଟ ଜମା କରିପାରିବେ । ଏହି ମେସିନ ଜରିଆରେ ଆପଣ ଏସବିଆଇ ଖାତାରୁ ହିଁ ନୁହେଁ ବରଂ ଅନ୍ୟ ବ୍ୟାଙ୍କର ଖାତାରୁ ବି କ୍ୟାସ୍ ଉଠାଇପାରିବେ । ଏହାଦ୍ୱାରା ଆପଣ ଆପଣଙ୍କର ପିନ ନମ୍ବର ବି ଚେଂଜ କରିପାରିବେ । ବାଲାନ୍ସ ଇନକ୍ୱାରୀ ମଧ୍ୟ କରିପାରିବେ । ମନି ଷ୍ଟେଟମେଂଟ ବି ହାସଲ କରିପାରିବେ । ଯଦି ଆପଣ ଏହି ମେସିନ ଜରିଆରେ କ୍ୟାସ୍ ଡିପୋଜିଟ୍ କରୁଛନ୍ତି ତେବେ ଆପଣଙ୍କୁ ଏଥିପାଇଁ ଚାର୍ଜ ମଧ୍ୟ ଦେବାକୁ ପଡିବ ।
ଏସବିଆଇର ଆଧିକାରୀକ େଓବସାଇଟର ସୁଚନା ମୁତାବକ, ଡେବିଟ୍ କାର୍ଡ ଜରିଆରେ ଯଦି କ୍ୟାସ ଡିପୋଜିଟ୍ କରୁଛନ୍ତି ତେବେ ଆପଣଙ୍କୁ ୨୨ ଟଙ୍କା ପ୍ଲସ ଜିଏସଟି ବାବଦକୁ ଦେବାକୁ ପଡିବ । ସେହିପରି କାର୍ଡଲେସ ଟ୍ରାନଜାକ୍ସନ ପାଇଁ ଆପଣଙ୍କୁ ୨୨ଟଙ୍କା ସହିତ ଜିଏସଟି ମଧ୍ୟ ହେବାକୁ ପଡିବ । ତେବେ ଏବଳି ଭାବରେ ଅନ୍ୟ ଚାର୍ଜସେ ମଧ୍ୟ ରହିଛି ।