ନେତା ହରାଇଲେ ଜାତି ! ଅଲଗା ଜାତିରେ ଭଉଣୀଙ୍କୁ ବାହା ଦେବା ଯୋଗୁଁ ବାସନ୍ଦ ହେଲେ ପ୍ରଦୀପ ମାଝୀ
କନକ ବ୍ୟୁରୋ : ଜାତିବାଦରୁ ବାଦ୍ ପଡିଲେନି ସାଂସଦ । ଜାତିରୁ ବାସନ୍ଦ ହେଲେ ନବରଙ୍ଗପୁରର ପୂର୍ବତନ ସାଂସଦ ପ୍ରଦୀପ ମାଝୀ ଓ ତାଙ୍କ ପରିବାର । ନେତାଙ୍କୁ ବାସନ୍ଦ କରିଛନ୍ତି ଅଖିଳ ଭାରତୀୟ ଭତରା ସମାଜ । ପ୍ରଦୀପ ମାଝୀଙ୍କ ଭଉଣୀକୁ ଉଚ୍ଚ ଜାତିରେ ବିବାହ କରିବା ଅଭିଯୋଗରେ ତାଙ୍କୁ ସମାଜ ବାସନ୍ଦ କରିଛି ।
Kanak News is now on WhatsApp
Join and get latest news updates delivered to you via WhatsApp
ଭତରା ସମାଜ ପକ୍ଷରୁ କୁହାଯାଇଛି, ମାଝୀ ପରିବାର ଆଦିବାସୀ ହିସାବରେ ସମସ୍ତ ସରକାରୀ ସୁବିଧା ସୁଯୋଗ ପାଇ ବିଭିନ୍ନ ପଦ ପଦବୀରେ ରହିଛନ୍ତି । କିନ୍ତୁ ତାଙ୍କ ପରିବାର ଝିଅଙ୍କୁ କାହିଁକି ଅନ୍ୟ ଜାତିରେ ବିବାହ କରିଛନ୍ତି । ସମାଜ ପକ୍ଷରୁ ପଚରା ଯାଇଛି କଣ ତାଙ୍କ ସମାଜରେ ପୁଅ ନାହାଁନ୍ତି? ନା ଆଉ କିଛି?
ନବରଙ୍ଗପୁର ବିଧାୟକ ମନୋହର ରାନ୍ଧାରୀଙ୍କୁ ମଧ୍ୟ ପୂର୍ବରୁ ଏହି ଜାତିବାଦ ମାମଲାରେ ବାସନ୍ଦ କରିଥିଲା ସମାଜ । ସେହିପରି କିଛି ଦିନ ପୂର୍ବରୁ ମନ୍ତ୍ରୀ ସୁଦାମ ମାରାଣ୍ଡିଙ୍କୁ ଜାତିବାଦ ପାଇଁ ସମାଜ ତାଙ୍କୁ ବାସନ୍ଦ କରିଥିଲା । ଯାହା ଚର୍ଚ୍ଚାରେ ବିଷୟ ପାଲଟିଥିଲା ।