ବିପଦରେ ୭ ଲକ୍ଷ କର୍ମଚାରୀଙ୍କ ଚାକିରୀ ! ଆଇଟି ଏବଂ ବିପିଓ କ୍ଷେତ୍ର ହୋଇପାରେ ଅଧିକ ପ୍ରଭାବିତ
ସୂଚନା ଓ ପ୍ରଯୁକ୍ତିବିଦ୍ୟା ଏବଂ ବିପିଓ କ୍ଷେତ୍ରରେ ତଥା ସ୍ୱୟଂଚାଳିତ ଉପକରଣର ବ୍ୟବହାରର ପ୍ରଭାବ ଏହି କ୍ଷେତ୍ର ପରିସରରେ ଆସୁଥିବା ପାଖାପାଖି ୭ ଲକ୍ଷ ଚାକିରୀ ଉପରେ ପଡିବ । ୨୦୨୨ ମଧ୍ୟରେ ଏହିସବୁ କ୍ଷେତ୍ରରେ କାମ କରୁଥିବା ତଥା କମ୍ ଦକ୍ଷତା ସଂପର୍ଣ୍ଣ କର୍ମଚାରୀଙ୍କ ଚାକିରୀ ଯିବାର ଯଥେଷ୍ଟ ସମ୍ଭାବନା ରହିଛି । ତେବେ ଏକଥା ଆମେ କହୁନାହୁଁ ବରଂ ନିକଟରେ କରାଯାଇଥିବା ଏକ ଗବେଷଣାରୁ ଏଭଳି ସାଘାଂତିକ ତଥ୍ୟ ସାମ୍ନାକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଆମେରିକାର ଏକ ଗବେଷଣା କେନ୍ଦ୍ର ତଥା ଏଚଏଫଏସ ରିସର୍ଚ୍ଚ ସେଂଟର ପକ୍ଷରୁ କରାଯାଇଥିବା ଏକ ଅଧ୍ୟୟନରେ ଏଭଳି ତଥ୍ୟ ଦର୍ଶାଯାଇଛି । ରିପୋର୍ଟରେ କୁହାଯାଇଛି କି, ଏହି ସମୟସୀମା (୨୦୨୨) ଭିତରେ ମଧ୍ୟମ ଏବଂ ଉଚ୍ଚ କୌଶଳ ବା ଦକ୍ଷତା ଥିବା କର୍ମଚାରୀମାନଙ୍କର ଚାକିରୀ ସୁଯୋଗ ବୃଦ୍ଧି ପାଇବ ।
ଅଟୋମେସନ ତଥା ସ୍ୱୟଂଚାଳିତ ଉପକରଣର ବ୍ୟବହାର ଦ୍ୱାରା ଚାକିରୀ କ୍ଷେତ୍ରରେ ସୁଯୋଗ ହ୍ରାସ ପାଇବା ଭଳି ଖବର ସାମ୍ନାକୁ ଆସିବା କୌଣସି ପ୍ରଥମ ଘଟଣା ନୁହେଁ । ଏହା ପୂର୍ବରୁ ମଧ୍ୟ ଏହାକୁ ନେଇ ଅନେକ ଖବର ତଥା ବିଭିନ୍ନ ତର୍କ ବିତର୍କ ବି ହୋଇସାରିଛି । ତେବେ ଇଂଜିନିୟରିଂ, ବିଭିନ୍ନ ନିର୍ମାଣ କାର୍ଯ୍ୟ, ବାହନ, ଆଇଟି ଏବଂ ବ୍ୟାଙ୍କ ଭଳି କ୍ଷେତ୍ରମାନଙ୍କରେ ଅଟୋମେସନ ଏକ ନୂଆ ପଦ୍ଧତି ଅଟେ । ତେବେ ଦିନକୁ ଦିନ ଯେଉଁଭଳି ଭାବେ ଅଟୋମେସନ ବ୍ୟବସ୍ଥାର ଚାହିଦା ବୃଦ୍ଧିପାଇବାରେ ଲାଗିବ ସେହିଭଳି ଭାବରେ ବିନିର୍ମାଣ, ଆଇଟି ଏବଂ ଆଇଟି ସମ୍ବଂଧିୟ କ୍ଷେତ୍ରମାନଙ୍କରେ ଓ ସୁରକ୍ଷା ସେବା ଏବଂ କୃଷି କ୍ଷେତ୍ରରେ ଏହାର ଗଭୀର ପ୍ରଭାବ ଦେଖିବାକୁ ମିଳିବ ।
ଅଟୋମେସନ ଏବଂ ଆଂଟିଫିସିଆଲ ଇଂଟେଲିଜେନ୍ସିର ବ୍ୟବହାର ବୃଦ୍ଧି ପାଇବା ଦ୍ୱାରା ଭାରତର ସୂଚନା ପ୍ରଯୁକ୍ତିବିଦ୍ୟା ଏବଂ ବିପିଓ ଉଦ୍ୟୋଗ କ୍ଷେତ୍ରଗୁଡିକରେ କାମକରୁଥିବା କମ୍ ଦକ୍ଷତା ସଂପନ୍ନ କର୍ମଚାରୀଙ୍କ ସଂଖ୍ୟା ୨୦୧୬ରେ ହ୍ରାସ ପାଇ ୨୪ ଲକ୍ଷରେ ରହିଛି । ଯାହାକି ୨୦୨୨ ବେଳକୁ ଏହା ପାଖାପାଖି ୧୭ ଲକ୍ଷକୁ ହ୍ରାସ ପାଇବାର ଆକଳନ କରାଯାଇଛି ।
ଅନ୍ୟପଟେ, ଆଜିକା ସ୍ଥିତିରେ ମଧ୍ୟମ କୌଶଳ ବା ଦକ୍ଷତା ସଂପନ୍ନ କର୍ମଚାରୀ ଥିବା ଚାକିରୀ ସଂଖ୍ୟା ୨୦୨୨ ଭିତରେ ବୃଦ୍ଧି ପାଇ ୧୦ ଲକ୍ଷରେ ପହଂଚି ଯାଇପାରେ, ଯାହାକି ୨୦୧୬ରେ ୯ ଲକ୍ଷ ଥିଲା । ସେହିଭଳି ଉଚ୍ଚ କୌଶଳ ବା ଦକ୍ଷତା ସଂପନ୍ନ କର୍ମଚାରୀ ଥିବା ଚାକିରୀ ସଂଖ୍ୟା ମଧ୍ୟ ୨୦୨୨ ଭିତରେ ବୃଦ୍ଧି ପାଇ ୫,୧୦,୦୦୦ ହୋଇପାରେ ଯାହକି ୨୦୧୬ରେ ୩,୨୦,୦୦ ରହିଥିଲା ।
ଏଠାରେ ଆମେ କହି ରଖୁଛୁ କି, ଭାରତରେ ଚାକିରୀ କ୍ଷେତ୍ରରେ ତଥା ଗ୍ଲୋବାଲ ସ୍ତରରେ କମ୍ ଦକ୍ଷତା ତଥା କୌଶଳ ଥିବା ଚାକିରୀମାନଙ୍କ ସଂଖ୍ୟାରେ ୩୧ ପ୍ରତିଶତ ହ୍ରାସ ପାଇବାର ଯଥେଷ୍ଟ ସମ୍ଭାବନା ରହିଛି । ଯେବେକି ମଧ୍ୟମ ଦକ୍ଷତା ସଂପନ୍ନ ଚାକିରୀ କ୍ଷେତ୍ରରେ ୧୩ ପ୍ରତିଶତ ବୃଦ୍ଧି ପାଇଥିବାବେଳେ ଉଚ୍ଚ ଦକ୍ଷତା ସଂପନ୍ନ ଚାକିରୀ କ୍ଷେତ୍ରରେ ୫୭ ପ୍ରତିଶତ ବୃଦ୍ଧି ପାଇବାର ଅନୁମାନ କରାଯାଇଛି । ତେବେ ସ୍ୱୟଂଚାଳିତ ବ୍ୟବସ୍ଥା ଗ୍ରହଣ କରିବା କାରଣରୁ ୨୦୨୨ ମଧ୍ୟରେ ଭାରତୀୟ ସୂଚନା ପ୍ରଯୁକ୍ତିବିଦ୍ୟା ଏବଂ ବିପିଓ କ୍ଷେତ୍ରରେ ହ୍ରାସ ପାଇ ଏହା ୩,୨୦,୦୦ ରହିପାରେ ବୋଲି ଅନୁମାନ କରାଯାଇଛି ।
ସୌଜନ୍ୟ: ଏନଡିଟିଭି ନ୍ୟୁଜ୍