ଆଣ୍ଡାମାନ ଗସ୍ତରେ ମୋଦି ! ସୁନାମୀରେ ପ୍ରାଣ ହରାଇଥିବା ବ୍ୟକ୍ତିଙ୍କ ଉଦ୍ଦେଶ୍ୟରେ ଦେଲେ ଶ୍ରଦ୍ଧାଞ୍ଜଳି
କନକ ବ୍ୟୁରୋ : ଆଣ୍ଡାମାନ ଗସ୍ତରେ ପ୍ରଧାନମନ୍ତ୍ରୀ ମୋଦି । ଆଣ୍ଡାମାନରେ ପହଁଚି ମୋଦି ୨୦୦୪ ସୁନାମୀରେ ପ୍ରାଣ ହରାଇଥିବା ବ୍ୟକ୍ତିଙ୍କ ଉଦ୍ଦେଶ୍ୟରେ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି । ଗସ୍ତ ସମୟରେ ସେ ଏହି ତିନୋଟି କେନ୍ଦ୍ରଶାସିତ ଦ୍ୱୀପ ନାଁ ବଦଳାଇବାର ଘୋଷଣା କରିପାରନ୍ତି । ନାଁ ବଦଳିବାକୁ ଥିବା ୩ଟି ଦ୍ୱୀପପୁଂଜ ହେଲା ରସ୍ ଆଇଲ୍ୟାଣ୍ଡ, ନୀଲ ଆଇଲ୍ୟାଣ୍ଡ ଓ ହେଭଲକ୍ ଆଇଲ୍ୟାଣ୍ଡ । ବ୍ରିଟିଶ ଅମଳରେ ଏହି ଦ୍ୱୀପପୁଂଜଗୁଡ଼ିକର ଏଭଳି ନାମକରଣ ହୋଇଥିଲା । ଆଗକୁ ଏଗୁଡ଼ିକ ଯଥାକ୍ରମେ ସୁବାସ ବୋଷ ଦ୍ୱୀପ, ଶହୀଦ ଦ୍ୱୀପ ଓ ସ୍ୱରାଜ୍ ଦ୍ୱୀପ ନାଁରେ ପରିଚିତ ହେବାର କୁହାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ପ୍ରଧାନମନ୍ତ୍ରୀ ମୋଦି ପ୍ରଥମ ଥର ଆଣ୍ଡାମାନ ନିକୋବର ଗସ୍ତ କରିଥିବା ବେଳେ ଏହି ଅବସରରେ ୭ଟି କାର୍ଯ୍ୟକ୍ରମରେ ଯୋଗ ଦେବେ । ଆଜାଦ ହିନ୍ଦ ସରକାର ସରକାର ଗଠନ ଘୋଷଣାର ୭୫ ବର୍ଷ ପୂର୍ତି ଅବସରରେ ପୋର୍ଟ ବ୍ଲେୟାର ମରିନା ପାର୍କରେ ମୋଦି ସୁବାସ ବୋଷଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ ଓ ଷ୍ଟାର୍ଟ ଅପ୍ ନୀତି ଆରମ୍ଭ କରିବାର କାର୍ଯ୍ୟକ୍ରମ ରହିଛି । ଏହା ବ୍ୟତୀତ ୭ ମେଗାୱାଟ୍ ଉତ୍ପାଦନ କ୍ଷମତାଯୁକ୍ତ ସୌର ବିଦ୍ୟୁତ ପ୍ରକଳ୍ପର ଲୋକାର୍ପଣ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।