କେନ୍ଦୁଝର ୪୯ ନମ୍ବର ଜାତୀୟରେ ଜଳିଗଲା ଚଳନ୍ତା ଟ୍ରକ ! ନିଆଁ ଲାଗିବାର କାରଣ ଅସ୍ପଷ୍ଟ
କନକ ବ୍ୟୁରୋ : ଜଳିଗଲା ଚଳନ୍ତା ଟ୍ରକ । କେନ୍ଦୁଝର ଦେଇ ଯାଇଥିବା ୪୯ ନମ୍ବର ଜାତୀୟ ରାଜପଥର କ୍ଷୀରେଇଟାଙ୍ଗରୀରେ ଜଳିଗଲା ଟ୍ରକ । ଆଜି ଭୋର ପ୍ରାୟ ୩ଟା ସମୟରେ ଏକ ପାଉଡର ବୋଝେଇ ଟ୍ରକ ମୁମ୍ବାଇରୁ କୋଲକାତା ଯାଉଥିବା ସମୟରେ କୌଣସି କାରଣରୁ ହଠାତ ନିଆଁ ଲାଗିଯାଇଥିଲା । ଗାଡିରୁ ଧୁଆଁ ବାହାରୁଥିବା ଦେଖି ଟ୍ରକ ଡ୍ରାଇଭର ଏବଂ ହେଲପର ଗାଡିରୁ ଡେଇଁପଡି ନିଜ ଜୀବନ ବଂଚାଇଥିଲେ । ବିଳମ୍ବରେ ଦମକଳବାହିନୀ ଆସି ନିଆଁକୁ ଆୟତ କରିଥିଲେ । ଘଟଣାରେ କେହି ମୃତାହତ ହୋଇନାହାନ୍ତି । ନିଆଁ ଲାଗିବାର କାରଣ ଜଣାପଡିନାହିଁ । ଦୀର୍ଘ ସମୟ ଧରି ଟ୍ରକଟି ରାସ୍ତାରେ ଜଳୁଥିବାରୁ ସଂପୃକ୍ତ ରାସ୍ତାରେ ଗାଡି ଚଳାଚଳ ବାଧାପ୍ରାପ୍ତ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ଅନଯାୟୀ, ଗତକାଲି ରାତିରେ ଏକ ୧୨ ଚକିଆ ଟ୍ରକ୍ କୋଲକାତାରୁ କୌଣସି ଏକ ପାଉଡ଼ର ଲୋଡ଼ିଂ କରି ମୁମ୍ବାଇ ଅଭିମୁଖେ ୪୯ ନମ୍ବର ଜାତୀୟ ରାଜପଥ ଦେଇ ଯାଉଥିଲେ । ତେବେ ରାତି ପ୍ରାୟ ୩ଟା ବେଳେ ଟ୍ରକ୍ଟି ଖିରିଇଟାଙ୍ଗିରି ଛକ ନିକଟରେ ଯାଉଥିବା ବେଳେ ହଠାତ ଏଥିରେ ନିଆଁ ଲାଗିଯାଇଥିଲା । ନିଆଁ ଲାଗିବା ଜାଣି ଡ୍ରାଇଭର ଟ୍ରକ୍ ଅଟକାଇ ହେଲ୍ପର ସହିତ ଗାଡ଼ିରୁ ଓହ୍ଲାଇ ପଡ଼ିଥିଲେ । ଏ ସମ୍ପର୍କରେ ସୂଚନା ପାଇ ତୁରୁମୁଙ୍ଗା ଥାନା ପୁଲିସ ଓ ଦମକଳାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଛନ୍ତି । ତେବେ ନିଆଁ କିପରି ଲାଗିଲା ତାହା ଜଣାପଡ଼ିନାହିଁ । ପୁଲିସ ଘଟଣାର ତଦନ୍ତ ଚଳାଇଛି ।