ବିଲୁପ୍ତ ଆଡକୁ ଗତି କରୁଛି ଧଳା ଜିରାଫ୍ ପ୍ରଜାତି : ବିଶ୍ୱରେ ଜୀବିତ ଅଛି ମାତ୍ର ଗୋଟିଏ ଜିରାଫ୍ ।
୨୦୧୭ ମସିହାରେ ଏକ ମାଈ ଜିରାଫ୍ ଏବଂ ତା’ର ଛୁଆର ଫଟୋ ଖୁବ୍ ଭାଇରାଲ ହୋଇଥିଲା । କାରଣ, ସେମାନଙ୍କ ରଙ୍ଗ ସାଧାରଣ ଜିରାଫ ଭଳି ମାଟିଆ ନୁହେଁ , ବରଂ ଧଳା ରଙ୍ଗର । ସାଧାରଣ ଜିରାଫଙ୍କ ଭଳି କୌଣସି ବି ଚିହ୍ନବର୍ଣ୍ଣ ତାଙ୍କଠାରେ ଦେଖିବାକୁ ମିଳି ନ ଥିଲା। ସେମାନଙ୍କୁ ବିଶ୍ୱର ସବୁଠାରୁ ଦୁର୍ଲ୍ଲଭ ଜିରାଫ୍ ବୋଲି କୁହାଯାଉଥିଲା । ଦୁହିଁଙ୍କୁ କେନିଆର ଓ୍ଵାଇଲ୍ଡଲାଇଫ୍ ସେଞ୍ଚୁରୀରେ ୨୦୧୬ ରେ ଦେଖିବାକୁ ମିଳିଥିଲା । କିନ୍ତୁ ଦୁଃଖର ବିଷୟ, ଏବେ ସେମାନେ ଆଉ ଏହି ଦୁନିଆରେ ନାହାନ୍ତି । ମା’, ଛୁଆ ଦୁହେଁ ଶିକାରୀ ଗୁଳିରେ ଟଳିପଡ଼ିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
In October 2017 something rare was spotted in Giraffe County, Kenya. One white giraffe & a kid, due to genetic leucism. As rare they were, everybody was in awe.
Yesterday both of the extremely rare creatures were killed by poachers. Short story of wildlife crimes. C- Telegraph. pic.twitter.com/TNvIRARDVv
— Parveen Kaswan, IFS (@ParveenKaswan) March 11, 2020
ସୂଚନାନୁସାରେ, ଉତ୍ତର-ପୂର୍ବ କେନିଆରେ ଗରିସା କାଉଣ୍ଟିର ଏକ ଗାଁରୁ ମା’, ଛୁଆର ମୃତ ଶରୀର ରେଞ୍ଜରଙ୍କୁ ମିଳିଥିଲା । ବର୍ତ୍ତମାନ କେବଳ ଗୋଟିଏ ହିଁ ଧଳା ଜିରାଫ୍ ବଞ୍ଚିରହିଛି । କୁହାଯାଉଛି, ସେ ହିଁ ବିଶ୍ୱର ଏକମାତ୍ର ଧଳା ଜିରାଫ୍ । ‘ଇଶାକବିନି ହିରୋଲା ସାମୁଦାୟିକ ସଂରକ୍ଷଣ’ର ମ୍ୟାନେଜର ମହମ୍ମଦ ଅହମଦନୁରଙ୍କ କହିବାନୁଯାୟୀ, ମରିଯାଇଥିବା ଦୁଇଟି ଧଳା ଜିରାଫକୁ ୩ ବର୍ଷ ପୂର୍ବେ ଶେଷଥର ପାଇଁ ଦେଖାଯାଇଥିଲା । ଏହା ପୂରା କେନିଆ ପାଇଁ ବଡ଼ ଦୁଃଖଦ ବିଷୟ । କାରଣ, ପୂରା ବିଶ୍ୱରେ ଏଠାରେ ହିଁ ଧଳା ଜିରାଫ୍ ଅଛନ୍ତି । ଦୁଇଟି ଜିରାଫ୍ ଲ୍ୟୁସିଜମ୍ ନାମକ ଜେନେଟିକ୍ ରୋଗରେ ପୀଡ଼ିତ ଥିଲେ । ଏହି ରୋଗରେ ଆକ୍ରାନ୍ତ ହେଲେ, ଏହା ତ୍ୱଚାର କୋଶିକାଗୁଡ଼ିକର ପିଗ୍ମେଣ୍ଟେଶନ(ତ୍ୱଚାର ମୂଳ ରଙ୍ଗ ନ ରହିବା)କୁ ରୋକିଦେଇଥାଏ । ଲ୍ୟୁସିଜମରେ ଆଖି ପାଖରେ କଳା ରଙ୍ଗ ଦେଖିବାକୁ ମିଳିଥାଏ । ଆଫ୍ରିକା ୱାଇଲ୍ଡଲାଇଫ ଫାଉଣ୍ଡେଶନ ମୁତାବକ, ୩୦ ବର୍ଷ ପୂର୍ବେ ଜିରାଫର ଜନସଂଖ୍ୟା ପ୍ରତିଶତ ହ୍ରାସ ପାଇଛି । କାରଣ ଶିକାରୀଙ୍କ ମାଂସ ଓ ଚମଡା ପାଇଁ ନିରୀହ ଜିରାଫଙ୍କୁ ମାରି ଦେଉଛନ୍ତି । ଅନ୍ତରାଷ୍ଟ୍ରୀୟ ପ୍ରକୃତି ସଂରକ୍ଷଣ ସଂଘ ଅନୁସାରେ, ୧୯୮୫ରେ ଜିରାଫର ଜନସଂଖ୍ୟା ୧୫୫,୦୦୦ ଥିଲା । ଯାହା ୨୦୧୫ ରେ ହ୍ରାସ ପାଇ ୯୭,୦୦୦ରେ ପହଞ୍ଚିଥିଲା । ଏହି ଘଟଣା ପାଇଁ ତଦନ୍ତ ଜାରି ରହିଥିବା ବେଳେ, ବର୍ତ୍ତମାନ ସୁଦ୍ଧା କୌଣସି ଶିକାରୀଙ୍କୁ ଧରା ହୋଇନାହିଁ ।
