ଇଂରାଜୀ ଭାଷାରେ ଦୁର୍ବଳତା କାରଣରୁ ସାଥୀଙ୍କ ଗ୍ରହଣରେ ‘ଆଉଟସାଇଡର’ ଥିଲେ ଶ୍ରେୟସ ତଲପଡେ !
ଅଭିନେତା ଇରଫାନ ଖାନଙ୍କ ଅଭିନିତ ସିନେମା ‘ହିନ୍ଦୀ ମିଡିୟମ’ର ରିଲିଜ୍ ଅବସରରେ ଅଭିନେତା ଶ୍ରେୟସ ତଲପଡେ ନିଜର କିଛି ଅନ୍ତରଙ୍ଗ ମୁହୂର୍ତ୍ତକୁ ଫ୍ୟାନ୍ସଙ୍କ ନିକଟରେ ସେୟାର କରିଛନ୍ତି । ସେ କହିଛନ୍ତି କି, ପିଲାବେଳେ ପାଠପଢା ସମୟରେ ସେ ସହପାଠୀଙ୍କ ଗ୍ରହଣରେ ନିଜକୁ ବହୁତ ହୀନ ମନେ କରୁଥିଲେ । ଯାହାର ମୁଖ୍ୟ କାରଣ ଥିଲା, ତାଙ୍କର ଇଂରାଜୀ ଭାଷାରେ ଥିବା ଦୁର୍ବଳତା ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଇରଫାନ ଖାନ ଏବଂ ପାକିସ୍ତାନି ଅଭିନେତ୍ରୀ ସବା କମରଙ୍କ ଅଭିନିତ ସିନେମା ‘ହିନ୍ଦୀ ମିଡିୟମ’ରେ ଶିକ୍ଷା ପ୍ରଣାଳୀରେ ହିନ୍ଦୀ ଏବଂ ଇଂରାଜୀ ମଧ୍ୟରେ ବିଭାଜନକୁ ଦର୍ଶାଯାଇଛି । ତେବେ ଏହି ସିନେମାର ରିଲିଜ୍ ଅବସରରେ ଅଭିନେତା ଶ୍ରେୟସ କହିଛନ୍ତି କି ତାଙ୍କର ଇଂରାଜୀ ଭାଷାରେ ଥିବା ଦୁର୍ବଳତା କାରଣରୁ ତାଙ୍କୁ ସାଥୀଙ୍କ ଉପହାସର ଶିକାର ହେବାକୁ ପଡିଥିଲା ।
ଖାଲି ସେତିକ ନୁହେଁ ଏଥିପାଇଁ ପିଲାବେଳେ ସେ ଅନ୍ୟ ପିଲାଙ୍କଠାରୁ ନିଜକୁ ବହୁତ ହୀନ ମନେ କରୁଥିଲେ । କିନ୍ତୁ ବୟସ ବଢିବା ଅନୁସାରେ ସେ ନିଜର ଏଭଳି ଚିନ୍ତାଧାରାକୁ ବୁଝିପାରିଥିଲେ । ସେ ପୁଣି ମଧ୍ୟ କହିଥିଲେ କି, ହିନ୍ଦୀ ଆମର ରାଷ୍ଟ୍ର ଭାଷା ଅଟେ । ନିଜ ଦେଶର ଭାଷା କହିବାକୁ ଆମକୁ କୌଣସି ଲଜ୍ଜା କିମ୍ବା କୁଣ୍ଠାବୋଧ ନ କରିବା ଉଚିତ୍ ।