କନକ ବ୍ୟରୋ : ସୋସିଆଲ ମିଡିଆରେ ପ୍ରକାଶକଙ୍କ ରକ୍ତାକ୍ତ ଫଟୋ । ଫେସବୁକ୍ ପେଜରେ ଜଣାଶୁଣା ପ୍ରକାଶକ ହିମାଂଶୁ ମହାପାତ୍ରଙ୍କ ଫଟୋକୁ ନେଇ ଚର୍ଚ୍ଚା ଜୋର ଧରିଛି । ଫେସବୁକରେ ତାଙ୍କ ମୁଣ୍ଡରୁ ରକ୍ତ ବାହାରୁଥିବା ଏବଂ ଗୋଡ ଓ ହାତର ଶିରା କଟା ହୋଇଥିବା ଦେଖିବାକୁ ମିଳିଛି । ତାଙ୍କ ଅବସ୍ଥା ଗୁରୁତର ବୋଲି ତାଙ୍କ ଫେସବୁକରେ ପୋଷ୍ଟ ହୋଇଥିବା ଫଟୋ ଏବଂ ଲେଖାରୁ ଜଣାପଡୁଛି ।
Kanak News is now on WhatsApp
Join and get latest news updates delivered to you via WhatsApp
ନିଜ ସ୍ତ୍ରୀଙ୍କ ଠାରୁ ବିଶ୍ୱାସଘାତକତାର ଶିକାର ହେବା ପରେ ନିଜ ପ୍ରତି ଅସନ୍ତୋଷ ଏବଂ କ୍ଷୋଭ ଯୋଗୁ ସାହିତ୍ୟିକ ହିମାଂଶୁ ମହାପାତ୍ର ଆତ୍ମହତ୍ୟା ଉଦ୍ୟମ କରିଥିବା ତାଙ୍କ ଲେଖାରୁ ଏକପ୍ରକାର ସ୍ପଷ୍ଟ ହୋଇଛି । ‘ଆସିଥିଲା ମୋତେ ମାରିବାକୁ, ମୋ ସ୍ୱପ୍ନକୁ ଦଳି ଚକଟିବାକୁ । ମୋ ପୁଅକୁ ବାପଛେଉଣ୍ଡ କରିବାକୁ । ହେଲେ ସେ ମୋତେ କଣ ପାଇଁ ବାଛିଲା । ଉତର ପଢିବାକୁ ବୋଧେ ଆଉ ମୁଁ ନଥିବି ।
ଗୋଟେ ଜୀବନ ଶେଷ, ଗୋଟେ ସ୍ୱପ୍ନ ଶେଷ ।’ ଫେସବୁକରେ ନିଜ ରକ୍ତାକ୍ତ ଫଟୋ ସହ ଏହି ଭଳି କିଛି ଲେଖା ପୋଷ୍ଟ କରିଛନ୍ତି ପ୍ରକାଶକ ହିମାଂଶୁ ମହାପାତ୍ର । ତେବେ ସେ କେଉଁଠି ଅଛନ୍ତି, କେଉଁଠି ରହି ଏଭଳି ପୋଷ୍ଟ କରୁଛନ୍ତି ସେ ନେଇ କିଛି ତଥ୍ୟ ଏଯାଏ ମିଳିପାରିନି । ତାଙ୍କ କଟକସ୍ଥିତ ଘରେ ବି ତାଲା ଝୁଲୁଥିବା ଜଣାପଡିଛି ।