ଖିଲାଡି ଷ୍ଟାରଙ୍କ ସଫଳତା ପଛରେ ରହିଛି ଏହି ନାୟିକାଙ୍କ ହାତ । ଏବେ ବଲିଉଡ ଛାଡି ହଲିଉଡରେ ଦେଖାଉଛନ୍ତି ଜଲୱା
ମିସ୍ ଇଣ୍ଡିଆ ଠାରୁ ଆରମ୍ଭ କରି ବଲିଉଡ ପର୍ଯ୍ୟନ୍ତ ଯାତ୍ରା କରିଥିବା ଅଭିନେତ୍ରୀ ପୂଜା ବତ୍ରା ଆଜି ନିଜର ୪୧ତମ ଜନ୍ମଦିନ ପାଳନ କରୁଛନ୍ତି । ୟୁପି ସ୍ଥିତ ଫୈଜାବାଦରେ ୧୯୭୬ମସିହାରେ ଜନ୍ମିତ ପୂଜା ବତ୍ରା ବଲିଉଡରେ ସେଭଳି କିଛି ନାଁ କମାଇବା ବିଫଳ ହୋଇଥିଲେ ବି ଚଳଚିତ୍ର ଜଗତରେ ସଫଳ ଅଭିନେତା ଅକ୍ଷୟ କୁମାର ପରିଚୟ ବିସ୍ତାର ଲାଗି ପୂଜାଙ୍କର ରହିଛି ବଡ ଅବଦାନ । ଯେପରି କଥାରେ ଅଛି ଏକ ସଫଳ ପୁରୁଷ ପଛରେ ଜଣେ ନାରୀର ଅବଦାନ ଥାଏ, ସେହିପରି ପୂଜା ବତ୍ରାଙ୍କ କିଛି ଅବଦାନ ରହିଛି ଅକ୍ଷୟଙ୍କ ଜୀବନରେ ।
Kanak News is now on WhatsApp
Join and get latest news updates delivered to you via WhatsApp
ସିନେମା ‘ବିରାସତ’ରେ ପ୍ରଥମ କରି ପାଦ ଦେଇଥିବା ଅଭିନେତ୍ରୀ ପୂଜା ବତ୍ରା ମଡେଲିଂ ସମୟରେ ଅଭିନେତା ଅକ୍ଷୟଙ୍କୁ ଡେଟ୍ କରୁଥିଲେ । ଖବର ଅନୁଯାୟୀ ଅକ୍ଷୟ, ପୂଜାଙ୍କ ପାଇଁ ପେଜ୍-୩ ପାର୍ଟିରେ ମଧ୍ୟ ସାମିଲ ହୋଇଥିଲେ ଏବଂ ସେହିଠାରେ ହିଁ ଅନେକ ନିର୍ଦ୍ଦେଶକ ଓ ପ୍ରଯୋଜକଙ୍କ ସହ ତାଙ୍କର ଭେଟ ହୋଇଥିଲା ।ଏହାପରେ ଅକ୍ଷୟଙ୍କୁ ବଲିଉଡ ଜଗତରେ ସୁଯୋଗ ମିଳିଥିଲା । ଅକ୍ଷୟ କୁମାର ବଲିଉଡରେ ହିଟ୍ ହୋଇଗଲେ ସତ କିନ୍ତୁ ଉଭୟଙ୍କ ସମ୍ପର୍କରେ ସବୁଦିନ ପାଇଁ ପୂର୍ଣ୍ଣଚ୍ଛେଦ । ଦୀର୍ଘଦିନର ବ୍ୟବଧାନ ପରେ ଏବେ ଚର୍ଚ୍ଚାକୁ ଆସିଛନ୍ତି ପୂଜା । ଯାହାର କାରଣ ରହିଛି ତାଙ୍କର ଫିଟନେସ ।
ପୂଜା ସିନେ ଜଗତରୁ ଦୂରେଇ ଯାଇଛନ୍ତି ସତ ମାତ୍ର ତାଙ୍କର ସୌନ୍ଦର୍ଯ୍ୟ ଏବଂ ଶରୀରକୁ ନେଇ ଆଜି ବି ସେମିତି ଫିଟ୍ ଅଛନ୍ତି । ଏକଥା ଆମେ କହୁନାହୁଁ ବରଂ ନିକଟରେ ତାଙ୍କର କିଛି ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିିଛି । ପୂଜା ଭିନ୍ନ ଭିନ୍ନ ସ୍ଥାନରେ ଯୋଗାଭ୍ୟାସ କରୁଥିବାର ଫଟୋ ଏବେ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ ହେବା ଲାଗିଛି ।
ଏଠାରେ ଆମେ କହି ରଖୁଛୁ କି, ୨୦୦୨ରେ ପୂଜା ଅସ୍ଥିଶଲ୍ୟ ବିଭାଗୀୟ ସର୍ଜନ ଡକ୍ଟର ସୋନୁ ଆହଲୁୱାଲିଆଙ୍କୁ ବିବାହ କରିଥିଲେ । ମାତ୍ର ୨୦୧୧ରେ ଦୁହିଁଙ୍କ ମଧ୍ୟରେ ଛାଡପତ୍ର ହୋଇଯାଇଥିଲା । ଯାହାର ମୁଖ୍ୟ କାରଣ ଥିଲା ପୂଜା ବତ୍ରା ପିଲା ଚାହୁଁ ନଥିଲେ । ଏବେ ପୂଜା ଏକ ୟୁରୋପିୟନଙ୍କୁ ଡେଟ୍ କରୁଛନ୍ତି । ଯାହାର କିଛି ଫଟୋ ସେ ସୋସିଆଲ ମିଡିଆରେ ସେୟାର କରିଛନ୍ତି ।
ସୌଜନ୍ୟ: ଆଜତକ୍