ମାଲିକକୁ କୋଟିପତି ବନାଇଲା ବିଲେଇ ! ପାଳିତ ପଶୁ ପାଇଁ କିଛି ଏହିଭଳି ଭାବେ କୋଟି କୋଟି ଟଙ୍କା କମାଉଛନ୍ତି ମାଲିକ ।
ମାଲିକକୁ ରାତା ରାତି କୋଟିପତି ବନାଇଲା ବିଲେଇ । ସାଧାରଣତଃ ଲୋକମାନେ ଘରେ କୁକୁର ପାଳିବାକୁ ବେଶ ପସନ୍ଦ କରିଥାନ୍ତି । କାରଣ କୁକୁର ମାଲିକର ବିଭିନ୍ନ ପ୍ରକାର ଉପକାର କରିଥାଏ । ଠିକ୍ ସେହିଭଳି କିଛି କିଛି ଲୋକ ଘରେ ବିଲେଇ ମଧ୍ୟ ପାଳିଥାନ୍ତି କିନ୍ତୁ କୁକୁର ଭଳି ବିଲେଇ ମଣିଷର ବେଶି ଉପକାରରେ ଆସୁନଥିବାରୁ ବିଲେଇକୁ ଲୋକମାନେ ପାଳିବାକୁ ପସନ୍ଦ କରିନଥାନ୍ତି । କିନ୍ତୁ ଏବେ ଆମେ ଆପଣଙ୍କୁ ଯେଉଁ କଥା କହିବାକୁ ଯାଉଛୁ ତାହା ଶୁଣିଲେ ଆପଣ ନିଶ୍ଚିନ୍ତ ଭାବେ ଆଶ୍ଚର୍ଯ୍ୟ ହୋଇଯିବେ ।
Kanak News is now on WhatsApp
Join and get latest news updates delivered to you via WhatsApp
ପ୍ରକୃତ ଘଟଣାଟି ହେଉଛି ଆମେରିକାର ଟବାଥା ବଂଡସିନ ନାମକ ଜଣେ ଯୁବକ କୌଣସି ଏକ ହୋଟେଲରେ ୱେଟରର କାମ କରନ୍ତି । ସାଧାରଣ ଲୋକଙ୍କ ପରି ଟବାଥା ମଧ୍ୟ ଘରର ଭରଣ ପୋଷଣ ପାଇଁ ଦିନ ରାତି କାମ କରିବା ସହ କିଛି କିଛି ପଇସା ସଂଞ୍ଚୟ କରୁଥିଲେ । କିନ୍ତୁ ଗୋଟେ ଦିନ ସେ ଏବଂ ତାଙ୍କ ଭାଇ ଘରେ ପାଳିଥିବା ବିଲେଇର ଏକ ଫଟୋ ସୋସିଆଲ ସାଇଟ ରେଡଇଟରେ ପୋଷ୍ଟ କରିଥିଲେ । ଏହାପରେ ସୋସିଆଲ ମିଡିଆରେ ପୋଷ୍ଟ ହୋଇଥିବା ବିଲେଇ ଫଟୋରେ ଢେର୍ ସାରା ଲାଇକ ଏବଂ କମେଣ୍ଟ ମଧ୍ୟ ଆସିଥିଲା । ଏହାସହିତ ବିଲେଇ ଫଟୋକୁ ବହୁତ ଲୋକ ସେୟାର ମଧ୍ୟ କରିଥିଲେ । କିଛି ଘଣ୍ଟା ମଧ୍ୟରେ ପାଖାପାଖି ୩୦ ହଜାରରୁ ଅଧିକ ଲୋକ ଫଟୋକୁ ଲାଇକ୍ ଏବଂ ସେୟାର କରିଥିଲେ । ସୋସିଆଲ ସାଇଟରେ ପୋଷ୍ଟ ହୋଇଥିବା ଫଟୋଟି ଏତେ ସୁନ୍ଦର ଥିଲା କି ସେହି ଫଟୋକୁ ନେଇ ଲୋକଙ୍କ ମଧ୍ୟରେ ଏକପ୍ରକାର ଯୁକ୍ତତର୍କ ଲାଗିଯାଇଥିଲା । କିଛି ଲୋକ ଏହି ଫଟୋ ଫଟୋସପରେ ଏଡିଟ ହୋଇଥିବା କହୁଥିବା ବେଳେ ଆଉ କିଛି ଲୋକ ଏହାକୁ ଏଡିଟ ହୋଇନଥିବା କହୁଥିଲେ । ଏତେ ସାରା ଲାଇକ, କମେଣ୍ଟ ଏବଂ ସେୟାର ଦେଖି ଟବାଥା ଏହି ବିଲେଇର ଏକ ଭିଡିଓ ୟୁଟୁବରେ ପୋଷ୍ଟ କରିଦେଇଥିଲେ । ମାତ୍ର ୨୪ ଘଣ୍ଟା ମଧ୍ୟରେ ୟୁଟୁବରେ ପୋଷ୍ଟ ହୋଇଥିବା ଭିଡିଓକୁ ପାଖାପାଖି ୧୫ ଲକ୍ଷ ଲୋକ ଦେଖିଥିଲେ । ଧିରେ ଧିରେ ଏହି ଭିଡିଓ ଏତେ ପପୁଲାର ହୋଇଯାଇଥିଲାକି ବିଲେଇର ମାଲିକ ଟବାଥା ୟୁଟୁବରେ ଏକ ଚ୍ୟାନେଲ ଖୋଲି ଅଧିକ ଭିଡିଓ ପୋଷ୍ଟ କରିଥିଲେ ଏବଂ କୋଟି କୋଟି ଟଙ୍କା ରୋଜଗାର କରିବାରେ ସକ୍ଷମ ହୋଇଥିଲେ ।