ବାପା ନା ସୈତାନ । ଧର୍ମ ଅର୍ଜନ କରିବାକୁ ବାପା ପାଲଟିଲା ରାକ୍ଷସ । ଆଲ୍ଲାଙ୍କୁୁ ଖୁସି କରିବାକୁ ୪ ବର୍ଷର ଝିଅର ତଣ୍ଟି କାଟିଲା ସୈତାନ ବାପା । ଅନ୍ଧବିଶ୍ୱାସ ଯେ ମଣିଷକୁ ରାକ୍ଷସ କରିଦିଏ ତାହାର ଝଲକ ଯୋଧପୁରରେ ଦେଖିବାକୁ ମିଳିଛି । ନିଜ ଝିଅର ରକ୍ତରେ ନିଜକୁ ପାପକୁ ଧୋଇବାକୁ ପଛାଇ ନାହିଁ ରାକ୍ଷସ ବାପା । ରମଜାନ ଭଳି ପବିତ୍ର ମାସରେ ଏଭଳି ଜଘନ୍ୟ କାଣ୍ଡ ଭିଆଇଛି ସୈତାନ ବାପା ।
Kanak News is now on WhatsApp
Join and get latest news updates delivered to you via WhatsApp
ଘଟଣା ଅନୁଯାୟୀ,ଯୋଧପୁରରେ ରମଜାନ ଭଳି ପବିତ୍ର ମାସରେ ଆଲ୍ଲାକୁ ସନ୍ତୁଷ୍ଟ କରିବାକୁ ୨୬ ବର୍ଷୀୟ ନୱାବ ଅଲ୍ଲୀ କ୍ୟୁରେସୀ ନିଜ ୪ ବର୍ଷର ଝିଅର ତଣ୍ଟି କାଟି ହତ୍ୟା କରିଛି । ପୋଲିସର କହିବା ଅନୁଯାୟୀ, ଗୁରବାର ଅପରାହ୍ନରେ ଅଲ୍ଲୀ ଗେହ୍ଲା ଝିଅ ରିଜୱାନାଙ୍କୁ ବଜାରକୁ ନେଇ ଯାଇଥିଲେ । ଇଦ୍ ଦିନ ଯେପରି ଛେଳି ମାନଙ୍କୁ ବଳି ଦେବା ପୁର୍ବରୁ ଯେପରି ଭଲ କରି ଖାଇବାକୁ ଦିଆଯାଏ ଠିକ୍ ସେହିଭଳି ରିଜୱାନଙ୍କୁ ମଧ୍ୟ ଅନେକ ଜିନିଷ କିଣି ଦେଇଥିଲେ । ଏପରିକି ସେ ତାଙ୍କୁ ବହୁତ ଭଲ ପାଉଥିବା କହିଥିଲା ଅଲ୍ଲୀ । କିନ୍ତୁ ଏହି ଭଲପାଇବା ଭିତରେ ଯେ ବାପାଙ୍କର ଏକ ଭୟଙ୍କର ଷଡ଼ଯନ୍ତ୍ର ଲୁଚି ରହିଥିଲା ତାହା ବୁଝି ପାରି ନଥିଲା କୁନି ଝିଅ ରିଜୱାନା ।
ପରିବାରର ସମସ୍ତ ସଦସ୍ୟ ଛାତରେ ଶୋଇଥିବା ବେଳେ ରିଜୱାନଙ୍କୁ ତଳ ଘରକୁ ନେଇ ଆସିଥିଲେ । କିଛି ସମୟ ମନ୍ତ୍ର ପଢ଼ିବା ପରେ କୁନି ଝିଅର ବେକ କାଟି ଦେଇଥିଲେ ଅଲ୍ଲୀ । ଆଉ ସେହିଠାରେ ହିଁ ସବୁଦିନ ପାଇଁ ଆଖି ବୁଝି ଦେଇଥିଲା ରିଜୱାନା । କିନ୍ତୁ ମଝି ରାତିରେ ଅଲ୍ଲୀଙ୍କ ସ୍ତ୍ରୀ ନିଜ ରିଜୱାନାଙ୍କୁ ଛାତ ଉପରେ ଖୋଜିଥିଲେ ମଧ୍ୟ ପାଇନଥିଲେ । କିନ୍ତୁ ତଳ ଫ୍ଲୋରକୁ ଆସି ଯାହା ଦେଖିଥିଲେ ତାହା ତାଙ୍କ ପାଦ ତଳୁ ମାଟି ଖସାଇ ଦେଇଥିଲା । ରକ୍ତ ଜୁଡ଼ୁବୁଡ଼ୁ ଭାବେ ରିଜୱାନଙ୍କ ଶରୀର ତଳ ଫ୍ଲୋରରେ ପଡ଼ି ରହିଥିଲା । ସଙ୍ଗେ ସଙ୍ଗେ ରିଜୱାନଙ୍କୁ ହସ୍ପିଟାଲ ନେଇଥିଲେ ମଧ୍ୟ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ପୋଲିସ ପହଞ୍ଚି ଘଟଣାର ଯାଞ୍ଚ କରିବା ପରେ ପ୍ରକୃତ ଘଟଣା ସାମ୍ନାକୁ ଆସିଥିଲା । ଅଲ୍ଲୀକୁ ଘଟଣା ସର୍ମ୍ପକରେ ପଚାରିବାରୁ ସବୁ ସତକଥା ପଦାକୁ ଆସିଥିଲା । ଅଲ୍ଲୀ ନିଜ ଝିଅକୁ ମାରିଥିବା ମାନିଥିଲା । କାରଣ ଏପରି କରିବା ଦ୍ୱାରା ଆଲ୍ଲା ସନ୍ତୁଷ୍ଟ ହେବେ ବୋଲି ଅଲ୍ଲୀର ମନରେ ଧାରଣା ରହିଥିଲା । ତେବେ ଏଭଳି ଜଘନ୍ୟ ହତ୍ୟାକାଣ୍ଡ ପଛରେ ଅନ୍ୟ କିଛି ଉଦ୍ଦେଶ୍ୟ ରହିଛି କି, ନାହିଁ ଜାଣିବାକୁ ତଦନ୍ତ ଆରମ୍ଭ କରିଛନ୍ତି ପୁଲିସ। ପୁଲିସ କହିବାନୁସାରେ କୁରେଶି ଜଣେ ନମାଜୀ। ଛୁରାରେ ଝିଅର ତଣ୍ଟି କାଟି ପକାଇ ଥିଲେ। ଏବେ କୁରେଶି କହୁଛନ୍ତି: ବୋଧହୁଏ ତାଙ୍କ ଉପରେ ସଇତାନ ସବାର ହୋଇ ଏ କାଣ୍ଡ ଭିଆଇଛି।