ବିନା ଡ୍ରାଇଭର୍ରେ ଚାଲିବ ଟ୍ରାକ୍ଟର ! ମହିନ୍ଦ୍ରା ଆଣ୍ଡ୍ ମହିନ୍ଦ୍ରା କମ୍ପାନି ତରଫରୁ ହେଲା ପ୍ରଦର୍ଶିତ
ମହିନ୍ଦ୍ରା ଆଣ୍ଡ୍ ମହିନ୍ଦ୍ରା ଗତାକଲି ଡ୍ରାଇଭର ବିହୀନ ଟ୍ରାକ୍ଟରର ପ୍ରଦର୍ଶନ କରିଛି । କମ୍ପାନିର ଚେନ୍ନାଇ ସ୍ଥିତ ଗବେଷଣା ଦଳ ପକ୍ଷରୁ ଏହି ଟ୍ରାକ୍ଟରଟି ବିକଶିତ ହୋଇଛି । କମ୍ପାନିର ଏମ୍ଡି ପଓ୍ଵନ ଗୋଏଙ୍କା ଏହି ଟ୍ରାକ୍ଟରଟିକୁ ଉନ୍ମୋଚନ କରିଛନ୍ତି । ଆସନ୍ତାବର୍ଷ ପ୍ରଥମାର୍ଦ୍ଧରେ ଟ୍ରାକ୍ଟରଟି ବଜାରକୁ ଆସିବା ସମ୍ଭାବନା ରହିଛି । ଡ୍ରାଇଭରବିହୀନ ଟ୍ରାକ୍ଟର କୃଷିକୁ ଅଧିକ ଲାଭଦାୟକ କରିବ ବୋଲି କମ୍ପାନି ଆଶାକରିଛି ।
Kanak News is now on WhatsApp
Join and get latest news updates delivered to you via WhatsApp
ପ୍ରୋଗ୍ରାମିଂ ମାଧ୍ୟମରେ ବିଲରେ ଟ୍ରାକ୍ଟରଟି ଚାଷ କାର୍ଯ୍ୟ ସମ୍ପାଦନ କରିପାରିବ। ଦୂରରୁ ଟାବ୍ଲେଟ୍ ଭଳି ଉପକରଣ ମାଧ୍ୟମରେ ଏହାକୁ ନିୟନ୍ତ୍ରଣ କରାଯାଇପାରିବ । ଟ୍ରାକ୍ଟରଟି କାର୍ଯ୍ୟ କରୁଥିବା ବିଲରୁ ଅନ୍ୟ ବିଲକୁ ଯେଭଳି ନଯିବ ସେଥିପାଇଁ ଏଥିରେ ଜିଓଫେନ୍ସିଂ ପ୍ରଯୁକ୍ତି ରହିଛି । ଆବଶ୍ୟକ ପଡ଼ିଲେ ଏହି ଟ୍ରାକ୍ଟରର ଇଗ୍ନିସନକୁ ମଧ୍ୟ ଦୂରରୁ ଥାଇ ବନ୍ଦ କରାଯାଇ ପାରିବ । ଆଗାମୀ ଦିନରେ କମ୍ପାନି ଏହାର ସବୁବର୍ଗର ଟ୍ରାକ୍ଟରକୁ ଡ୍ରାଇଭରବିହୀନ କରିବା ଯୋଜନା ରଖିଛି ।