ପକେଟକୁ ଫାଇଦା ଦେବ ପୁରୁଣା ସୁନା ଓ କାର : ବିକ୍ରି ଅର୍ଥରେ ନୂଆ କିଣିଲେ ଲାଗୁ ହେବ ନାହିଁ ଜିଏସଟି
କନକ ବ୍ୟୁରୋ : ପକେଟକୁ ଫାଇଦା ଦେବ ପୁରୁଣା ସୁନା । ପୁରୁଣା ସୁନାରେ ଜିଏସଟି ଲାଗୁ ହେବନାହିଁ ବୋଲି ଅର୍ଥ ମନ୍ତ୍ରାଳୟ ସ୍ପଷ୍ଟ କରିଛନ୍ତି । ପୁରୁଣା ସୁନା ବିକ୍ରି କରି ବିକ୍ରି ଅର୍ଥରେ ନୂଆ ସୁନା କିଣିଲେ ଜିଏସଟି ଲାଗୁ ହେବ ନାହିଁ ବୋଲି ଅର୍ଥ ମନ୍ତ୍ରାଳୟ କହିଛି । ସାରା ଦେଶରେ ଜୁଲାଇ ୧ତାରିଖରୁ ଜିଏସଟି ଲାଗୁ ହେବା ପରେ ପୁରୁଣା ସୁନା ବିକ୍ରି କରି ସେହି ଟଙ୍କାରେ ନୂଆ ସୁନା କିଣିଲେ ସେଥିରେ ଜିଏସଟି ଲାଗୁ ହେବ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଜିଏସଟି ଲାଗୁ ହେବା ପରେ ଜ୍ୱେଲର୍ସ ନିକଟରୁ ପୁରୁଣା ସୁନା କିଣିଲେ ମଧ୍ୟ ସେଥିରେ ୩ପ୍ରତିଶତ ଜିଏସଟି ଲାଗୁ ହେବ ବୋଲି କେନ୍ଦ୍ର ରାଜସ୍ୱ ସଚିବ ହସମୁଖ ଅଧିଆ କହିଥିଲେ । ତେବେ ଏଥିରେ ସ୍ପଷ୍ଟୀକରଣ ରଖିଛି ଅର୍ଥ ମନ୍ତ୍ରାଳୟ । ଏପରିକି ଯେଉଁ ଜ୍ୱେଲର୍ସ ପାଖରୁ ପୁରୁଣା ସୁନା କିଣା ହେବ କି ବିକ୍ରି କରାହେବ ସେହି ଜ୍ୱେଲର୍ସଙ୍କୁ ମଧ୍ୟ ଜିଏସଟି ଦେବାକୁ ପଡିବ ନାହିଁ ।
ପୁରୁଣା ସୁନା ପରି ପୁରୁଣା କାର୍ ଓ ବାଇକରେ ମଧ୍ୟ ଜିଏସଟି ଲାଗୁ ହେବ ନାହିଁ ବୋଲି ଅର୍ଥ ମନ୍ତ୍ରାଳୟ କହିଛି । ପୁରୁଣା କାର୍ କି ବାଇକ ବିକ୍ରି କଲେ ସେଥିରେ କୌଣସି ଜିଏସଟି ଲାଗୁ ହେବ ନାହିଁ ବୋଲି ଅର୍ଥ ମନ୍ତ୍ରାଳୟ ସ୍ପଷ୍ଟ କରିଛନ୍ତି । ତେବେ ତାଲିକାଭୁକ୍ତ ହୋଇନଥିବା ବ୍ୟବସାୟୀ ଯଦି ରେଜିଷ୍ଟର ସପ୍ଲାୟରଙ୍କୁ ପୁରୁଣା ଗାଡି ବିକ୍ରି କରିବେ ତେବେ ସେହି ପରିସ୍ଥିତିରେ ଏଥିରେ ଜିଏସଟି ଲାଗୁ ହେବ । ଏବଂ ସାଧାରଣ ଲୋକ ଯଦି ପୁରୁଣା କାର୍ ଓ ବାଇକ ବିକ୍ରି କରିବେ ତେବେ ଏଥିରେ ଜିଏସଟି ଲାଗୁ ହେବନାହିଁ ।
ଏହାସହ ଦେଖନ୍ତୁ ଏହି ଭିଡ଼ିଓ –