ବଡ ପରଦାରେ ନଜର ଆସିବେ ‘କୁମକୁମ ଭାଗ୍ୟ’ର ଏହି ଚୁଲବୁଲି ନାୟିକା
ଜୀ ଟିଭିରେ ପ୍ରସାରିତ ହେଉଥିବା ଧାରାବାହିକ ‘କୁମକୁମ ଭାଗ୍ୟ’ରେ ପ୍ରଥମ ଥର ପାଇଁ ବୁଲୁବୁଲୁ ଭୂମିକା ଲିଭାଇଥିବା ମୃଣାଳ ଠାକୁରଙ୍କୁ ଅନେକ ପ୍ରଶଂସକ ପସନ୍ଦ କରନ୍ତି । ତେବେ ଏହି ସୋ’ ଛାଡିବା ପରେ ସେ ସିଧାସଳଖ ଲକ ଇଣ୍ଡୋ-ଆମେରିକାନ ଫିଲ୍ମ ‘ଲଭ ସୋନଆ’ର ଅଫର ପାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ତେବେ ଏବେ ଶୁଣିବାକୁ ମିଳୁଛି ଯେ ମୃଣାଳ ବଲିଉଡ ଡେବ୍ୟୁ ଅଫର ପାଇଛନ୍ତି । ବର୍ତ୍ତମାନ ଏହାକୁ ନେଇ ସୋସିଆଲ ମିଡିଆରେ ଚର୍ଚ୍ଚା ହେଉଛି । ଚର୍ଚ୍ଚାର କାରଣ ହେଉଛି ପ୍ରଥମ ଫିଲ୍ମ ମୃଣାଳ ଜଣେ ବଡ଼ ଷ୍ଟାରଙ୍କ ବିପକ୍ଷରେ ଅଭିନୟ କରିବାକୁ ସୁଯୋଗ ପାଇଛନ୍ତି । ଆଉ ସେହି ଷ୍ଟାର ଜଣକ ଅନ୍ୟ କେହି ନୁହଁନ୍ତି ବରଂ, ସେ ହେଉଛନ୍ତି ବଲିଉଡର ଗ୍ରୀକ ଗଡ ବୋଲା ଉଥିବା ହ୍ରିତିକ ରୋଶନ ।
ଏହା ଶୁଣି ଆପଣଙ୍କୁ ନିଶ୍ଚିତ ଆଶ୍ଚର୍ଯ୍ୟ ଲାଗୁଥିବ । କିନ୍ତୁ ଏହା ହିଁ ସତ ଯେ, ସେ ହ୍ରିିତିକଙ୍କ ବିପକ୍ଷରେ ଅଭିନୟ କରିବେ । ଖବର ଅନୁସାରେ, ଆଲୋଚନା କରାଯାଉଛି କି ବିକାଶ ବେହଲଙ୍କ ନିର୍ଦ୍ଦେଶନାରେ ନିର୍ମିତ ହେବାକୁ ଥିବା ବାୟୋପିକ ‘ସୁପର ୩୦’ର ନାୟିକା ଲାଗି ମୃଣାଳକୁ ଅଫର ଦିଆଯାଇଛି । ସୁପର ୩୦ ପ୍ରଖ୍ୟାତ ଗଣିତଜ୍ଞ ଆନନ୍ଦ କୁମାରଙ୍କ ଜୀବନୀ ଉପରେ ଆଧାରିତ । ଏଥିରେ ଆନନ୍ଦ କୁମାରଙ୍କ ଭୂମିକା ଲିଭାଇବେ ହ୍ରିତିକ । ଆଉ ତାଙ୍କ ପତ୍ନୀଙ୍କ ଭୂମିକାରେ ନିଆଯିବ ମୃଣାଳଙ୍କୁ । ତେବେ ଏଥିନେଇ ଆନୁଷ୍ଠାନିକ ଭାବେ କୌଣସି ଘୋଷଣା କରାଯାଇନାହିଁ । ମାତ୍ର ଏହି ସିନେମା ମୃଣାଳଙ୍କ ପାଇଁ ଉଜ୍ୱଳ ଭବିଷ୍ୟତର ଆଶା ଦେଖାଇବ ବୋଲି ସାଧାରଣରେ ଚର୍ଚ୍ଚା ଚାଲିଛି ।