ସୋନୁଙ୍କ ଜୀବନ ପ୍ରତି ବିପଦ ! ପୁଲିସକୁ ସୂଚନା ଦେଲା ଗୁଇନ୍ଦା ବିଭାଗ
ବଲିଉଡ ଜଗତର ପ୍ରସିଦ୍ଧ ଗାୟକ ସୋନୁ ନିଗମଙ୍କ ଜୀବନ ପ୍ରତି ରହିଛି ବିପଦ । ମିଳିଥିବା ସୂଚନା ମୁତାବକ, ସୋନୁ ନିଗମଙ୍କ ଜୀବନ ପ୍ରତି ବିପଦ ଥିବା ଖବର ପ୍ରଘଟ ହେବା ପରେ ପରେ ସୋନୁଙ୍କ ସୁରକ୍ଷା ନେଇ ମଧ୍ୟ ସୁରକ୍ଷା ବ୍ୟବସ୍ଥାକୁ କଡାକଡି କରିଦିଆଯାଇଛି । ତେବେ ମହାରାଷ୍ଟ୍ରର ଗୁଇନ୍ଦା ବିଭାଗ କିଛି କଟ୍ଟରପନ୍ଥୀ ସଂଗଠନ ସୋନୁ ନିଗମଙ୍କୁ ହତ୍ୟା କରିବାର ଷଡଯନ୍ତ୍ର ଚଲାଇଥିବା ନେଇ ପୁଲିସକୁ ସୂଚିତ କରିଛି ।
Kanak News is now on WhatsApp
Join and get latest news updates delivered to you via WhatsApp
ବିଶେଷ ସୂତ୍ରରୁ ପ୍ରକାଶ ଯେ, ସୋନୁ ନିଗମଙ୍କୁ କୌଣସି ସର୍ବସାଧାରଣ ସ୍ଥାନ କିମ୍ବା କୌଣସି କାର୍ଯ୍ୟକ୍ରମରେ ଯୋଗ ଦେବା ସମୟରେ ହିଁ ଏହାର ଶିକାର କରିପାରନ୍ତି ବୋଲି ପୁଲିସକୁ ମିଳିଥିବା ସୂଚନାରୁ ଜଣାପଡିଛି । ଯେଉଁଥିପାଇଁ ସୋନୁ ନିଗମଙ୍କ ସୁରକ୍ଷା ଲାଗି ପୁଲିସ ତରଫରୁ ବି ସତର୍କତା ଅବଲମ୍ବନ କରାଯାଇଛି ।
ଏଠାରେ ଆମେ କହି ରଖୁଛୁ କି, ଗତବର୍ଷ ଗାୟକ ସୋନୁ ନିଗମ ନିଜର ବୟାନ ପାଇଁ ଅଡୁଆରେ ଫସିଥିଲେ । ଯେଉଁଥିରେ ସେ ମସଜିଦରେ ଲଗାଯାଉଥିବା ଲାଉଡ ସ୍ପିକରକୁ ବନ୍ଦ କରିବାକୁ ଦାବି କରିଥିଲେ । ଆଉ ଏହି କାରଣରୁ ହିଁ ତାଙ୍କୁ ବାରମ୍ବାର ମାରି ଦିଆଯିବା ଭଳି ଧମକ ଆସୁଥିଲା । ଏହାଛଡା ସେହି ସମୟରେ ସୋନୁଙ୍କ ବିରୁଦ୍ଧରେ ଫତୱା ମଧ୍ୟ ଜାରି ହୋଇଥିଲା ।