ଅନୁଷ୍କାଙ୍କ ଖୁଲାସା ! କହିଲେ ପ୍ରଭାସଙ୍କ ପୂର୍ବରୁ ତାଙ୍କ ହୃଦୟରେ ଥିଲେ ଆଉ ଜଣେ ଯୁବକ । ଜାଣନ୍ତୁ ଦେବସେନାଙ୍କ ମନର ମଣିଷ କିଏ ?
ପ୍ରଭାସଙ୍କ ପୂର୍ବରୁ ଅନୁଷ୍କାଙ୍କ ହଦୃୟରେ ଥିଲେ ଅନ୍ୟ ଜଣେ ଯୁବକ । ସେ ପୁଣି ଜଣେ ଭାରତୀୟ କ୍ରିକେଟର ଆଉ ଅନୁଷ୍କା ତାଙ୍କୁ ପାଗଳି ଭଳି ଭଲ ପାଉଥିଲେ । ତେବେ ଅନୁଷ୍କା ଯାହାକୁ ପସନ୍ଦ କରୁଥିଲେ ସେ ଅନ୍ୟ କେହି ନୁହେଁ ବରଂ ସେ ହେଉଛନ୍ତି ଭାରତୀୟ କ୍ରିକେଟ୍ ଦଳର ଜଣେ ଦମଦାର ଖେଳାଳି ତଥା ରାହୁଲ ଦ୍ରାବିଡ୍ । ଏକଥା ଆମେ ନୁହେଁ ବରଂ ଖୋଦ ଅନୁଷ୍କା ସେଟ୍ଟି ଖୁଲାସା କରିଛନ୍ତି । ଗୋଟିଏ ପଟେ ଅନୁଷ୍କାଙ୍କୁ ଯେଉଁଠି ବାହୁବଳୀ ତଥା ପ୍ରଭାସଙ୍କ ସହ ତାଙ୍କର ଥିବା ସଂପର୍କକୁ ନେଇ ଚର୍ଚ୍ଚା ଜୋର ଧରିଛି । ସେଇଠି ଏହି ସୁନ୍ଦରୀ ନାୟିକାଙ୍କର ଏଭଳି ମନ୍ତବ୍ୟ, ସତରେ ତାଙ୍କର ଫ୍ୟାନଙ୍କୁ ଚକିତ କରିଦେଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ସୁନ୍ଦରୀ ନାୟିକା ଅନୁଷ୍କା ନିକଟରେ ଏକ ଘରୋଇ ଚ୍ୟାନେଲକୁ ଦେଇଥିବା ଇଂଟରଭିୟୁ ଅବସରରେ ଏଭଳି ଖୁଲାସା କରିଛନ୍ତି ଏବଂ ଏହି ସମୟରେ ସେଠାରେ ତାଙ୍କର ଅନେକ ଫ୍ୟାନ ମଧ୍ୟ ଉପସ୍ଥିତ ଥିଲେ । ଆଉ ଠିକ୍ ଏତିକିବେଳେ ସେଠାରେ ବସିଥିବା ଜଣେ ଫ୍ୟାନ ଅନୁଷ୍କାଙ୍କୁ ପ୍ରଶ୍ନ କରିଥିଲେ କି ତାଙ୍କୁ କେଉଁ ଖେଳାଳି ଅଧିକ ପସନ୍ଦ ? ଅନୁଷ୍କା ଟିକିଏ ମୁରୁକି ହସି ରାହୁଲ ଦ୍ରାବିଡଙ୍କ ନାଁ ନେଇଥିଲେ । ସେ କହିଥିଲେ କି, ‘ରାହୁଲ ଦ୍ରାବିଡ ମୋତେ ବହୁତ ପସନ୍ଦ । ଆଉ ସେ ମୋ ଜୀବନର ପ୍ରଥମ କ୍ରସ ଥିଲେ । ଏମିତି ବି ସମୟ ଆସିଥିଲା କି ମୁଁ ତାଙ୍କ ପ୍ରେମରେ ପୁରାପୁରି ପଡିଯାଇଥିଲି ଆଉ ପାଗଳି ଭଳି ଭଲ ପାଇବସିଥିଲି’ ।
ସେ ଯାହାହେଉନା କାହିଁକି ଏକଥା ତ ସଂପୂର୍ଣ୍ଣ ପ୍ରମାଣିତ ହୋଇଯାଇଛି କି ପ୍ରଭାସଙ୍କ ପୂର୍ବରୁ ଅନୁଷ୍କା ରାହୁଲ ଦ୍ରାବିଡଙ୍କ ପ୍ରେମରେ ପଡିଯାଇଥିଲେ । ବିଭିନ୍ନ ଗଣମାଧ୍ୟମରେ ପ୍ରକାଶିତ ଖବର ମୁତାବକ, ‘ବାହୁବଳୀ’ର ସଫଳତା ପରେ ଏବେ ପ୍ରଭାସ ଏବଂ ଅନୁଷ୍କାଙ୍କ ନିର୍ବନ୍ଧ ହେବାକୁ ଯାଉଛି । ଦୁହେଁ ଖୁବ୍ ଶୀଘ୍ର ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ।
ବର୍ତ୍ତମାନ ପ୍ରଭାସ ନିଜର ଆଗାମୀ ସିନେମା ‘ସାହୋ’ର ସୁଟିଂ କାମରେ ବ୍ୟସ୍ତ ଥିବାବେଳେ ଅନୁଷ୍କା ମଧ୍ୟ ତାଙ୍କର ଆଗାମୀ ସିନେମା ‘ଭାଗମତୀ’ରେ ବ୍ୟସ୍ତ ଅଛନ୍ତି । ଯାହାର ପ୍ରଥମ ପୋଷ୍ଟର ଗତ ୭ ନଭେମ୍ବର ତଥା ଅନୁଷ୍କାଙ୍କ ଜନ୍ମଦିନରେ ହିଁ ରିଲିଜ ହୋଇଛି । ତେବେ ଏହି ସିନେମାରେ ଅନୁଷ୍କା ପୂରାପୁରି ଭିନ୍ନ ଅବତାରରେ ନଜର ଆସିଛନ୍ତି ।
ସୌଜନ୍ୟ: ଜନସତ୍ତା