ଚଳତି ନିର୍ବାଚନରେ ବିପୁଳ ମାତ୍ରାରେ ଭୋଟ ଅକ୍ତିଆର କରି ବିରୋଧୀଙ୍କୁ ମାତ୍ ଦେଇ ପୁଣି ଥରେ ଶାସନ ଗାଦିରେ ବସିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ତେବେ ଆଜି ମୋଦିଙ୍କ ଦ୍ୱିତୀୟ ପାଳିର ପ୍ରଥମ ଅଧିବେଶନ ଅନୁଷ୍ଠିତ ହେଉଛି । ଯାହାକି ଜୁଲାଇ ୨୬ ତାରିଖ ଯାଏଁ ଚାଲିବ । ଏବଂ ୫ ଜୁଲାଇରେ ସଂସଦ ଗୃହରେ ବଜେଟ୍ ଉପସ୍ଥାପନା ମଧ୍ୟ କରାଯିବ । ତେବେ ବଜେଟ ଅଧିବେଶନର ଆଜି ପ୍ରଥମ ଦିନ ହୋଇଥିବା ବେଳେ ନବନିର୍ବାଚିତ ସାଂସଦ ନେବେ ଶପଥ । ପ୍ରୋଟେମ ସ୍ପିକର ନବ ନିର୍ବାଚିତ ସାଂସଦଙ୍କୁ ପଦ ଓ ଗୋପନୀୟତାର ଶପଥ ପାଠ କରାଇବେ । ଜୁନ ୧୯ ତାରିଖରେ ଲୋକକସଭା ବାଚଷ୍ପତିଙ୍କର ନିର୍ବାଚନ ଅନୁଷ୍ଠିତ ହେବ । ଏହାପରେ ଉଭୟ ସଦନର ସଂଯୁକ୍ତ ଅଧିବେଶନର ବୈଠକରେ ରାଷ୍ଟ୍ରପତ ଅଭିଭାଷଣ ଦେବେ । ସେହିଭଳି ଚଳିତ ତଥା ୧୭ତମ ଲୋକସଭାରେ ଅନେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ରହିଛି । ତେବେ ଆସନ୍ତୁ ଜାଣିବା ୧୭ତମ ଲୋକସଭାର କିଛି ଗୁରୁତ୍ୱପୂର୍ଣ୍ଣ କଥା
Kanak News is now on WhatsApp
Join and get latest news updates delivered to you via WhatsApp
ନଜର ଆସିବେନି ଦିଗଜ ନେତା
୧୭ ତମ ଲୋକସଭାରେ ଅନେକ ଦିଗଜ ନେତାଙ୍କ ଅନୁସ୍ଥିତି ଦେଖିବାକୁ ମିଳିବ । ଏଥିରେ ସେ ସମସ୍ତ ନେତାମାନେ ବି ସାମିଲ ରହିଛନ୍ତି । ଯେଉଁମାନଙ୍କର ସ୍ୱର ଗତ ତିନି ଦଶକରୁ ବି ଅଧିକ ସମୟ ପର୍ଯ୍ୟନ୍ତ ସଂସଦ ଗୃହରେ ଗୁଂଜରିତ ହେଉଥିଲା । ବିଜେପିର ସବୁଠାରୁ ବରିଷ୍ଠ ନେତା ଲାଲକୃଷ୍ଣ ଆଡବାଣୀ, ମୁରଲୀ ମନୋହର ଯୋଶୀ, ସୁଷମା ସ୍ୱରାଜ, ସୁମିତ୍ରା ମହାଜନ, ପୂର୍ବତନ ପ୍ରଧାନମନ୍ତ୍ରୀ ଏଚଡି ଦେବେଗୌଡା, ମଲ୍ଲିକାର୍ଜୁନ ଖଡଗେ, ଜ୍ୟୋତିରାଦିତ୍ୟ ସିନ୍ଧିୟା ଭଳି ତୁଙ୍ଗ ନେତାଙ୍କୁ ଚଳିତ ଲୋକସଭାରେ ଆଉ ଦେଖିବାକୁ ମିଳିବ ନାହିଁ ।
ସ୍ୱାଧିନତା ପରେ ସବୁଠୁ ଅଧିକ ମହିଳା
ଚଳିତ ଲୋକସଭାରେ ୭୮ ଜଣ ମହିଳା ସାଂସଦ ହୋଇଛନ୍ତି । ତେବେ ସ୍ୱାଧିନତା ପରଠୁ ଏହି ସଂଖ୍ୟା ସର୍ବାଧିକ ରହିଛି । ମୋଟ ସଦନ ସଂଖ୍ୟାର ୧୪.୮ପ୍ରତିଶତ ହେଉଛନ୍ତି ମହିଳା । ୨୦୧୪ରେ ମହିଳା ସାଂସଦମାନଙ୍କର ସଂଖ୍ୟା ୬୨ ଥିଲା । ଚଳିତ ଲୋକସଭା ନିର୍ବାଚନରେ ମୋଟ ୭୧୯ ଜଣ ମହିଳା ନିର୍ବାଚନ ମୈଦାନରେ ଓହ୍ଲାଇଥିଲେ । ଯେଉଁମାନଙ୍କ ମଧ୍ୟରୁ ୭୮ ଜଣ ୨୦୧୯ ପରୀକ୍ଷାରେ ଉତିର୍ଣ୍ଣ ହେବାରେ ସଫଳ ହୋଇଛନ୍ତି । ୨୦୧୯ ଲୋକସଭା ନିର୍ବାଚନରେ ୨୬୭ ସାଂସଦ ପ୍ରଥମ ଥର ନିର୍ବାଚନ ଜିତିଛନ୍ତି ।
ଯୁବ ସାଂସଦ
୨୦୧୪ ଲୋକସଭା, ଦେଶର ସଂସଦୀୟ ଇତିହାସରେ ସବୁଠାରୁ ବଡ ସାଂସଦ ବିଶିଷ୍ଟ ଲୋକସଭା ମଧ୍ୟରେ ଗୋଟିଏ । ସେତେବେଳେ ୫୪୩ ଜଣ ସାଂସଦଙ୍କ ମଧ୍ୟରୁ ୨୫୩ ଜଣଙ୍କ ବୟସ ଆନୁମାନିକ ୫୫ ବର୍ଷରୁ ଅଧିକ ଥିଲା । ଚଳିତ ସାଂସଦମାନଙ୍କର ବୟସ ରହିଛି ୫୪ ବର୍ଷ । ଏଭଳି ପ୍ରକାରରେ ଦେଖିଲେ ୨୦୧୪ ତୁଳନାରେ ଚଳିତ ଲୋକସଭାରେ ଯୁବା ସାଂସଦଙ୍କ ସଂଖ୍ୟା ରହିଛି ଅଧିକ । ତେବେ ସବୁଠାରୁ କନିଷ୍ଠ ସାଂସଦ ହେଉଛନ୍ତି ଓଡିଶାର ଚନ୍ଦ୍ରାଣୀ ମୂର୍ମୁ । ମାତ୍ର ୨୫ ବର୍ଷ ୧୧ ମାସର ବୟସରେ ସେ ସାଂସଦ ବନିଛନ୍ତି ।
ଖାତା ଖୋଲିପାରିଲାନି କଂଗ୍ରେସ
୧୭ ତମ ଲୋକସଭାରେ ବିରୋଧୀ ଦଳର ନେତା କିଏ ହେବେ, ଏହାକୁ ନେଇ କଂଗ୍ରେସ ପକ୍ଷରୁ ଏଯାବତ୍ ସ୍ପଷ୍ଟ ହୋଇପାରିନାହିଁ । ସେପଟେ ବିଜେପି ବି ବର୍ତ୍ତମାନ ଲୋକସଭା ବାଚଷ୍ପତିକୁ ନେଇ ନିଜ ପ୍ରାର୍ଥୀ ଘୋଷଣା କରିନାହିଁ । ତେବେ ଚର୍ଚ୍ଚା ହେଉଛି କି, ପ୍ରୋଟେମ ସ୍ପିକର ବିରେନ୍ଦ୍ର କୁମାରଙ୍କୁ ହିଁ ବାଚଷ୍ପତି କରାଯାଇପାରେ ।
ଦାଗୀ ସାଂସଦଙ୍କର ସଂଖ୍ୟା ବୃଦ୍ଧି
୧୭ତମ ଲୋକସଭାରେ ୮୮ ପ୍ରତିଶତ ସାଂସଦ ହେଉଛନ୍ତି କୋଟିପତି । ଚଳିତ ନିର୍ବାଚନ ରଣାଙ୍ଗନରେ ଓହ୍ଲାଇଥିବା ୫୪୨ ଜଣଙ୍କ ମଧ୍ୟରୁ ୪୭୫ ଜଣ ହେଉଛନ୍ତି କୋଟିପତି ସାଂସଦ । ଏମାନଙ୍କ ମଧ୍ୟରୁ ବିଜେପିର ସର୍ବାଧିକ ୨୬୫ ଜଣ କୋଟିପତି ନେତା ହୋଇଥିବା ବେଳେ କଂଗ୍ରେସର ୪୩ ଜଣ ସାଂସଦ ହେଉଛନ୍ତି କୋଟିପତି । ବିଜେପିର ସହଯୋଗୀ ଦଳ ତଥା ଶିବସେନାର ୧୮ ଏବଂ ଜେଡିୟୁର ୧୫ ଜଣ ସାଂସଦ ହେଉଛନ୍ତି କୋଟିପତି । ଯେବେକି ଡିଏମକେର ୨୨,ତୃଣମୂଳ କଂଗ୍ରେସର ୨୦ ଏବଂ ଜଗନ ମୋହନ ରେଡ୍ଡିଙ୍କ ଦଳ ଓାଇଏସଆଇର ୧୯ ଜଣ ସାଂସଦ ହେଉଛନ୍ତି କୋଟିପତି । ସେହିଭଳି ଗତ ନିର୍ବାଚନ ତୁଳନାରେ ଚଳିତ ନିର୍ବାଚନରେ ଦାଗି ନେତାଙ୍କ ସଂଖ୍ୟା ବୃଦ୍ଧି ପାଇଛି । ତେବେ ଏଥିରେ ସର୍ବାଗ୍ରେ ରହିଛି ବିଜେପି । ବିଜେପିର ୧୧୬ ଜଣ ସାଂସଦଙ୍କ ନାଁରେ ବିଭିନ୍ ଅପରାଧିକ ମାମଲା ରହିଥିବା ବେଳେ ୨୯ ଦାଗି ନେତାଙ୍କ ସହିତ କଂଗ୍ରେସ ଦ୍ୱିତୀୟ ସ୍ଥାନରେ ରହିଛି ।
ଗୁରୁତ୍ୱପୂର୍ଣ୍ଣ ବିଲ୍
୧୬ତମ ଲୋକସଭାରେ ପାରିତ ହୋଇପାରିନଥିବା ୪୬ଟି ବିଲ୍ ଚଳିତ ଥର ତଥା ୧୭ତମ ଲୋକସଭାରେ ପାରିତ ହୋଇପାରେ ବୋଲି ଚର୍ଚ୍ଚା ହେଉଛି । ଯେଉଥିରେ ତିନି ତଲାକ୍, ମୋଟର ହ୍ୱିଲର ବିଲ, ଆଧାର ନମ୍ବର ପରିଚୟ ପତ୍ର ଭାବେ ବ୍ୟବହାର ସହ ସଂଯୋଗ ବିଲ, ଚିକିତ୍ସା ଶିକ୍ଷାରେ ପାରଦର୍ଶିତା ସହ ଜଡିତ ମେଡିକାଲ କାଉଂସିଲ ବିଲ ବେଶ୍ ଗୁରୁତ୍ୱ ବହନ କରୁଛି ।