କୁନି ପୁଅକୁ କାରରେ ଛାଡି କିଣାବିକାରେ ମସଗୁଲ ବାପା ମା’ ଆଉ ତା ପରେ …
ବାପା ମା’ଙ୍କୁ ଛୁଆପ୍ରତି ବିଶେଷ ଧ୍ୟାନ ରଖିବା ଆବଶ୍ୟକ । କିନ୍ତୁ କିଛି ମୂହୁର୍ତ୍ତର ଅବହେଳା ଯେ ଛୁଆପ୍ରତି କିଭଳି ପରିସ୍ଥିତି ଆଣିଦିଏ ତାହା ଉତ୍ତରପ୍ରଦେଶର ଏହି ଘଟଣାରୁ ଆପଣ ଜାଣିପାରିବେ । ଉତ୍ତରପ୍ରଦେଶର ବହରାଇଚ୍ ଠାରେ ବୁଧବାର ଏକ ଦମ୍ପତି ସପିଙ୍ଗ୍ କରିବା ପାଇଁ କାରରେ ରାମଗାଁଓ ସପିଙ୍ଗ୍ ସେଣ୍ଟରକୁ ଯାଇଥିଲେ ଏବଂ ସାଙ୍ଗରେ ନେଇଯାଇଥିଲେ ନିଜ ୪ ବର୍ଷର କୁନି ପୁଅକୁ । କିନ୍ତୁ ଅଧିକ ଖରା ଏବଂ ଦୋକାନରେ ଲୋକଙ୍କ ଭିଡ ରହିଥିବାରୁ ଦମ୍ପତି ଛୁଆଟିକୁ କାରରେ ହିଁ ବସାଇ ସପିଙ୍ଗ୍ ପାଇଁ ଚାଲି ଯାଇଥିଲେ । ଦୋକାନକୁ ଗଲାବେଳେ ଭୁଲବଶତଃ କାରଟିକୁ ଲକ୍ କରି ଚାଲିଯାଇଥିଲେ । ଭୀଷଣ ଖରା ସାଙ୍ଗକୁ ଅସହ୍ୟ ଗରମର ଜ୍ୱାଳାରେ ଛୁଆଟି ଛଟପଟ ହୋଇ କାର୍ ଭିତରେ ବେହୋସ୍ ହୋଇ ପଡିଥିଲା ।
Kanak News is now on WhatsApp
Join and get latest news updates delivered to you via WhatsApp
ଦୁଇଘଣ୍ଟା ପରେ ଉଭୟ ଦମ୍ପତି କିଣାକିଣି ସାରି କାରକୁ ଯେତେବେଳେ ଆସିଲେ କାର୍ ଖୋଲିବା ପରେ ଉଭୟଙ୍କ ହୋସ୍ ଉଡିଯାଇଥିଲା । କାର୍ ଭିତରୁ ବେହୋସ୍ ଛୁଆକୁ ଦେଖି ମା’ କାନ୍ଦିକାନ୍ଦି ବେହାଲ୍ ହୋଇଯିବାବେଳେ ଛୁଆଟିକୁ ସଙ୍ଗେ ସଙ୍ଗେ ଡାକ୍ତରଖାନା ନିଆଗଲା । କିନ୍ତୁ ଶ୍ୱାସରୁଦ୍ଧ ହେବା ଦ୍ୱାରା ଡାକ୍ତର ପୁଅଟିକୁ ମୃତ ଘୋଷଣା କରିଥିଲେ । ତେବେ ଏ ନେଇ ଥାନାରେ ଏଯାବତ୍ କୌଣସି ଖବର ପହଞ୍ଚିନଥିବା କଥା ଥାନାଧିକାରୀ କହିଥିଲେ ।