ମେଘାଳୟ ଖଣି ଦୁର୍ଘଟଣାରେ ଶ୍ରମିକ ଫସିବା ଘଟଣା : ଆଜି ବି ଜାରି ରହିଛି ଉଦ୍ଧାର କାର୍ଯ୍ୟ
କନକ ବ୍ୟୁରୋ : ଆଜି ବି ଜାରି ରହିଛି ମେଘାଳୟ ପୂର୍ବ ଜଇନ୍ତିଆ ହିଲରେ ରେସକ୍ୟୁ ଅପରେସନ୍ । ଆଜି ନୌସେନାର ସ୍ୱତନ୍ତ୍ର ବୁଡାଳୀ ଦଳ ସାଙ୍ଗରେ ଆଣିଥିବା ଅତ୍ୟାଧୁନିକ ଯନ୍ତ୍ରପାତି ସହ ପାଣିର ଗଭୀରତା ମାପିବେ । ଏଥିସହ ଉଦ୍ଧାର କାର୍ଯ୍ୟକୁ ଅଧିକ ତ୍ୱରାନ୍ୱିତ କରିବାକୁ ଲକ୍ଷ୍ୟ ରଖାଯାଇଛି । ପ୍ରବଳ ଥଣ୍ଡା ଅନୁଭୂତ ହେଉଥିବା ସତ୍ୱେ ଯୁଦ୍ଧକାଳୀନ ଭିତିରେ ଚାଲିଛି ଉଦ୍ଧାରକାର୍ଯ୍ୟ । ଏହି ଉଦ୍ଧାର କାର୍ଯ୍ୟରେ ନୌସେନାର ସ୍ୱତନ୍ତ୍ର ବୁଡାଳୀ ଗତକାଲି ଦୀର୍ଘ ସମୟ ଧରି ପାଣି ଭିତରେ ବୁଡି ଥିଲେ ମଧ୍ୟ ପାଣିତଳେ ଥିବା ମାଟିକୁ ଛୁଇଁ ପାରି ନାହାନ୍ତି ।
Kanak News is now on WhatsApp
Join and get latest news updates delivered to you via WhatsApp
ପ୍ରାୟ ୭୦ ଫୁଟ୍ ତଳଯାଏଁ ଯାଇଥିଲେ ମଧ୍ୟ ଏହା ଆହୁରି ଅଧିକ ଗଭୀର ଥିବା ଅନୁମାନ କରିଛନ୍ତି ନୌସେନା ଅଧିକାରୀ । ଏପଟେ ପ୍ରବଳ ଥଣ୍ଡାରେ ପାଣି ଭିତରେ ଉଦ୍ଧାରକାର୍ଯ୍ୟ ଏତେ ସହଜ ନୁହେଁ ବୋଲି କହିଛନ୍ତି ଏନଡିଆରଏଫ ଅଧିକାରୀ । ଏହି ଉଦ୍ଧାର କାର୍ଯ୍ୟରେ ୧୦୦ ଜଣିଆ ଏନଡିଆରଏଫ ଟିମ୍ ସହ ଓଡିଶାର ୨୧ ଜଣିଆ ଅଗ୍ନିଶମ ଟିମ୍ ସାମିଲ ହୋଇଛନ୍ତି । ଗତ ୧୮ ଦିନ ହେଲାଣି ଏହି ଖଣି ଭିତରେ ୧୫ ଜଣ ଶ୍ରମିକ ଫସି ରହିଥିବା କୁହାଯାଉଛି । ଖଣି ଭିତରେ ହଠାତ୍ ପାଣି ପଶି ଯିବାରୁ ଏଭଳି ପରିସ୍ଥିତି ସୃଷ୍ଟି ହୋଇଥିବା ଅନୁମାନ କରାଯାଉଛି ।