ବିଜେପି ଅଧ୍ୟକ୍ଷ ଅମିତ ଶାହା ମାଧୁରୀଙ୍କୁ ଦେଲେ ବଡ ଅଫର୍ : ପଦ୍ମ ଧରିବେ କି ଧକ୍ ଧକ୍ ଗାର୍ଲ ମାଧୁରୀ ଦୀକ୍ଷିତ !
ମାଧୁରୀ ବିଜେପିରେ ଯୋଗ ଦେବା ନେଇ ହେଲା ଚର୍ଚ୍ଚା !
ଭାରତୀୟ ଜନତା ଦଳ ୨୦୧୯ର ଲୋକସଭା ନିର୍ବାଚନରେ ଅଭିନେତ୍ରୀ ମାଧୁରୀ ଦୀକ୍ଷିତଙ୍କୁ ପୁଣେ ସିଟରୁ ନିର୍ବାଚନୀ ମଇଦାନରେ ଓହ୍ଲାଇବାର ବିଚାର କରୁଛନ୍ତି । ଦଳୀୟ ସୂତ୍ରରୁ ଜଣାପଡିଛି । ବିଜେପି ଅଧ୍ୟକ୍ଷ ଅମିତ ଶାହ ଏବର୍ଷ ଜୁନରେ ମାଧୁରୀଙ୍କୁ ତାଙ୍କ ମୁମ୍ବାଇ ସ୍ଥିତ ବାସଭବନରେ ସାକ୍ଷାତ କରିଥିଲେ । ଶାହା ସେହି ସମୟରେ ଦଳର ‘ସପର୍କ ରଥ ସମର୍ଥନ’ ଅଭିଯାନ ଅଧିନରେ ମୁମ୍ବାଇ ଯାଇଥିଲେ । ଅମିତ ଶାହା ଏହି ସମୟରେ ଅଭିନେତ୍ରୀଙ୍କୁ ନରେନ୍ଦ୍ର ମୋଦି ସରକାରଙ୍କ ଉପଲବ୍ଧିଗୁଡିକ ବିଷୟରେ ଅବଗତ କରାଇଥିଲେ । ରାଜ୍ୟର ଏକ ବରିଷ୍ଠ ବିଜେପି ନେତା କହିଛନ୍ତି କି, ମାଧୁରୀଙ୍କ ନାଁ ପୁଣେ ଲୋକସଭା ସିଟ୍ ପାଇଁ ଚୟନ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସେ କହିଛନ୍ତି କି, “ଦଳ ୨୦୧୯ରେ ସାଧାରଣ ନିର୍ବାଚନରେ ମାଧୁରୀ ଦୀକ୍ଷିତଙ୍କୁ ପ୍ରାର୍ଥୀ କରିବା ଉପରେ ଗମ୍ଭୀରତାର ସହିତ ବିଚାର କରୁଛନ୍ତି । ପୁଣେ ଲୋକସଭା ସିଟ୍ ତାଙ୍କ ପାଇଁ ଉପଯୁକ୍ତ ହେବ । ଦଳ ଅନେକ ଲୋକସଭା ସିଟ୍ ପାଇଁ ପ୍ରାର୍ଥୀଙ୍କ ନାମ ନିର୍ଦ୍ଧାରିତ କରିବା ପ୍ରକ୍ରିୟାରେ ଅଛି ଏବଂ ମାଧୁରୀଙ୍କ ନାମ ପୁଣେ ଲୋକସଭା ନିର୍ବାଚନ କ୍ଷେତ୍ର ପାଇଁ ଚୟନ କରାଯାଇଛି । ଏଥିପାଇଁ ତାଙ୍କର ନାମ ଗମ୍ଭୀରତାର ସହ ବିଚାର କରାଯାଉଛି ।” ୫୧ ବର୍ଷୀୟ ମାଧୁରୀ ‘ତେଜାବ’, ‘ହମ ଆପକେ ହେଁ କୌନ’, ‘ଦିଲ ତୋ ପାଗଲ ହେ’, ‘ସାଜନ’ ଓ ‘ଦେବଦାସ’ ସହିତ ଅନେକ ବଲିଉଡ୍ ଫିଲ୍ମରେ କାମ କରିଛନ୍ତି ।