ଅଭିନୟ ନୁହେଁ ରୂପ ଦେଖାନ୍ତି ନାୟିକା ! ନିର୍ଦ୍ଦେଶକଙ୍କ ସାଂଘାତିକ୍ ବୟାନକୁ ନେଇ ସିନେମା ଦୁନିଆ ହଲଚଲ୍
ସିନେମା ନାୟିକାମାନଙ୍କୁ କେବଳ ଗ୍ଲାମର ପାଇଁ ଟଙ୍କା ଦିଆଯାଏ । ଦର୍ଶକ ଟଙ୍କା ଖର୍ଚ୍ଚ କରି ସିନେମା ଦେଖିବା ପାଇଁ ଆସନ୍ତି ତେଣୁ ସେମାନଙ୍କୁ ଖୁସି କରିବା ନାୟିକାଙ୍କ କାମ । ଏଭଳି ବିବାଦୀୟ ବୟାନ ଦେଇ ଚର୍ଚ୍ଚାରେ ଦକ୍ଷୀଣ ଭାରତୀୟ ସିନେମା ନିର୍ଦ୍ଦେଶକ ସୂରଜ ।
Kanak News is now on WhatsApp
Join and get latest news updates delivered to you via WhatsApp
ନିକଟରେ ୟୁଟ୍ୟୁବ ଚ୍ୟାନେଲରେ ହୋଇଥିବା ଏକ ସାକ୍ଷାତକାରରେ ଏପରି କହିଛନ୍ତି ସୂରଜ। ଏହା ସହ ସେ କହିଛନ୍ତି ମୁଁ ସବୁବେଳେ ନାୟିକା ଛୋଟ କପଡା ପିନ୍ଧନ୍ତୁ ବୋଲି ଚାହେଁ । ଡ୍ରେସ ଡିଜାଇନର ମୋ ପାଖକୁ ଆସିଲେ ମୁୁଁ ନାୟିକାଙ୍କ ପାଇଁ ଛୋଟ କପଡା ହିଁ ରଖେ । ଏମିତିରେ ନାୟିକା ମାନେ ଅମଙ୍ଗ ହେଲେ ମଧ୍ୟ ମୁଁ ସେଥିପ୍ରତି ଧ୍ୟାନ ଦିଏନି ।
ତେବେ ସୂରଜଙ୍କ ଏପରି ମନ୍ତବ୍ୟକୁ ଲୋକପ୍ରିୟ ଅଭିନେତ୍ରୀ ତମନ୍ନା ଭାଟିଆ ଓ ନୟନତାରା ଘୋର ବିରୋଧ କରିଛନ୍ତି । ନୟନତାରା କହିଛନ୍ତି କି ସିନେମାର ଜଗତ ସହ ଜଡିତ କୌଣସ ବ୍ୟକ୍ତି କିପରି ଏପରି ଖରାପ ମନ୍ତବ୍ୟ ଦେଇପାରେ । ଅଭିନେତ୍ରୀ ମାନଙ୍କୁ ଏପରି ଖରାପ ଟିପ୍ପଣୀ ଦେବାକୁ ସେ କିଏ ବୋଲି ପ୍ରଶ୍ନ କରିଛନ୍ତି ନୟନତାରା । ଏହା ସହ ତମନ୍ନା ଭାଟ୍ଟିଆ ମଧ୍ୟ ସୂରଜଙ୍କ ଏପରି ଟିପ୍ପଣୀରେ ବହୁତ ଦୁଃଖି ବୋଲି କହିବା ସହ କ୍ଷମା ମାଗିବା ପାଇଁ କହିଛନ୍ତି ।