ସମାଜରେ ବିବାହ ଭଳି ପବିତ୍ର ଶବ୍ଦକୁ ଆଜି ମଧ୍ୟ କିଛି ଲୋକ ଯୌତୁକର ତରାଜୁରେ ତୋଳିଥାନ୍ତି । ପ୍ରତିଦିନ ଖବରକାଗଜ ପୃଷ୍ଠାରେ ଯୌତୁକ ନିର୍ଯାତନା ତଥା ପୋଡି ମାରିବା ଘଟଣା ସାମ୍ନାକୁ ଆସୁଛି । କିନ୍ତୁ ଏଥିମଧ୍ୟରେ ଏଭଳି ଏକ ଘଟଣା ସାମ୍ନାକୁ ଆସିଛି ଯାହାକୁ ଶୁଣି ଲୋକ ବରର ବାଃ ବାଃ କରି ରହିପାରୁନାହାନ୍ତିି । ଘଟଣାଟି ଘଟିଛି ହରିଆଣାରେ । ଏଠାରେ କବିର ରାଜନ ନାମକ ଜଣେ ବ୍ୟକ୍ତି ଆଦମପୁର ଶିଳ୍ପା ଶର୍ମାଙ୍କୁ ହିନ୍ଦୁ ରୀତିନୀତିରେ ବିବାହ କରିଥିଲେ । କବିର ବିନା ବାଜା ରୋଶଣୀରେ ମଣ୍ଡପରେ ପହଞ୍ଚି ଶିଳ୍ପାଙ୍କୁ ବିବାହ କରିଥିଲେ । ଝିଅକୁ ଶାଶୁଘର ଛାଡିବା ସମୟରେ ଶିଳ୍ପାଙ୍କ ବାପା ଜ୍ୱାଇଁଙ୍କୁ ଯୌତୁକରେ ୪ ଲକ୍ଷ ଟଙ୍କା ନଗଦ ଦେଇଥିଲେ । କିନ୍ତୁ କବିରଙ୍କ କଥା ଶୁଣି ଶ୍ୱଶୁରଙ୍କ ଆଖିରେ ଲୁହ ଆସି ଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
କବିର ଶ୍ୱଶୁରଘର ସବୁଠାରୁ ବଡ ସମ୍ପତ୍ତିକୁ ନିଜ ସାଥିରେ ଘରକୁ ନେଉଥିଲେ ତେଣୁ ସେ ଶ୍ୱଶୁରଙ୍କୁ କହିଲେ, “ଯଦି ମୁଁ ଆପଣଙ୍କ ଘରୁ ସବୁଠାରୁ ମହଙ୍ଗା ଧନକୁ ମୋ ସଙ୍ଗେ ନେଉଛି ଯଦି ଦେବାକୁ ଚାହୁଁଛନ୍ତି ତେବେ ୧ ଟଙ୍କା ଦିଅନ୍ତୁ । କାରଣ ଆପଣଙ୍କ ଝିଅ ଠାରୁ ବଡ ଧନ ଆପଣ ମୋତେ ଦେଇପାରିବେ ନାହିଁ । ୪ ଲକ୍ଷ ଟଙ୍କା ଆପଣଙ୍କ ଝିଅ ଆଗରେ ଖୁବ୍ କମ୍ ।” ଏଭଳି ଜ୍ୱାଇଁଙ୍କ କଥା ଶୁଣି ପାଖପଡୋଶୀ ମଧ୍ୟ ଯୁବକଙ୍କୁ ଖୁବ୍ ପ୍ରଶଂସା କରିବା ସହ ଝିଅକୁ ମଧ୍ୟ ଭାଗ୍ୟଶାଳୀ କହିଛନ୍ତି ।