ମଧ୍ୟପ୍ରଦେଶର ଖରଗୋନ୍ ନିବାସୀ ଓ ଆଇଆଇଟି ପଟନାରୁ କେମିକାଲ ଇଂଜିନିୟରିଙ୍ଗରେ ବି-ଟେକ୍ କରୁଥିବା ୨୩ ବର୍ଷୀୟ ମୟଙ୍କ ତିୱାରୀ ସ୍ୱଦେଶୀ ଫୁଡ୍ ପଏଜନିଙ୍ଗ ଡିଟେକ୍ସନ୍ ବାୟୋ ସେନ୍ସର ବିକସିତ କରିବାରେ ସଫଳତା ପାଇଛନ୍ତି । ଶସ୍ତା ଓ ଦୀର୍ଘସ୍ଥାୟୀ ସେନ୍ସର କୌଣସି ବି ଖାଦ୍ୟରେ ଥିବା ବ୍ୟାକ୍ଟେରିଆ ଓ ଅନ୍ୟ କ୍ଷତିକାରକ ତତ୍ୱର ଉପସ୍ଥିତିର ସଂକେତ ଦେବ ।
Kanak News is now on WhatsApp
Join and get latest news updates delivered to you via WhatsApp
ବର୍ତ୍ତମାନ ବାଙ୍ଗାଲୁରୁ ସ୍ଥିତ ଇଣ୍ଡିଆନ ସାଇନ୍ସ ସେଣ୍ଟରରେ ପ୍ରୋଜେକ୍ଟ ଆସିଣ୍ଟାଣ୍ଟ ଭାବେ ଗବେଷଣା କରୁଥିବା ମୟଙ୍କ ଅନ୍ୟ ଗବେଷଣାକାରୀ ସୋନମ କୁମାରୀ ସହିତ ମିଶି ଡିଭାଇସ୍ ବିକସିତ କରିଛନ୍ତି । ମଧ୍ୟବିତ୍ତ ପରିବାରରୁ ଆସିଥିବା ମୟଙ୍କ କୁହନ୍ତି, ତାଙ୍କ ଅଂଚଳରେ ଏକ ସମାରୋହରେ ଦୂଷିତ ଭୋଜନ କାରଣରୁ ଘଟିଥିବା ଏକ ଦୁଃଖଦ ଘଟଣା ତାଙ୍କୁ ଏହି ଗବେଷଣା ପାଇଁ ପ୍ରେରଣା ଦେଇଥିଲା । ସେହି ସମାରୋହରେ ଫୁଡ୍ ପଏଜନିଙ୍ଗ ଶହ ଶହ ଲୋକଙ୍କୁ ହସପିଟାଲ ପହଂଚାଇଦେଇଥିଲା । ଯାହା ମୟଙ୍କ ଙ୍କ ଉପରେ ଗଭୀର ଆଘାତ ପହଂଚାଇଥିଲା । ଯଦ୍ୱାରା ସେ ଏମିତି ଏକ ଜିନିଷର ଉଦ୍ଭାବନ ପାଇଁ ଗବେଷଣା କଲେ ଯାହା ଖାଦ୍ୟ ଉପରେ ପକାଇଲେ ହି ଜଣାପଡିଯିବ କି ଖାଦ୍ୟ ଖାଇବା ଯୋଗ୍ୟ କି ନୁହେଁ । ଗୋଟିଏ ବର୍ଷ ପର୍ଯ୍ୟନ୍ତ ଗବେଷଣା କଲେ ଓ ବାୟୋ ସେନ୍ସର ନିର୍ମାଣ କରିବାରେ ସଫଳ ହେଲେ ।
ସୂଚନାଯୋଗ୍ୟ, ଏହି ସେନ୍ସରରେ ଏକ ବିଶେଷ ଚିପ୍ ନିର୍ମାଣ କରି ଲଗାଯାଇଛି, ଯାହା ମାଇକ୍ରୋମିଟର ଚ୍ୟାନେଲ ଉପରେ ଆଧାରିତ । ଏଥିରେ ଏକ ତରଳ ପଦାର୍ଥ ଅଛି , ଯାହା ଖାଦ୍ୟକଣିକାର ସଂସ୍ପର୍ଶରେ ଆସିଲେ ରାସାୟନିକ କ୍ରିୟା କରି ସେଥିରେ ଥିବା କ୍ଷତିକାରକ ତତ୍ୱର ସଂକେତ ଦେବାରେ ସହାୟକ ହେଉଛି ।