ଭୁବନେଶ୍ୱରରୁ ସମ୍ବଲପୁର ଦେଇ ଦିଲ୍ଲୀ ଯିବ ରାଜଧାନୀ ଏକ୍ସପ୍ରେସ୍ !
କନକ ବ୍ୟୁରୋ : ଭାୟା ସମ୍ବଲପୁର ଦେଇ ଦିଲ୍ଲୀ ଚଳାଚଳ କରିବ ରାଜଧାନୀ ଏକ୍ସପ୍ରେସ । ଖୁବଶୀଘ୍ର ଏହା କାର୍ଯ୍ୟକାରୀ ହେବ ବୋଲି ଜଣାପଡିଛି । ଦିଲ୍ଲୀ ଗସ୍ତରେ ଥିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ରେଳମନ୍ତ୍ରୀ ପୀୟୁଷ ଗୋଏଲଙ୍କୁ ଭେଟି ଏନେଇ ଦାବି କରିଥିଲେ । ଏହାପରେ କେନ୍ଦ୍ରମନ୍ତ୍ରୀ ନବୀନଙ୍କ ପ୍ରସ୍ତାବରେ ସମ୍ମତି ଜଣାଇଥିବା ସୂଚନା ମିଳିଛି । ତେବେ ରାଜ୍ୟରେ ଅନେକ ଗୁଡିଏ ରେଳ ପ୍ରକଳ୍ପର ଅଗ୍ରଗତି ନେଇ କେନ୍ଦ୍ରମନ୍ତ୍ରୀଙ୍କ ନିକଟରେ ଦାବି ରଖିଛନ୍ତି ନବୀନ ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ମୁଖ୍ୟମନ୍ତ୍ରୀ ନବୀନ ୬ ଦିନିଆ ଦିଲ୍ଲୀ ଗସ୍ତ କରି ବୁଧବାର କେନ୍ଦ୍ର ସଡ଼କ ଓ ପରିବହନ ମନ୍ତ୍ରୀ ନୀତିନ ଗଡ଼କରୀଙ୍କୁ ଭେଟିଛନ୍ତି। ଦିଲ୍ଲୀସ୍ଥିତ ପରିବହନ ଭବନରେ ମୁଖ୍ୟମନ୍ତ୍ରୀ ପଟ୍ଟନାୟକ ସାକ୍ଷାତକାର ସମୟରେ ଓଡ଼ିଶାର ସଡ଼କ ଓ ପରିବହନକୁ ନେଇ ସମସ୍ୟା ଓ ଏହାର ସମାଧାନ ଉପରେ କେନ୍ଦ୍ରମନ୍ତ୍ରୀଙ୍କ ସହିତ ଆଲୋଚନା କରିଥିବା ଜଣାପଡ଼ିଛି।
ସାକ୍ଷାତ ସମୟରେ ଭୁବନେଶ୍ୱର-ପୁରୀ ଜାତୀୟ ରାଜପଥ ନମ୍ବର ୨୦୩, ରେମୁଳି -ରାଜମୁଣ୍ଡା ଜାତୀୟ ରାଜପଥ-୨୧୫, କଟକ-ଅନୁଗୁଳ ଜାତୀୟ ରାଜପଥ-୪୨, ବାରକୋଟ-ପାନପୋଶ ଜାତୀୟ ରାଜପଥ ନମ୍ବର ୨୩, ଚଣ୍ଡୀଖୋଳ-ବାଲେଶ୍ୱର ଜାତୀୟ ରାଜପଥ ନମ୍ବର -୧୬(୪ଥାକିଆ), ଚଣ୍ଡିଖୋଲ-ଡୁବୁରୀ-ତାଲଚେର ଜାତୀୟ ରାଜପଥ ନମ୍ବର ୨୦୦ ଉପରେ ଆଲୋଚନା ହୋଇଛି। ସେହିଭଳି ଖଣ୍ଡଗିରି ଫ୍ଲାଏଓଭର ବ୍ରିଜ, ଗୋହିରା ଛକ ନିକଟରେ ଫ୍ଲାଏଓଭର ବ୍ରିଜ ଉପରେ ମଧ୍ୟ ଆଲୋଚନା ହୋଇଛି।