କନକ ବ୍ୟୁରୋ : ଇଲକଟ୍ରୋନିକ ଭୋଟିଂ ମେସିନକୁ ନେଇ ନିର୍ବାଚନ କମିସନଙ୍କ ଖୋଲା ଚ୍ୟାଲେଞ୍ଜ । ରାଜନୈତିକ ଦଳ ମାନଙ୍କୁ ଆହ୍ୱାନ ଦେଇ କହିଛନ୍ତି ଆସନ୍ତୁ ଏବଂ ମେସିନକୁ ଟ୍ୟାମ୍ପରିଙ୍ଗ୍ କରି ଦେଖାନ୍ତୁ । ଇଭିଏମ ମେସିନ ଦ୍ୱାର ଭୋଟ ଟ୍ୟାମ୍ପରିଙ୍ଗ ହେଉଥିବା ନିର୍ବାଚନ କମିସନଙ୍କ ନିକଟରେ ଅଭିଯୋଗ ହୋଇଛିି । ଏହି ବିବାଦର ଅନ୍ତ ଘଟାଇବା ପାଇଁ ଏହି ଆହ୍ୱାନ ଦେଇଛନ୍ତି କମିସନ ।
Kanak News is now on WhatsApp
Join and get latest news updates delivered to you via WhatsApp
ଯେଉଁମାନେ ଇଭିଏମ ମେସିନ ଦ୍ୱାରା ଟ୍ୟାମ୍ପରିଙ୍ଗ ହେଉଛି ବୋଲି ଅଭିଯୋଗ କରୁଛନ୍ତି ସେମାନେ ଏହାକୁ ପ୍ରମାଣିତ କରିବାକୁ ସୁଯୋଗ ପାଇବେ । ନିର୍ବାଚନ କମିସନ ଏଥିପାଇଁ ମେ ମାସର ପ୍ରଥମ ସପ୍ତାହରେ ଡାକିବେ ବୋଲି ସୂଚନା ମିଳିଛି । ଅନ୍ୟପଟେ ଇଭିଏମ ମେସିନକୁ ଟ୍ୟାମ୍ପରିଙ୍ଗ କରାଯାଉଥିବା ଅଭିଯୋଗକୁ ଖଣ୍ଡନ କରିଛନ୍ତିି ପଞ୍ଜାବ ମୁଖ୍ୟମନ୍ତ୍ରୀ ଅମରିନ୍ଦର ସିଂ ।
ସେ କହିଛନ୍ତିି ଯଦି ଟ୍ୟାମ୍ପରିଙ୍ଗ ହେଉଥାନ୍ତା ତେବେ ସେ ଶାସନକୁ ଆସି ପାରିନଥାନ୍ତେ । ସେହିପରି କଂଗ୍ରେସର ପୂର୍ବତନ ମନ୍ତ୍ରୀ ବିରାପ୍ପା ମୋଇଲି ମଧ୍ୟ ଇଭିଏମ ମେସିନର ସ୍ୱଛତା ସପକ୍ଷରେ ମତ ରଖିଛନ୍ତି । ତେବେ କଂଗ୍ରେସ ଇଭିଏମ ମେସିନକୁ ସ୍ଥାନାନ୍ତର କରି ପୁଣି ପୁରୁଣା ବାଲାଟ ପେପର ବ୍ୟବହାର କରିବାକୁ ଦାବି କରୁଛି ।