କିଏ ହେବ ଟିମ ଇଣ୍ଡିଆର ସଙ୍କଟମୋଚନ : ଜୋହାନ୍ସବର୍ଗରେ ସମ୍ମାନ ରକ୍ଷା କରିବାକୁ କୋହଲିଙ୍କ ପାଇଁ ରହିଛି ଶେଷ ସୁଯୋଗ
-ବର୍ଷ ଆରମ୍ଭରୁ ନିରାଶ କଲା ଟିମ ଇଣ୍ଡିଆ
-କିଏ ହୋଇପାରିବ ବିଦେଶରେ ଟିମ ଇଣ୍ଡିଆର ସଙ୍କଟମୋଚନ
-ପୂଜାରା ଆସିଥିଲେ ୱିକେଟ ଫୋପାଡିବାକୁ
-ଘର ଭିତରେ ଦଳ ହିରୋ ହେଲେ ବାହାରେ ଜିରୋ
Kanak News is now on WhatsApp
Join and get latest news updates delivered to you via WhatsApp
୨୦୧୭ ବର୍ଷଟି ଟିମ ଇଣ୍ଡିଆ ପାଇଁ ଥିଲା ଏକ ସଫଳତାର ବର୍ଷ । ୨୦୧୭ର ଖେଳାଯାଇଥିବା ସିରିଜ ସମସ୍ତ ମ୍ୟାାଚରେ ସଫଳତା ହାସଲ କରିଥିଲା ବିରାଟ ବାହିନୀ । ସେ ଟେଷ୍ଟ ହେଉ ଅବା ଦିନିକିଆ କି ଟି-ଟ୍ୱେଂଟି ସମସ୍ତ ଫମାର୍ଟରେ ଟିମ ଇଣ୍ଡିଆ ହାସଲ କରିଥିଲା ଅନେକ ବିରଳ କିର୍ତିମାନ । ତେବେ ଚଳିତବର୍ଷ ଆରମ୍ଭରୁ ହିଁ ଝୁଂଟିଲା ବିରାଟ ବାହିନୀ । ଅଧିନାୟକ ଭାବେ କୋହଲି ପ୍ରଥମ ଥର ପାଇଁ ହାରିଛନ୍ତି ଟେଷ୍ଟ ଶୃଙ୍ଖଳା । ଦକ୍ଷିଣ ଆଫ୍ରିକା ଗସ୍ତରେ ଥିବା ଟିମ ଇଣ୍ଡିଆ ୩ଟି ଟେଷ୍ଟ ମ୍ୟାଚରୁ ୨ଟିରେ ପରାଜୟ ବରଣ କରିବା ସହିତ ସିରିଜକୁ ହାତଛଡା କରିଛି । ବ୍ୟାଟିଂ ବିଭାଗରେ ଆମ ଦଳ ସବୁଠାରୁ ଶକ୍ତିଶାଳୀ ହେଲେ ଏହାକୁ ଭୁଲ ପ୍ରମାଣିତ କରିଦେଲେ ପ୍ରୋଟିଆସର ବୋଲର ମାନେ ।
ମାପଚୁପ ଓ ଶୃଙ୍ଖଳିତ ବୋଲି ଆଗରେ ହାର ମାନିଲେ ଭାରତୀୟ ବ୍ୟାଟ୍ସମ୍ୟାନ । ପ୍ରଥମ ଟେଷ୍ଟ ଖେଳାଯାଇଥିଲା କେପଟାଉନରେ । ଭାରତୀୟ ବୋଲରଙ୍କ ଦମଦାର ବୋଲିଂ ହେଲେ ବ୍ୟାଟ୍ସମ୍ୟାନଙ୍କ ଦାୟିତ୍ୱହୀନ ବ୍ୟାଟିଂ ଯୋଗୁଁ ଦଳ ୨୧୬ ରନ ଚେଜ୍ ନକରିପାରି ପରାଜୟବରଣ କଲା ଦଳ । ଟିମରେ ଥିଲେ ଗବର ଭାବେ ପରିଚିତ ଶିଖର ଧାୱନ । ହିଟ ମ୍ୟାନ ରୋହିିତ ଏବଂ ଅଧିନାୟକ କୋହଲି । ଅନେକ ଷ୍ଟାର ଖେଳାଳି ଥିବା ସତ୍ୱେ ବ୍ୟାଟିଂ ବିଭାଗ ସମ୍ପୂର୍ଣ ଭୁସୁଡିଯାଇଥିଲା । ଆଉ ଦାୟିତ୍ୱହୀନତା ବ୍ୟାଟିଂ ପାଇଁ ପ୍ରଥମ ମ୍ୟାଚରେ ପରାଜୟବରଣ କରିଥିଲା ବିରାଟ ବ୍ରିଗେଡ । ନଜର ପକାଇବା ଦ୍ୱିତୀୟ ଟେଷ୍ଟ ମ୍ୟାଚ ଉପରେ । ଅନେକ ଆଶା ଭରସା ଓ ବିଶ୍ୱାସ ରହିଥିଲା ବିରାଟ ବାହିନୀ ଉପରେ । ଦଳ କେପଟାଉନର ବଦଲା ସେଂଚୁରିଆନରେ ନେବ ହେଲେ ସବୁ ଭୁଲ ପ୍ରମାଣିତ ହେଲା । ସେଇ ସମାନ ଅବସ୍ଥା ମଧ୍ୟ ଘଟିଥିଲା ଦ୍ୱିତୀୟ ଟେଷ୍ଟରେ । ବୋଲରଙ୍କ ଆଧିପତ୍ୟ ହେଲେ ବ୍ୟାଟିଂରେ ତ୍ରୁଟି ।
କ୍ରିକେଟ ଇତିହାସରେ ରାହୁଲ ଦ୍ରାବିଡ ଦି – ୱାଲ ଭାବେ ଯେତିକି ପରିଚିତ ସେତିକି ମଧ୍ୟ ସଂଙ୍କଟମୋଚକ ଭାବେ ଜଣାଶୁଣା । ହେଲେ ଏବେ କିଏ ହେବ ଦଳ ପାଇଁ ସଙ୍କଟ ମୋଚନ । କୁହାଗଲା ଦ୍ରାବିଡଙ୍କ ଜାଗା ପୁଜାରା ନେବେ ଏବଂ ପୁଜାରା ମଧ୍ୟ ସଫଳ ହେଲେ । କିନ୍ତୁ ଭାରତ ବାହାରେ ଏବଂ ଏହି ୨ଟି ଟେଷ୍ଟରେ ୪ଟି ଇନିଂଙ୍ଗସରେ ପୁଜାରା ୪୯ରନ କରିଥିଲେ । ୨ୟ ଟେଷ୍ଟର ୨ଟି ଇନିଂସ୍ରେ ପୁଜାରା ରନଆଉଟ ହୋଇଥିଲେ । ଗୁରୁତ୍ୱପୂର୍ଣ ମ୍ୟାଚରେ ଜଣେ ଆଗଧାଡିର ବ୍ୟାଟ୍ସମ୍ୟାନ ରନ ଆଉଟ ହେବା ଦୁଃଭାଗ୍ୟଜନକ । ଲାଗୁଥିଲା ବ୍ୟାଟିଂ ତ ନୁହେଁ ସତେ ଯେପରି ସେ ୱିକେଟ ଫୋପାଡିବାକୁ ଆସିଥିଲେ । ହିଟ ମ୍ୟାନ ରୋହିତ ଶର୍ମା କ୍ରିଜରେ ଜମି ଆସୁଥିବା ବେଳେ ଖେଳିଥିଲେ ଦାୟିତ୍ୱହୀନ ସଟ୍ ଯାହାଫଳରେ ଶସ୍ତାରେ ଦଳ ଏକ ୱିକେଟ ହରାଇବସିଥିଲା । କୋହଲି ପ୍ରଥମ ଇନିଙ୍ଗସରେ ଖେଳିଥିଲେ ଆକର୍ଷଣୀୟ ଶତକୀୟ ପାରି ହେଲେ ଦ୍ୱିତୀୟ ଇନିଙ୍ଗସରେ ଦକ୍ଷିଣଆଫ୍ରିକାର ଡେବ୍ୟୁ ମ୍ୟାନ ଲୁଙ୍ଗି ଏନଜିଡି ତାଙ୍କୁ ଏଲବିଡବଲ୍ଲୁ କରିଥିଲେ । କହିବାକୁ ଗଲେ ୭ଜଣ ବ୍ୟାଟ୍ସମ୍ୟାନଙ୍କୁ ନେଇ ପଡିବାକୁ ଓହ୍ଲାଇଥିଲା ଟିମ୍ ଇଣ୍ଡିଆ କିନ୍ତୁ ସମସ୍ତ ଖେଳାଳି ଫେଲ ମାରିଥିଲେ । ଯେଉଁପ୍ରକାର ଖେଳ ଦେଶ ଭିତରେ ଭାରତ ଖେଳୁଛି ,କହିବା ବାହୁଲ୍ୟ ଯେ ଘରେ ଆମେ ହିରୋ , ହେଲେ ବାହାରେ ପ୍ରଦର୍ଶନ ନିରାଶ ଜନକ ।
ସାମ୍ବାଦିକ ସମ୍ମିଳନୀ ରେ ଚିଡିଗଲେ ଅଧିନାୟକ । ସାମ୍ବାଦିକଙ୍କ୍ ପ୍ରଶ୍ନରେ କୋହଲି କହିଲେ ଯେ ଆପଣ କୁହନ୍ତୁ ଚୁଡାନ୍ତ ଏକାଦଶରେ କେଉଁ ୧୧ଜଣ ଖେଳିବେ ଓ ଆମେ ସେହି ଟିମକୁ ଖେଳାଇବୁ । ସିରିଜର ଅନ୍ତିମ ମ୍ୟାଚ ଖେଳାଯିବ ଜାନୁଆରୀ ୨୪ ରେ । ଦେଖିବାକୁ ରହିଲା ମ୍ୟାଚରେ କେଉଁ ବ୍ୟାଟ୍ସମ୍ୟାନ ଙ୍କୁ ବସାଯାଇ କାହାକୁ ଖେଳାଯାଉଛି । ଜୋହାନ୍ସବର୍ଗରେ ସମ୍ମାନ ରକ୍ଷା କରିବାକୁ କୋହଲିଙ୍କ ପାଇଁ ରହିଛି ଶେଷ ସୁଯୋଗ ।