ଆକାଶରେ ଜଳିଗଲା ମାହାକାଶ ଯାନ ! ଅଳ୍ପକେ ବର୍ତ୍ତିଲେ ଦୁଇ ମହାକାଶଚାରୀ ।
ମଝି ଆକାଶରେ ଜଳିଗଲା ମାହାକାଶ ଯାନ। ଦୁଇଜଣ ମହାକାଶଚାରୀ ଥିବା ଋଷିଆର ଏକ ସୋୟୁଜ ମହାକାଶଯାନ ରେ ଆଜି ଏକ ବଡ଼ ଧରଣରର ଦୁର୍ଘଟଣାର ସମ୍ମୁଖୀନ ହୋଇଛି । ମଝି ଆକାଶରେ ହଠାତ୍ ଏହି ରକେଟର ଇଂଜିନ ଖରାପ ହୋଇଯିବାରୁ ଇଂଜିନରେ ନିଆଁ ଲାଗିଯାଇଥିଲା । ଏହି ମହାକାଶଯାନକୁ ଆଜି କାଜାକସ୍ଥାନସ୍ଥିତ ବୈକାନୁର କସମୋଡ୍ରୋମ ମହାକାଶ କେନ୍ଦ୍ରରୁ ଉତକ୍ଷେପଣ କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ଆକାଶ ମାର୍ଗରେ ଦୁର୍ଘଟଣା ଗ୍ରସ୍ତ ହୋଇଥିବା ରକେଟର ବୁଷ୍ଟର ( ସବୁଠାରୁ ଉପର ଅଂଶ)ରେ ଦୁଇଜଣ ମହାକାଶଚାରୀ (ଜଣେ ଋଷୀୟ ଓ ଜଣେ ଆମେରିକୀୟ) ଥିଲେ । ଋଷୀୟ ମହାକାଶଚାରୀଙ୍କ ନାଁ ହେଉଛି ଆଲେକ୍ସି ଓଭଚିନିନ ଓ ଆମେରିକୀୟ ଜଣକ ହେଲେ ନାସାରେ କାମ କରୁଥିବା ନିକ୍ ହଗ୍ ।
ତେବେ ଠିକ ସମୟରେ ଜରୁରୀକାଳୀନ ବ୍ୟବସ୍ଥାର ଉପଯୋଗ କରି ସେମାନେ ରକେଟଟି ସଂପୂର୍ଣ୍ଣ ଜଳିଯିବା ପୂର୍ବରୁ ସୁରକ୍ଷିତ ଭାବେ ବାହାରି ଆସିବାରେ ସଫଳ ହୋଇଛନ୍ତି । ସର୍ବଶେଷ ଖବର ଅନୁସାରେ ସେମାନେ ସୁରକ୍ଷିତ ଭାବେ ଲାଣ୍ଡିଂ କରିଛନ୍ତି ।