ସ୍କୁଲ ବ୍ୟାଗରେ ସାପ ! ପାଠ ପଢିବା ପାଇଁ ବ୍ୟାଗରୁ ବଢି କାଢିବା ସମୟରେ ବାହାରିଲା ନାଗ, ଅଳ୍ପକେ ବର୍ତ୍ତିଲା କୁନିପିଲାର ଜୀବନ ।
ବାଙ୍ଗାଲୋରର କାମରାଜନଗରର ଏକ ସ୍କୁଲରେ ଜଣେ ନବମ ଶ୍ରେଣୀ ଛାତ୍ରର ବ୍ୟାଗରୁ ନାଗ ସାପ ବାହାରିବା ପରେ ସ୍କୁଲରେ ଖେଳିଯାଇଥିଲା ଭୟର ବାତାବରଣ । ଛାତ୍ରଜଣଙ୍କ ପାଠ ପଢିବା ପାଇଁ ବ୍ୟାଗରୁ ବହି କାଢିବା ସମୟରେ ବ୍ୟାଗ ଭିତରୁ ବାହାରିଥିଲା ଏକ ନାଗ ସାପ । ସାପଟିକୁ ଦେଖିବା ପରେ ପିଲାଟି ଭୟଭୀତ ହୋଇ ଜୋରରେ ଚିତ୍କାର କରିବା ସହ ସ୍କୁଲ ବ୍ୟାଗଟିକୁ ଦୂରକୁ ଫୋପାଡି ଦେଇଥିଲା ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ବାଙ୍ଗାଲୋରଠାରୁ ୯୦ କିମି ଦକ୍ଷିଣରେ ଥିବା କୃଷ୍ଣାଗିରି ଜିଲ୍ଲା କାମରାଜନଗରସ୍ଥିତ ଏକ ସରକାରୀ ସ୍କୁଲରେ ଏଭଳି ଘଟଣା ଦେଖିବାକୁ ମିଳିଛି । ଘଟଣାଟି ଗତ ସୋମବାର ଦିନ ହୋଇଥିଲା । ପିଲାଟି ଶୁକ୍ରବାର ସ୍କୁଲରୁ ଫେରିବା ପରେ ଘରର ଏକ କୋଣରେ ସ୍କୁଲ ବ୍ୟାଗ ରଖିଥିଲା । ଶନିବାର ଓ ରବିବାର ଛୁଟି ଥିବା ହେତୁ ସେ ଆଉ ସ୍କୁଲ ବ୍ୟାଗରୁ ବହି ଖାତା ବାହାର କରି ନଥିଲା । ସୋମବାର ସ୍କୁଲ ଟାଇମ୍ ହେବାରୁ ସେ ଉକ୍ତ ବ୍ୟାଗଟିକୁ କାନ୍ଧରେ ଧରି ଚାଲି ଚାଲି ସ୍କୁଲରେ ଯାଇ ପହଁଞ୍ଚି ଥିଲା । ପ୍ରାର୍ଥନା ସରିବା ପରେ ଶ୍ରେଣୀଗୃହରେ ବସି ବ୍ୟାଗ ଖୋଲି ବହି ବାହାର କରୁଥିବା ବେଳେ ହଠାତ୍ କ’ଣ ଗୋଟେ ହଲଚଲ ହୋଇଥିବା ପିଲାଟି ଦେଖିବାକୁ ପାଇଥିଲା । କିଛି ସମୟ ପରେ ବ୍ୟାଗ୍ ଭିତରେ ଏକ ନାଗ ସାପ ଥିବା ଜାଣିବା ପରେ ପିଲାଟି ଚିତ୍କାର କରିବା ସହିତ ବ୍ୟାଗଟିକୁ ଦୂରକୁ ଫିଙ୍ଗି ଦେଇଥିଲା । ସୌଭାଗ୍ୟବଶତଃ ପିଲାଟି ସାର୍ପ ଦଂଶନରୁ ରକ୍ଷା ପାଇ ଯାଇଛି । କାରଣ ଯଦି ସେ ନଦେଖି ସ୍କୁଲ ବ୍ୟାଗ ଭିତରେ ହାତ ପୂରାଇ ଥାଆନ୍ତା ତେବେ ନିଶ୍ଚିୟ ଏକ ଅଘଟଣ ଘଟି ଯାଇଥାଆନ୍ତା ।