ଡୋକଲାମ ବିବାଦ ! ଚୀନକୁ ତାରି ଭାଷାରେ ଜବାବ ଦେବା ପାଇଁ ଭାରତ ପ୍ରସ୍ତୁତ
ଡୋକଲାମ ବିବାଦ ନେଇ ଭାରତ ଓ ଚୀନ ମଧ୍ୟରେ ଥିବା ସମ୍ପର୍କ ଆସ୍ତେ ଆସ୍ତେ ଜଟିିଳ ପରିସ୍ଥିତି ଆଡ଼କୁ ଗତି କରୁଛି । ଦୁଇ ଦେଶ ମଧ୍ୟରେ ବିବାଦ ଜାରି ରହିଛି । ଡୋକଲାମ ପ୍ରସଙ୍ଗରେ ପଡୋଶୀ ଦେଶ ଚୀନ ଉତ୍ତେଜିତ ବୟାନ ଦେଇ ଭାରତ ଉପରେ ଚାପ ପକାଇବାକୁ ଚେଷ୍ଟା କରୁଛି, ମାତ୍ର ଭାରତ ନିଜର କଡ଼ା ଆଭିମୁଖ୍ୟରେ ଅଟଳ ରହିଛି । ସୂଚନା ମୁତାବକ ଯଦି ଚୀନ ଭୂଟାନକୁ କୌଣସି ପ୍ରକାରେ ଧମକାଇବାକୁ ପ୍ରୟାସ କରେ ତା’ ହେଲେ ଭାରତ ରାଜନୈତିକ କିମ୍ବା ସୈନ୍ୟ ପ୍ରକ୍ରିୟାରେ ଚୀନକୁ ପ୍ରତିରୋଧ କରିବାର ନୀତି ଆପଣାଇବ।
Kanak News is now on WhatsApp
Join and get latest news updates delivered to you via WhatsApp
ଭାରତୀୟ ସେନା ପୁରାପୁରି ପ୍ରସ୍ତୁତ –
ଭାରତ ସିକିମ-ଭୂଟାନ-ତିବ୍ବତ ଟ୍ରାଇଜଙ୍କସନରେ ସୈନ୍ୟ ମୃତୟନ କରି ନିଜର ସ୍ଥିତି ଜମଭୁତ କରି ନେଇଛି । ସମୁଦ୍ରରୁ ୧୧ ହଜାର ଫୁଟର ଉଚ୍ଚତାରେ ସ୍ଥିତ ଏହି କ୍ଷେତ୍ରରେ ସେନା ମୃତୟନ କରାଯାଉଛି। ଏହି ସୈନ୍ୟ କୌଣସି ପ୍ରକାର ଜରୁରୀକାଳିନ ସ୍ଥିତିର ମୁକାବିଲା ପାଇଁ ପ୍ରସ୍ତୁତ। ଯେଉଁଠାରେ ଭାରତ-ଚୀନ ସୈନ୍ୟ ମୁହାଁମୁହିଁ ଅବସ୍ଥାରେ ଅଛନ୍ତି, ସେଠାରେ ଦୁଇ ଦେଶର ମାତ୍ର ୩୦୦ ରୁ ୪୦୦ ସୈନ୍ୟ ଡେରା ପକାଇଛନ୍ତି। ଏହି ସୈନିକ ଟେଣ୍ଟ ଲଗାଇ ଲାଲ ପତାକା ଦେଖାଇ ନିଜ ଜାଗାରେ ଦୃଢ଼ ଅଛନ୍ତି । ମାତ୍ର ଏହାର ଆଖପାଖ ଇଲାକାରେ ଭାରତ ନିଜର ସୈନ୍ୟ ମୃତୟନ ମଜଭୁତ କରିନେଇଛି । ସୂତ୍ର ଅନୁସାରେ ଭାରତର ସୈନ୍ୟ ଏହି କ୍ଷେତ୍ରରେ ଅଧିକ ଭଲ ସ୍ଥିତିରେ ଅଛନ୍ତି । ଚୀନ ସେନା ତୁଳନାରେ ଭାରତୀୟ ସେନାଙ୍କୁ ସମସ୍ତ ପ୍ରକାର ସରଞ୍ଜାମ ଉପଲବ୍ଧ ହୋଇପାରୁଛି । ଏନେଇ ଭାରତୀୟ ଏଜେନି୍ସ ଗୁଡ଼ିକ ଏହି ଅଞ୍ଚଳରେ ଚୀନର ପିପୁଲସ ଲିବରେସନ ଆର୍ମି ବା ପିଏଲଏ ଉପରେ କଡ଼ା ନଜର ରଖିଛନ୍ତି ।
ନିଅାଁରେ ଘିଅ ଢ଼ାଳୁଛି ଚୀନ ମିଡ଼ିଆ –
ଭାରତର କୁଟନୀତିଜ୍ଞ ଚେଷ୍ଟା ମଧ୍ୟରେ ଚୀନ ଓ ଚୀନ ସରକାର ନିୟନ୍ତ୍ରିତ ସରକାରୀ ମିଡ଼ିଆ ଭାରତ ବିରୋଧରେ ବାକଯୁଦ୍ଧ ଜାରି ରଖିଛି । ଅନେକ ଲେଖା ମାଧ୍ୟମରେ କେବଳ ଯେ ଚୀନ୍ ପଦକ୍ଷେପକୁ ଠିକ କୁହାଯାଇଛି ବରଂ ଭାରତକୁ ସିଧା ସିଧା ଯୁଦ୍ଧ ପାଇଁ ମଧ୍ୟ ଧକମ ଦିଆଯାଉଛି ।
ଡୋଭାଲ ବାହାର କରିପାରିବେ ଏହାର ସମାଧାନ-
ଭାରତୀୟ ଏନଏଏସ ଅଜିତ ଡ଼ୋଭାଲ ଗୁରୁବାର ବ୍ରିକ୍ସ ଦେଶର ଏନଏଏସର ବୈଠକରେ ସାମିଲ ହେବା ପାଇଁ ଚୀନ ଯାଉଛନ୍ତି । ଏଠାରେ ଚୀନ ଏନଏଏସ ସହ ଦ୍ୱିପାକ୍ଷିକ କଥାବାର୍ତ୍ତା ଦ୍ୱାରା ଡ଼ୋକଲାମ ବିବାଦର ସମାଧାନ ବାହାର କରିବେ ବୋଲି ଆଶା କରାଯାେଉଛି । ସୂତ୍ର ଅନୁସାରେ ଡୋଭାଲ ପ୍ରଧାନମନ୍ତ୍ରୀ ମୋଦିଙ୍କ ବ୍ରିକ୍ସ ଗସ୍ତ ପୂର୍ବରୁ ଏହିି ବିବାଦର ସମାଧାନ ବାହାର କରିବେ । କିନ୍ତୁ ଚୀନ-ଭାରତ ବିବାଦର ସମାଧାନ ବାହରିବ ବୋଲି କିଛି ଆଶା ଦେଖାଯାଉ ନାହିଁ କାରଣ ଚୀନ ନିଜ କଥାରେ ଅଡ଼ି ବସିଛି । ଚୀନ ଚାହୁଁଛି ବିନା ସର୍ତ୍ତରରେ ଏହି ଅଞ୍ଚଳରୁ ନିଜ ସେନା ହଟାଇ ନିଅନ୍ତୁ । କିନ୍ତୁ ଭାରତ ଚାହୁଁଛି ଏହି ବିବାଦ ଉପରେ କଥାବାର୍ତ୍ତା ହେବା ପୂର୍ବରୁ ଉଭୟ ଦେଶ ନିଜ ସେନା ଉକ୍ତ ଅଞ୍ଚଳରୁ ହଟାଇ ନିଅନ୍ତୁ ।