ଗ୍ରାହକଙ୍କ ପାଇଁ ଖୁସି ଖବର ! ମାତ୍ର ୨୦୦ ଟଙ୍କାରେ ପାଇବେ ଏକ ବର୍ଷ ଯାଏଁ ଇଂଟରନେଟ୍ ସେବା
ଜିଓ ଯେପରି ନିଜର ମାଗଣା ଡାଟା କଲିଂ ବ୍ୟବସ୍ଥା ରଖି ସମସ୍ତ କଂପାନୀମାନଙ୍କ ପାଇଁ ଏକ ବଡ ସମସ୍ୟା ସୃଷ୍ଟି କରିଦେଇଛି । ସେଥିପାଇଁ ଦେଶର ବଡ ବଡ ମୋବାଇଲ କଂପାନୀଗୁଡିକ ମଧ୍ୟ ନିଜର ନୁଆ ନୁଆ ପ୍ଲାନ୍ ଜରିଆରେ ଗ୍ରାହକଙ୍କୁ ଆକୃଷ୍ଠ କରିବାକୁ ଏକପ୍ରକାରେ ଲାଗି ପଡିଛନ୍ତି । ତେବେ ଜିଓକୁ ଟକ୍କର ଦେବାକୁ ଇତି ମଧ୍ୟରେ କାନାଡାର ‘ଡାଟାୱିଣ୍ଡ’ ନାମକ ଏକ ଟେଲିକମ୍ କଂପାନୀ ମଧ୍ୟ ଏଭଳି କିଛି ପ୍ଲାନ୍ ଗ୍ରାହକଙ୍କୁ ଭେଟି ଦେବାକୁ ଯାଉଛି । କଂପାନୀର ପ୍ଲାନ୍ ମୁତାବକ ମାତ୍ର ୨୦୦ ଟଙ୍କା ରିଚାର୍ଜ କରି ଗ୍ରାହକମାନେ ପାଖାପାଖି ଏକ ବର୍ଷ ଧରି ଇଂଟରନେଟ୍ ସେବାର ଲାଭ ଉଠାଇ ପାରିବେ ।
Kanak News is now on WhatsApp
Join and get latest news updates delivered to you via WhatsApp
ତେବେ କଂପାନୀ ଏଥିପାଇଁ ପାଖାପାଖି ୧୦୦କୋଟି ଟଙ୍କାର ପୁଞ୍ଜି ନିବେଶ କରିଥିବାବେଳେ ଏହାର ଲାଇସେନ୍ସ ମିଳିବା କ୍ଷଣି ଏହି ଅଫରଟିକୁ ବଜାରରେ ଲଂଚ କରାଯିବ ବୋଲି କଂପାନୀର ଅଧ୍ୟକ୍ଷ ସୁନୀଲ ସିଂହ ସୂଚନା ଦେଇଛନ୍ତି ।
କଂପାନୀର ସଂପୂର୍ଣ୍ଣ ଧ୍ୟାନ ଏହାର ଡାଟା ସେବା ଉପରେ ରହିଛି । ଏଥିସହ କଂପାନୀ ଏକ ଏଭଳି ପ୍ଲାନ୍ ଭେଟିଦେଉଛି କି ଯାହାର ମୂଲ୍ୟ ମାତ୍ର ୨୦ ଟଙ୍କାରୁ କମ୍ ରଖାଯାଇଛି ବୋଲି ସୁନୀଲ ସିଂହ ସୂଚନା ଦେଇଛନ୍ତି । ତେବେ ଚଳିତ ମାସ ଶେଷସୁଦ୍ଧା ଏହା ଲଂଚ ହୋଇପାରେ ବୋଲି ମିଳିଥିବା ସୂଚନାରୁ ଯାହା ଜଣାପଡିଛି ।