କିଣିବାକୁ ଚାହୁଁଛନ୍ତି ଟିଭି , ଫ୍ରିଜ୍ ଆଦିି ଘରୋଇ ଉପକରଣ କି ? ସାଥିରେ ନେଇଯା’ନ୍ତୁ ସ୍ତ୍ରୀଙ୍କୁ ! କାହିଁକି , ଏହାର କାରଣ ଜାଣନ୍ତୁ
ଏହା ବିଗତ ଦିନର କଥା ହୋଇଗଲାଣି , ଯେବେ ଟିଭି , ଫ୍ରିଜ୍ ଓ ୱାସିଂମେସିନ୍ ଭଳି ଘରୋଇ ଉପକରଣ କିଣିବା କାମ ପୁରୁଷ କରୁଥିଲେ । କିନ୍ତୁ ନୂଆ ଦଂପତିଙ୍କ କଥା ଯଦି କହିବା କୌଣସି ଜିନିଷ ବା ଦ୍ରବ୍ୟ କିଣିବା ବେଳେ ଏବେ ପତି-ପତ୍ନୀ ଉଭୟଙ୍କର ସହମତି ନିଆଯାଉଛି । ଆଉ ବୟସ୍କ ଦଂପତିଙ୍କ ମଧ୍ୟରେ ଏହି ପ୍ରକାରର ନିଷ୍ପତ୍ତି ନେବାରେ ପତ୍ନୀମାନେ ଆଗରେ ।
Kanak News is now on WhatsApp
Join and get latest news updates delivered to you via WhatsApp
ମାଇକା ପ୍ରଫେସର ମିନି ମାଥୁରଙ୍କ ଦ୍ୱାରା କରାଯାଇଥିବା ଏକ ଅନୁଧ୍ୟାନ ଅନୁସାରେ ଅନେକ ମାମଲାରେ ଏମିତି ନିର୍ଣ୍ଣୟ ନେବାର ଶକ୍ତି ପରିବାରର ମହିଳାଙ୍କ ପାଖରେ ଥାଏ । ମାଥୁରଙ୍କ ଅନୁଧ୍ୟାନ ମୁତାବକ ପତି, ପ୍ରଡକ୍ଟର ବ୍ରାଣ୍ଡ , ଫିଚର୍ସ ଓ ଦାମ୍ ବିଷୟରେ ନିର୍ଣ୍ଣୟ ନେଇଥାନ୍ତି । ଆଉ ପତ୍ନୀମାନେ ପ୍ରଡକ୍ଟର କଲର ଓ ସେଲ୍ସ ପରେ ସର୍ଭିସ କିପରି ରହିବ ସେ ଉପରେ ଅଧିକ ଧ୍ୟାନ ଦେଇଥାନ୍ତି । ଏହି ଅନୁଧ୍ୟାନ ପାଖାପାଖି ୨୦ ଯୋଡା ଦଂପତିକୁ ନେଇ ହୋଇଥିଲା । ଯେତେବେଳେ ଲୋକେ କୌଣସି କଂଜ୍ୟୁମର ଡ୍ୟୁରେବଲ୍ ଷ୍ଟୋରକୁ ଯାଇଥାନ୍ତି , ଆଉ ସାଥିରେ ପରିବାର ସଦସ୍ୟ ଥା’ନ୍ତି ତ ଜିନିଷ କିଣିବାର ସମ୍ଭାବନା ୮୦ ପ୍ରତିଶତ ଥାଏ । ଏହା ଏଥିପାଇଁ ହୋଇଥାଏ କି ଜିନିଷ କ୍ରୟ କରିବାର ୭୦ ପ୍ରତିଶତ ନିଷ୍ପତ୍ତି ଷ୍ଟୋର ଭିତରେ ନିଆଯାଇଥାଏ ।
କିଛି ସମୟ ଧରି ଏହା ଏକ ଭାବନା ଥିଲା କି ମୋବାଇଲ ଫୋନ , ୱାଶିଂମେସିନ ଓ ମାଇକ୍ରୋୱେଭ୍ , ଓଭନ ଭଳି ଜିନିଷ କିଣିବାରେ ପୁରୁଷ ହିଁ ସବୁ ନିର୍ଣ୍ଣୟ ନେଇଥାନ୍ତି । କିନ୍ତୁ ବାସ୍ତବିକ୍ ଅଦିକତର ମାମଲାରେ ନିର୍ଣ୍ଣୟ ନେବାର ଅଧିିକାର ମହିଳାଙ୍କ ହାତରେ ଥାଏ । ମିନି ମାଥୁରଙ୍କ କହିବାନୁସାରେ , ‘ ଆମେ ଅନୁମାନ କରିଥିଲୁ ଯେଉଁ ଲୋକ ପରିବାର ସହ ଏମିତି ଜିନିଷ ସବୁ କିଣିବାକୁ ଯାଇଥାନ୍ତି ସେମାନଙ୍କ ଭିତରେ ସେହି ଜିନିହ କିଣିବାର ସମ୍ଭାବନା ବେଶୀ ଥାଏ । ଯଦି କୌଣସି ସମ୍ଭାବିତ କଷ୍ଟମର ନିଜର ବନ୍ଧୁଙ୍କୁ ନେଇ କୌଣସି ଜିନିଷ କିଣିବାକୁ ଯାଇଥାନ୍ତି , ତ ଏମିତି ମାମଲାରେ ବନ୍ଧୁ ବେଶୀ ରିକ୍ସ ନେଇନଥାନ୍ତି । ପରିବାର ସହ ଗଲେ ଜିନିଷର କିଣା ଖୁବ୍ ଶୀଘ୍ର ହୋଇଥାଏ । କାରଣ ଷ୍ଟୋର ଭିତରେ ଜିନିଷକୁ ନେଇ ଚର୍ଚ୍ଚା ହୁଏ । ଯେଉଁଥିରେ ଜିନିଷ କିଣିବାର ନିଷ୍ପତ୍ତି ତୁରନ୍ତ ନିଆଯାଇଥାଏ ।’
ମାଥୁର କୁହନ୍ତି, ଯଦି ଦମ୍ପତିଙ୍କ ବୟସ ୪୦ ବର୍ଷରୁ ଅଧିକ , ଅନେକଥର ଦେଖାଯାଇଛି ପୁରୁଷଙ୍କ ନିଷ୍ପତ୍ତି ହିଁ ଅନ୍ତିମ ହୋଇଥାଏ । ଯେତେବେଳେ ଯୁବା ଦମ୍ପତିଙ୍କୁ କଥା କହିବା ତ ମହିଳାଙ୍କ ନିଷ୍ପତ୍ତି ଅନ୍ତିମ ହୋଇଥାଏ ।