ସୋନାକ୍ଷୀଙ୍କ ସହ ଭଜନ ଶୁଣିବେ ବାବା ରାମଦେବ ! କାହିଁକି ଜାଣନ୍ତୁ
ଏପର୍ଯ୍ୟନ୍ତ ରିୟାଲିଟି ସୋରେ ଦର୍ଶକେ ଅନେକ ପ୍ରତିଭା ଦେଖିସାରିଛନ୍ତି । ଯେଉଁଥିରେ ନାଚ, ଗୀତ, ଅଭିନୟ, ଖେଳ ଏବଂ ବିଗ୍ ବସ୍ ଘର ଭଳି ପଲିଟିକ୍ସ ସାମିଲ । କିନ୍ତୁ ଏବେ କିଛି ନୁଆ ହେବାକୁ ଯାଉଛି ଅର୍ଥାତ୍ ଖୁବ୍ ଶୀଘ୍ର ଏକ ନୁଆ ରିୟାଲିଟି ସୋ’ ଆରମ୍ଭ ହେବାକୁ ଯାଉଛି ଯେଉଁଥିରେ ପ୍ରତିଯୋଗୀଙ୍କୁ କେବଳ ଭଜନ ଗାଇବାକୁ ପଡିବ ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମ ଇଣ୍ଡିଆନ୍ ଏକ୍ସପ୍ରେସରେ ପ୍ରକାଶିତ ଖବର ମୁତାବକ, ବାବା ରାମଦେବ ଏହି କାର୍ଯ୍ୟକ୍ରମରେ ନଜର ଆସୁଛନ୍ତି ଏବଂ ତାଙ୍କୁ କାର୍ଯ୍ୟକ୍ରମର ମହାଗୁରୁର ଆଖ୍ୟା ଦିଆଯାଇଛି । ସେହିପରି ବଲିଉଡ ଅଭିନେତ୍ରୀ ସୋନାକ୍ଷୀ ସିହ୍ନା ମଧ୍ୟ ଏହି ସୋ’ରେ ବିଚାରକ ଭାବେ ନଜର ଆସୁଛନ୍ତି । ଏଥିସହିତ ରବିଜାନୀ ଏବଂ ଗାୟିକା କନିକା କପୂରଙ୍କୁ ମଧ୍ୟ ଦେଖିବାକୁ ମିଳିବ ।
ଏହି ସୋ’ର ନାଁ ରହିଛି ‘ଓମ୍ ଶାନ୍ତି ଓମ୍’ । ତେବେ ଶାହରୁଖ ଖାନଙ୍କ ସହିତ କନେକ୍ସନ ବ୍ୟତୀତ ଏହାର ଅନ୍ୟ ଏକ କନେକ୍ସନ ଆମିର ଖାନର ଅଭିନିତ ସିନେମା ‘ଦଙ୍ଗଲ’ ସହ ମଧ୍ୟ ରହିଛି । ସିନେମାରେ ଆମିର ଖାନଙ୍କ ପୁତୁରା ସାଜିଥିବା ଅଭିନେତା ଅପାର ଶକ୍ତି ଖୁରାନା ଏହି ରିୟାଲିଟି ସୋ’ର ହୋଷ୍ଟ କରିବେ ।
ସୂଚନା ମୁତାବକ, ଲାଇଫ୍ ଓକେରେ ଖୁବ୍ ଶୀଘ୍ର ଏହି ସୋ’ଟି ଆରମ୍ଭ ହେବାକୁ ଯାଉଛି । ଯାହାର ଗ୍ରାଣ୍ଡ୍ ଓପନିଂ ପାଇଁ ବଲିଉଡ୍ ଅଭିନେତା ରଣବୀର ସିଂହଙ୍କୁ ସ୍ୱତନ୍ତ୍ର ଅତିଥି ଭାବରେ ଆମନ୍ତ୍ରିତ କରାଯାଇଛି ।