ଫେସବୁକରେ ବହୁତ କମ୍ ସମୟ ବିତାଉଛନ୍ତି ୟୁଜର ! ଫେସବୁକ ନିର୍ମାତା କହିଲେ ଏହାର କାରଣ
ବର୍ତ୍ତମାନ ବିଶ୍ୱର ଅଧିକାଂଶ ଲୋକ ସୋସିଆଲ ମିଡିଆ ସାଇଟ୍ ଫେସବୁକର ପ୍ରେମରେ ପଡିଯାଇଛନ୍ତି । ଲୋକଙ୍କ ମଧ୍ୟରେ ଏହା ଯେତେ ଗ୍ରହଣୀୟ ହେଉଛି ଫେସବୁକ ସେହି ଅନୁସାରେ ବ୍ୟବହାରକାରୀଙ୍କ ପାଇଁ ନୂଆ ନୂଆ ଫିଚର ସାମ୍ନାକୁ ଆଣୁଛି । ଫେସବୁକ ପ୍ରତିଦିନ କିଛି ନା କିଛି ନୂଆ ଫିଚର ୟୁଜର ମାନଙ୍କୁ ଭେଟି ଦେଉଛି । ଆଉ ଏଭଳି ନୂଆ ଫିଚର ମଧ୍ୟ ୟୁଜରଙ୍କ ମଧ୍ୟରେ ବେଶ ଆଦୃତି ଲାଭ କରୁଛି । ରାଜ୍ୟ, ଦେଶ ତଥା ଅନ୍ତର୍ଜାତୀୟ ସ୍ତରରେ ପ୍ରତିଟି ଘଟଣାମାନ ଜାଣିବା ଓ ଜଣାଇବା ପାଇଁ ସୋସିଆଲ ମିଡିଆ ଏକ ପ୍ରମୁଖ ମାଧ୍ୟମ ପାଲଟିଛି । କହିବାକୁ ଗଲେ, ଅନେକ ସମୟରେ ଭଲ ଖବର ଫେସବୁକ, ଟ୍ୱିଟର ଭଳି ସୋସିଆଲ ସାଇଟରୁ ମିଳିଥାଏ । ହେଲେ ଧୀରେ ଧୀରେ ଏହାର ଦୁରୁପଯୋଗ କିଛି ଏଭଳି ଘଟିଲାଣି ଯେ, ବଂଚିଥିବା ଲୋକଙ୍କୁ ମାରିଦେବାକୁ ଆମେ ପଛାଉନାହୁଁ । କେଉଁଠୁ ଏକ ଉଡା ଖବର ଶୁଣି ଆମେ ଲୋକଙ୍କୁ ଫେସବୁକରେ ମାରିଦେଉଛୁ, ଆଉ କିଛି ନବୁଝି ଲୋକମାନେ ଶ୍ରଦ୍ଧାଞ୍ଜଳି ଦେବାକୁ ପଛଉନାହାନ୍ତି । କୌଣସି ପୋଷ୍ଟ କରିବା ଆଗରୁ ଆମେ ଯଥେଷ୍ଟ ସଚେତନ ରହିବା ସହ ଏହାର ପ୍ରଭାବ କଣ ରହିବ ତାର ମଧ୍ୟ ଆକଳନ କରିବାର ଆବଶ୍ୟକତା ରହିଛି ।
Kanak News is now on WhatsApp
Join and get latest news updates delivered to you via WhatsApp
ଆଉ ଏଇଥି ପାଇଁ ହିଁ ଫେସବୁକ ପ୍ରତି ଲୋକମାନଙ୍କ ମଧ୍ୟରେ ଆଗ୍ରହ କମୁଛି ବୋଲି କହିବା ଭୁଲ ହେବ ନାହିଁ । ନିକଟରେ ଫେସବୁକ ଏନେଇ ଏକ ରିପୋର୍ଟରେ ପ୍ରକାଶ କରିଛି । ରିପୋର୍ଟ ଅନୁସାରେ, ଫେସବୁକର ମାସକରେ ବ୍ୟବହାର କରୁଥିବା ଗ୍ରାହକ ସଂଖ୍ୟା ୨.୧୩ ବିଲିୟନ ପହଂଚିଥିଲ । କିନ୍ତୁ ବେଶୀ ଦିନ ଏତିକି ବ୍ୟବହାରକାରୀ ରହିଲେ ନାହିଁ । ରିପୋର୍ଟ ଅନୁସାରେ ଫେସବୁକ ସହ ଲୋକ ଯୋଡି ରହୁଛନ୍ତି, କିନ୍ତୁ ବେଶୀ ସମୟ ପର୍ଯ୍ୟନ୍ତ ଅନଲାଇନ ରହୁନାହାନ୍ତି । ଆଉ ଏହାର ପ୍ରମୁଖ କାରଣ ନ୍ୟୁଜ ଫିଡ ଫିଚରର ପରିବର୍ତ୍ତନ ବୋଲି କୁହାଯାଉଛି । କାରଣ ନ୍ୟୁଜ ଫିଡରେ ଏବେ ଭାଇରାଲ ଭିଡିଓ କମ୍ ଦେଖାଯାଉଛି ।
ଫେସବୁକ ନିର୍ମାତା ମାର୍କ ଜୁକରବର୍ଗ କହିଛନ୍ତି, ‘ଫେସବୁକରେ ଗ୍ରାହକ ସମୟ ବିତାଇବା ମାମଲାରେ ପ୍ରତିଦିନ ୫ କୋଟି ଘଂଟା ହ୍ରାସ ପାଉଛି । କମ୍ପାନୀ ଅନୁସାରେ ଏଥିପାଇଁ ଆମେ ଚିନ୍ତିତ ନାହୁଁ କି ଲାଭରେ ମଧ୍ୟ କିଛି ହ୍ରାସ ହୋଇନାହିଁ । ମାସକୁ ପ୍ରାୟ ୨ ବିଲିୟନ ଗ୍ରାହକ ଫେସବୁକ ବ୍ୟବହାର କରୁଛନ୍ତି । ଗତବର୍ଷ ଅପେକ୍ଷା ୧୪ ପ୍ରତିଶତ ଅଧିକ ହୋଇଛନ୍ତି ଗ୍ରାହକ । ଜୁକରବର୍ଗଙ୍କ କହିବାନୁସାରେ ଫେସବୁକରେ, ଲୋକମାନେ ଅଧିକ ସମୟ ବିତାଇବା ଓ ପରସ୍ପର ସହ ଯୋଡି ରହିବା ବେଶୀ ମହତ୍ୱପୂର୍ଣ ନାହିଁ । ଏବେ ଫେସବୁକ, ଲୋକ ଓ ସମାଜ ପ୍ରତି ଅଧିକ ଗୁରୁତ୍ୱ ଦେଉଛି ବୋଲି ସେ କହିଛନ୍ତି ।
ଏହା ବ୍ୟତୀତ ସେ କହିଛନ୍ତି ବିଗତ କିଛି ବର୍ଷ ଭିତରେ ଭାଇରାଲ ଭିଡ଼ିଓ ଓ ବ୍ୟବସାୟିକ ପୋଷ୍ଟ ସଂଖ୍ୟା ଅଧିକ ରହିଛି । ଯଦ୍ୱାରା ୟୁଜର ନିଜର ପରିଚିତ ଲୋକ ତଥା ନିଜ ଫ୍ରେଣ୍ଡ ଲିଷ୍ଟରେ ଥିବା ଲୋକଙ୍କ ବିଷୟରେ ଅଧିକ ଜାଣି ପାରୁନାହନ୍ତି । ଏଥିପାଇଁ ଫେସବୁକ୍ ଏବେ ବନ୍ଧୁ ଓ ପରିବାରବର୍ଜଙ୍କ ପୋଷ୍ଟ ଅଧିକ ଦେଖାଇବା ପାଇଁ ପ୍ରାଥମିକତା ଦେଉଛି ।