ରିଜର୍ଭ ବ୍ୟାଙ୍କ ଦେଲା ସାଂଘାତିକ ତଥ୍ୟ । ବ୍ୟାଙ୍କରେ ଜମା କରାଯାଇଥିବା ୧୦୦ ଟଙ୍କା ମଧ୍ୟରୁ କେବଳ ୩୦ ଟଙ୍କା ହିଁ ସୁରକ୍ଷିତ

3

ପିଏନବି ସହ ଅନ୍ୟ କିଛି ବ୍ୟାଙ୍କରେ ହୋଇଥିବା ମହାଘୋଟାଲା ମଧ୍ୟରେ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ନିଜ ରିପୋର୍ଟରେ ଏକ ବଡ ଖୁଲାସା କରିଛି । ଆରବିଆଇ ନିଜ ରିପୋର୍ଟରେ କହିଛି ଯେ, ଡିସେମ୍ବର ୨୦୧୭ ପର୍ଯ୍ୟନ୍ତ ବ୍ୟାଙ୍କ ଗୁଡିକରେ ମୋଟ୍ ୧୦୩ ଲକ୍ଷ କୋଟି ଟଙ୍କା ଜମା କରାଯାଇଛି, ଯେଉଁଥିରୁ ମାତ୍ର ୩୦.୫୦ ଲକ୍ଷ କୋଟି ଟଙ୍କା ହିଁ ସୁରକ୍ଷିତ ଅଟେ ।

୧୦୦ଟଙ୍କାରେ ମାତ୍ର ୩୦ଟଙ୍କା ହିଁ ସୁରକ୍ଷିତ :
ଆରବିଆଇର ଏହି ରିପୋର୍ଟ ଜାରି ହେବା ପରେ ଜଣାପଡିଛି ଯେ, ପ୍ରତ୍ୟେକ ବ୍ୟାଙ୍କରେ ଗ୍ରାହକଙ୍କର କେବଳ ୧ ଲକ୍ଷ ଟଙ୍କା ପର୍ଯ୍ୟନ୍ତ ହିଁ ସୁରକ୍ଷିତ ରହିଛି । ଅର୍ଥାତ ଯଦି ଆପଣଙ୍କର ବ୍ୟାଙ୍କରେ ଆକାଉଣ୍ଟ ଅଛି, ଆଉ ସେଥିରେ ଆପଣ ୧୦୦ ଟଙ୍କା ଜମା କରିଛନ୍ତି, ତେବେ ସେଥିରୁ ମାତ୍ର ୩୦ ଟଙ୍କା ହିଁ ସୁରକ୍ଷିତ । ଏଭଳି ସ୍ଥିତିରେ ଯଦି ବ୍ୟାଙ୍କ ଦେବାଳିଆ ହୁଏ ତେବେ ଜମା କରାଯାଇଥିବା ୧୦୦ ଟଙ୍କା ମଧ୍ୟରୁ ବଳକା ୭୦ ଟଙ୍କା ବୁଡି ଯିବ ।

କଣ ରହିଛି ଆରବିଆଇ ର ନିୟମ ?
ଆରବିଆଇ ପକ୍ଷରୁ ଜମାକାରୀଙ୍କୁ ତାଙ୍କର ଜମା କରାଯାଇଥିବା ରାଶିରେ ମିଳୁଥିବା ସୁଧ ଉପରେ କିଛି ନିୟମ କରାଯାଇଛି । ଡିପୋଜିଟ୍ ଇନସୁରାନ୍ସ ଏଣ୍ଡ କ୍ରେଡିଟ୍ ଗ୍ୟାରେଣ୍ଟି କର୍ପୋରେଶନ (ଡିଆଇସିଜିସି) ନାମରେ କରାଯାଇଥିବା ଏହି ନିୟମ ଅନୁସାରେ ବ୍ୟାଙ୍କରେ ଆପଣଙ୍କ ଦ୍ୱାରା ଜମା କରାଯାଇଥିବା ରାଶି ମଧ୍ୟରୁ କେବଳ ୧ ଲକ୍ଷ ଟଙ୍କାର ଇନସୁରାନ୍ସ ସୁରକ୍ଷିତ ଅଟେ । ଏହି ନିୟମ ସମସ୍ତ ପ୍ରକାର ବ୍ୟାଙ୍କ ଖାତା ପାଇଁ ଲାଗୁ କରାଯାଇଛି । ବ୍ୟାଙ୍କରେ ରଖାଯାଇଥିବା ଆପଣଙ୍କର ସମସ୍ତ ଟଙ୍କା ମଧ୍ୟରୁ କେବଳ ୧ ଲକ୍ଷ ଟଙ୍କା ସୁରକ୍ଷିତ ଅଟେ । ଅର୍ଥାତ ଯଦି ବ୍ୟାଙ୍କ କେବେ ଦେବାଳିଆ ହୁଏ ତେବେ ଆପଣଙ୍କର ଜମା କରାଯାଇଥିବା ସମସ୍ତ ଅର୍ଥ ରାଶି ମଧ୍ୟରୁ କେବଳ ୧ ଲକ୍ଷ ଟଙ୍କାର ଡିପୋଜିଟ୍ ହିଁ ସୁରକ୍ଷିତ ରହିବ । ବାକି ଟଙ୍କା ଆପଣଙ୍କର ବୁଡିଯିବ ।

ସମସ୍ତ ବ୍ୟାଙ୍କରେ ଲାଗୁ ହେବ ଏହି ନିୟମ :
ଆରବିଆଇର ଏହି ନିୟମ ସମସ୍ତ ବ୍ୟାଙ୍କରେ ଜାରି କରାଯାଇଛି । ବିଦେଶୀ ବ୍ୟାଙ୍କ କମ୍ପାନୀ ଯାହାକୁ କି ଆରବିଆଇ ପକ୍ଷରୁ ଲାଇସେନ୍ସ ଦିଆଯାଇଛି, ସେ ସମସ୍ତ ବ୍ୟାଙ୍କରେ ମଧ୍ୟ ଏହି ନିୟମ ଜାରି କରାଯାଇଛି । ଏହି ଦୃଷ୍ଟିରୁ, ପିଏନବି ଏହି ମହାଘୋଟାଲା ପରେ ଦେବାଳୟ ହେବାର ଦ୍ୱାରରେ ଛିଡା ହୋଇଛି ।ଯଦି କେନ୍ଦ୍ର ସରକାର ନିଜ ତରଫରୁ ଏହି କ୍ଷତିପୂରଣ ନକରନ୍ତି, ତେବେ ପିଏନବି ଦେବାଳିଆ ହୋଇଯିବ । ଯଦିଓ ଏହା ଏକ ପବ୍ଲିକ ସେକ୍ଟର, କିନ୍ତୁ ଏହାର ଦାୟିତ୍ୱ କେନ୍ଦ୍ର ସରକାରଙ୍କ ପାଖରେ ଅଛି ।

Comments are closed.