ଆପଣଙ୍କୁ ଶୀଘ୍ର ବାର୍ଦ୍ଧକ୍ୟ ଗ୍ରାସ କରିବ ନାହିଁ ! ଖାଆନ୍ତୁ ଏହି ଫଳ
ଆମ ସମସ୍ତଙ୍କର ଇଚ୍ଛା ଥାଏ ଆମେ ଶୀଘ୍ର କେମିତି ବୁଢା ଦେଖାଯିବାନି ଏବଂ ଆମକୁ କେମିତି ଶୀଘ୍ର ବାର୍ଦ୍ଧକ୍ୟ ଗ୍ରାସ କରିବନି ସେ ଉପରେ ଆମ ସମସ୍ତଙ୍କର ନଜର ରହିଥାଏ । ଏବେ ଆମେ ଏମିତି ଏକ ଫଳ ବିଷୟରେ ଜାଣିବା ଯାହାକୁ ଆମେ ଖାଇବା ଦ୍ୱାରା ଆମକୁ ଶୀଘ୍ର ବାର୍ଦ୍ଧକ୍ୟ ମଧ୍ୟ ଗ୍ରାସ କରିପାରିବନି । ଏହି ଫଳକୁ “ଡ୍ରେଗନ୍’ ଫଳ ବୋଲି କୁହାଯାଏ । ଏହି ଫଳ ପିତାୟା କିମ୍ନା ଷ୍ଟ୍ରବେରୀ ପିୟର ନାମରେ ମଧ୍ୟ ସମସ୍ତଙ୍କ ପାଖରେ ପରିଚିତ ।
Kanak News is now on WhatsApp
Join and get latest news updates delivered to you via WhatsApp
ଉପରକୁ ଆବୁଡା ଖାବୁଡା ଦେଖାଯାଉଥିବା ଏହି ଫଳ କିନ୍ତୁ ଭିତରୁ ବହୁତ କୋମଳ ଏବଂ ଖାଇବା ପାଇଁ ବହୁତ ଭଲ ଲାଗିଥାଏ । ଏହାର ଉପକାରିତା ସମ୍ପର୍କରେ ଜାଣିଲା ପରେ କେହି ମଧ୍ୟ ଏହାକୁ ନ’ଖାଇ ରହିପାରିବେ ନାହିଁ ।ଆଜିକାଲି ହାର୍ଟ ଜନିତ ସମସ୍ୟା ପ୍ରାୟତଃ ସମସ୍ତଙ୍କ ପାଖରେ ଦେଖାଯାଉଛି, ଏହି ସମସ୍ୟା ପାଇଁ “ଡ୍ରେଗନ୍’ ଫଳ ବହୁତ ଉପକାରୀ ସାବ୍ୟସ୍ତ ହୋଇଥାଏ ।
ଏହି ଫଳ ଶରୀର ମଧ୍ୟରେ କୋଲେଷ୍ଟ୍ରଲର ପରିମାଣକୁ କମାଇଥାଏ । “ଡ୍ରେଗନ୍’ ଫଳ ଶରୀର ମଧ୍ୟରେ ସୁଗରର ପରିମାଣକୁ ଠିକ୍ ରଖିବାରେ ସାହାଯ୍ୟ କରେ । ଏହି ଫଳରେ ଥିବା ଫାଇବର ବ୍ଲଡ୍ ସୁଗରର ପରିମାଣକୁ ଶରୀର ମଧ୍ୟରେ ସନ୍ତୁଳିତ ରଖିଥାଏ । ଏହାବ୍ୟତିତ ଏହା ଆମର ପାଚନକ୍ରୀୟାକୁ ମଧ୍ୟ ଠିକ୍ ରଖିଥାଏ ।
ଫ୍ରିରେଡିକଲସ୍ ଏବଂ କ୍ୟାନସର ତିଆରି କରୁଥିବା ତତ୍ୱରୁ ଶରୀରକୁ ବଂଚାଇବା ପାଇଁ ଏହିଫଳ ଖାଇବା ନିହାତି ଦରକାର । କାରଣ ଏହି ଫଳରେ ଆଂଟି ଅକ୍ସିଡେଂଟର ପରିମାଣ ଅଧିକ ରହିଥାଏ ଏବଂ ଏହା ଶରୀର ପାଇଁ ଉପକାରୀ ସାବ୍ୟସ୍ତ ହୋଇଥାଏ ।
ଡ୍ରେଗନ୍ ଫଳରେ ଆଂଟିଅକ୍ସିଡେଂଟର ପରିମାଣ ଅଧିକ ରହିଥିବାରୁ ଅସମୟରେ ବାର୍ଦ୍ଧକ୍ୟ ଗ୍ରାସ କରିପାରେ ନାହିଁ । ଏହିଫଳ ସହିତ ମହୁକୁ ମିଶାଇ ଫେସପ୍ୟାକ୍ ତିଆରି କରି ତାକୁ ନିୟମିତ ବ୍ୟବଧାନରେ ମୁହଁରେ ଲଗାଇଲେ ଏହା ଚେହେରାରୁ ଫାଇନ୍ ଲାଇନକୁ କାଢିଦେଇଥାଏ, ଏବଂ ଏହାଦ୍ୱାରା ଚେହେରାରେ ଚମକ ଆସିଥାଏ ।