ନିସ୍ତାର ପାଇବେ ନାହିଁ ଜଣେ ବି ଆତଙ୍କୀ ! ଆତଙ୍କବାଦର ମୂଳୋତ୍ପାଟନ ପାଇଁ ସୁଚିନ୍ତିତ ଯୋଜନା କରିଛନ୍ତି ସରକାର
କନକ ବ୍ୟୁରୋ : ଜମ୍ମୁ କଶ୍ମୀରରେ ଆତଙ୍କର ମେରୁଦଣ୍ଡ ଭାଙ୍ଗିବା ପାଇଁ ସରକାର ସୁଚିନ୍ତିତ ଯୋଜନା କରିଛନ୍ତି । ସର୍ଜିକାଲ ଷ୍ଟ୍ରାଇକ୍ ପରେ ଆତଙ୍କବାଦ ଦମନ ରଣନୀତିରେ ବଡ଼ ପରିବର୍ତ୍ତନ ଆସିଛି ଏବଂ ଭାରତ ଏ ଦିଗରେ କିଭଳି ପଦକ୍ଷେପ ନେଇପାରେ ତାହା ବିଶ୍ବ ଅବଗତ ହୋଇଛି । କୌଣସି ଜଣେ ବି ଆତଙ୍କବାଦୀ ଯେଭଳି ନିସ୍ତାର ପାଇବେ ନାହିଁ ସେ ଦିଗରେ ସୁରକ୍ଷା ବାହିନୀ ତା’ର କାର୍ଯ୍ୟ କରୁଛି ବୋଲି ପ୍ରଧାନମନ୍ତ୍ରୀ ମୋଦି ଆଜି ଏଠାରେ ଏକ କାର୍ଯ୍ୟକ୍ରମରେ କହିଛନ୍ତି । କଶ୍ମୀର ପଣ୍ଡିତଙ୍କ ସମସ୍ୟା ସମାଧାନ ପାଇଁ କେନ୍ଦ୍ର ସରକାର ଯୋଜନାବଦ୍ଧ ନୀତିରେ ଆଗକୁ ବଢ଼ୁଛନ୍ତି ଏବଂ ଏହାର ସୁଫଳ ମିଳିବ ବୋଲି ମୋଦି କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କଶ୍ମୀରରେ ‘ଅଚ୍ଛେ ଦିନ’ ଫେରିବ ବୋଲି ପ୍ରତିଶ୍ରୁତି ଦେଇ ମୋଦି କହିଥିଲେ ଯେ ଯେଉଁମାନେ ଅନ୍ୟର ସ୍ବପ୍ନକୁ ମାରିଦିଅନ୍ତି ସେମାନେ ସବୁଠାରୁ ବଡ଼ କାପୁରୁଷ । କଶ୍ମୀରରେ ଯୁବ ଗୋଷ୍ଠୀ ଶାନ୍ତିର ମାର୍ଗକୁ ଚୟନ କଲେ କୌଣସି ବାହ୍ୟ ଶକ୍ତି ଏଠାରେ ହିଂସା ସୃଷ୍ଟି କରିପାରିବ ନାହିଁ ବୋଲି ସେ କହିଛନ୍ତି । ଜମ୍ମୁ ଏବଂ ଶ୍ରୀନଗର ଡିଭିଜନରେ ଆଜି ୨ଟି ଏମ୍ସକୁ ପ୍ରଧାନମନ୍ତ୍ରୀ ଉଦଘାଟନ କରିଛନ୍ତି । ପ୍ରଧାନମନ୍ତ୍ରୀ ଆଜି ପ୍ରଥମେ ଲେହ ଗସ୍ତ କରି ବିଭିନ୍ନ ପ୍ରକଳ୍ପର ଉଦଘାଟନ ଏବଂ ଶିଳାନ୍ୟାସ କାର୍ଯ୍ୟକ୍ରମରେ ଯୋଗ ଦେଇଥିଲେ ଏବଂ ସେଠାରେ ମଧ୍ୟ ଏକ ଜନସଭାରେ ଉଦବୋଧନ ଦେଇଥିଲେ ।