ମହାନଦୀ ଅବବାହିକା ଚାଷ ଜମିରେ ମାଡିଗଲା ବନ୍ୟା ପାଣି ! ବାଙ୍କି ଏବଂ ଅନୁଗୁଳରେ ଶହ ଶହ ଏକର ଜମିର ଫସଲ ନଷ୍ଟ ।
କନକ ବ୍ୟୁରୋ : ହୀରାକୁଦ ଡ୍ୟାମର ଗେଟ୍ ବନ୍ଦ ହେଉଛି, ତଳିଆ ଅଂଚଳଗୁଡିକରେ ବନ୍ୟାପାଣି ହ୍ରାସ ପାଉଛି । ଲୋକେ ଜଳବନ୍ଦୀ ଅବସ୍ଥାରୁ ଧିରେ ଧିରେ ମୁକୁଳୁଛନ୍ତି । ହେଲେ ସବୁଠୁ କ୍ଷତିଗ୍ରସ୍ତ ହୋଇଛି କୃଷି କ୍ଷେତ୍ର । ବନ୍ୟାପାଣି ମାଡିଯାଇଥିବା ବିଭିନ୍ନ ଜିଲ୍ଲାରେ ଶହ ଶହ ହେକ୍ଟର ଚାଷ ଜମି ଏବେବି ପାଣ ଭିତରେ ବୁଡିରହିଛି । ଅନୁଗୁଳ ଜିଲ୍ଲା ଟିକରପଡା ଓ ଆଠମଲ୍ଲିକ ଅଂଚଳ ଅଧିକ ପ୍ରଭାବିତ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଟିକରପଡା ଅଂଚଳର ଗଂଇଦି, ବେହେରାସାହି, ମାଝିପଡା, ଟିକରପଡା ଗାଁଗୁଡିକର ସବୁ ଚାଷ ଜମିରେ ଏବେ ବି ବନ୍ୟା ପାଣି ଲହଡି ଭାଙ୍ଗୁଛି । ସାତକୋଶିଆ ଗଣ୍ଡ ନିକଟରେ ଥିବା ୫ଟି ଗାଁ ଭିତରକୁ ବନ୍ୟାପାଣି ପଶିଆସିଥିବାରୁ କୁମ୍ଭୀର ଓ ଅନ୍ୟ ଜଳଜୀବଙ୍କ ଆତଙ୍କରେ ଅଛନ୍ତି ଗାଁ ଲୋକ । ଆଠମଲ୍ଲିକ ଅଂଚଳରେ ପୁରୁନାମାନିତ୍ରୀ ଓ ଜାମୁଡିହିରେ ବନ୍ୟା ଯୋଗୁ ବ୍ୟାପକ ଫସଲ ନଷ୍ଟ ହୋଇଛି ।