ସାବଧାନ୍ ! ସରକାରୀ ଯୋଜନା ନାଁରେ କୋଟି କୋଟି ଟଙ୍କାର ଠକେଇ, ହଜାର ହଜାର ଲୋକେ ହେଲେ ଏହାର ଶିକାର, ତେବେ ଏହି ତାଲିକାରେ ନାହିଁ ତ ଆପଣଙ୍କର ନାଁ
କିଛି ଦିନ ତଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆବାସ ଯୋଜନା ସ୍କିମରର ଶୁଭାରମ୍ଭ କରିଥିଲେ । ଯେଉଁଥିରେ ଗରିବଙ୍କୁ ଉପଯୁକ୍ତ ସୁବିଧା ତଥା ପକ୍କା ଘର ଖଣ୍ଡେ ସୁବିଧାରେ ମିଳିପାରିବ । ହେଲେ କିଛି ଲୋକ ଏଭଳି ବି ଅଛନ୍ତି ଯେଉଁମାନେ କି ଏହାକୁ ଜରିଆ କରି ନୀରିହ ଗରିବ ଲୋକଙ୍କୁ ଠକିବାରେ ଲାଗି ପଡିଛନ୍ତି । ଏକଥା ଆମେ କହୁନାହୁଁ ବରଂ ନିକଟରେ ଏଭଳି ଏକ ମାମଲା ଆସିଛି, ଯେଉଁଥିରେ ହଜାର ହଜାର ଲୋକଙ୍କଠାରୁ ପାଖାପାଖି ୩ କୋଟି ଟଙ୍କାର ଠକେଇ ହୋଇଥିବା ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଏପରିକି ରାଷ୍ଟ୍ରୀୟ ଆବାସ ଦିବସ ନାଁରେ ଆଡ ଏଜେନ୍ସିଙ୍କଠାରୁ ବି ପାଖାପାଖି କୋଟିଏ ଟଙ୍କାର ଚୂନା ଲଗାଇବା କ୍ରାଇମ ବ୍ରାଂଚ ତଦନ୍ତରୁ ଜଣାପଡିଛି । କ୍ରାଇମ ବ୍ରାଂଚ କହିଛି କି, ଧରାପଡିଥିବା ଅଭିଯୁକ୍ତ ନିଜ ୱେବସାଇଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଫଟୋ ଲଗାଇ ଲୋକଙ୍କୁ ଚୂନା ଲଗାଉଥିଲେ ।
ସୂଚନା ମୁତାବକ, ପୁଲିସ କ୍ରାଇମବ୍ରାଂଚର ସମ୍ବଧିତ ମନ୍ତ୍ରାଳୟର ଅଧିକାରୀମାନେ ଲିଖିତ ଅଭିଯୋଗ ଦାଖଲ କରି ଏହି ମାମଲା ସଂପର୍କରେ ଜଣାଇଥିଲେ । ଏହି ପୂରା ମାମଲାର ସମାଧାନ ପାଇଁ ଦିଲ୍ଲୀ ପୁଲିସ ମହାନିର୍ଦ୍ଦେଶକଙ୍କ ନେତୃତ୍ୱରେ ଏକ ଟିମ ଗଠନ କରିଥିଲେ । ପୁଲିସ ଅଭିଯୁକ୍ତଙ୍କୁ ଧରିବା ପୂର୍ବରୁ ସେମାନଙ୍କ ସଂପର୍କରେ ସମସ୍ତ ତଥ୍ୟ ସଂଗ୍ରହ କରିଥିଲେ । ଆଉ ଯାଂଚରେ ପୁଲିସ ଜାଣିବାକୁ ପାଇଥିଲା କି ଅଭିଯୁକ୍ତ ଆବାସ ଯୋଜନା ଅନୁସାରେ ଗରିବଙ୍କୁ ଘର ଦେବା ନାଁରେ ଠକେଇ କରୁଥିଲେ । ପୁଲିସ ଜାଣିବାକୁ ପାଇଛି କି ଅଭିଯୁକ୍ତ ନିଜ ପ୍ରୋଜେକ୍ଟର ବିଜ୍ଞାପନ ପାଇଁ ଦାୟିତ୍ୱ ଦେଇଥିବା ତିନୋଟି ଏଜେନ୍ସିଠାରୁ ବି ୧ କୋଟି ପର୍ଯ୍ୟନ୍ତ ଚୂନା ଲଗାଇଛନ୍ତି । ତେବେ ପୁଲିସ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି ।