କନକ ବ୍ୟୁରୋ : ପଂଜାବ ନ୍ୟାସନାଲ ବ୍ୟାଙ୍କର ମାଷ୍ଟରମାଇଣ୍ଡ ନୀରବ ମୋଦି ବିରୋଧରେ ନିଆଯାଇଛି ବଡ କାର୍ଯ୍ୟାନୁଷ୍ଠାନ । ଭାରତ ସମେତ ୫ଟି ଦେଶ ବଡ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି । ନୀରବ ମୋଦି ଓ ତାଙ୍କ ପରିବାରର ୬୩୭ କୋଟି ଟଙ୍କାର ସମ୍ପତି ଜବତ କରାଯାଇଛି । ପ୍ରପର୍ଟି, ଜୁଏଲରୀ, ଫ୍ଲାଟ୍ସ , ବ୍ୟାଙ୍କ ବାଲାନ୍ସ ଜବତ କରିଛି ଇଡି । ଭାରତ, ବ୍ରିଟେନ ଓ ଆମେରିକା ସମେତ ଅନ୍ୟ ବଡ ଦେଶରୁ ନୀରବଙ୍କ ସମ୍ପତିକୁ ଇଡି ସିଜ୍ କରିଛି । ପ୍ରିଭେନ୍ସନ ଅଫ ମନି ଲଣ୍ଡ୍ରିଙ୍ଗ ମାମଲାରେ ନ୍ୟୁୟର୍କରେ ଇଡି ନୀରବ ମୋଦିଙ୍କ ୨୧୬ କୋଟି ଟଙ୍କାର ସମ୍ପତି ଜବତ କରିଛି । ଏଥିସହ ଏହି ମାମଲାରେ ଅଭିଯୁକ୍ତ ଆଦିତ୍ୟ ନାନାବଟି ବିରୋଧରେ ଇଂଟରପୋଲ ରେଡ କର୍ଣ୍ଣର ନୋଟିସ ଜାରି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ନ୍ୟୁୟର୍କରେ ନୀରବ ମୋଦଙ୍କ ନାମରେ ଥିବା ୨ଟି ସ୍ଥାବର ସମ୍ପତ୍ତିକୁ ଇଡି ବେଆଇନ ଅର୍ଥ କାରବାରର ଧାରା ୫ ଅନୁଯାୟୀ ଆଟାଚ କରିଛି । ଆଟାଚ ହୋଇଥିବାଏହି ଦୁଇଟି ସମ୍ପତ୍ତିର ମୂଲ୍ୟ ୨୧୬ କୋଟି ଟଙ୍କା ହେବ ବୋଲି ଆକଳନ କରାଯାଇଛି । ସେହିପରି ବିଭିନ୍ନ ବୈଦେଶିକ ବ୍ୟାଙ୍କରେ ନୀରବ ମୋଦିଙ୍କ ନାମରେ ଥବା ୫ଟି ଆକାଉଣ୍ଟରେ ଥିବା ୨୭୮ କୋଟି ଟଙ୍କାକୁ ମଧ୍ୟ ଇଡି ଆଟାଚ କରିବା ସହିତ ଦକ୍ଷିଣ ମୁମ୍ବାଇରେ ଥିବା ୧୯.୫ କୋଟି ଟଙ୍କାର ଏକ ଫ୍ଲାଟ୍କୁ ମଧ୍ୟ ଇଡି ଜବତ କରିଛି । ସେହିପରି ହଙ୍ଗକଙ୍ଗରୁ ଭାରତ ଆଣି ୨୨.୬୯ କୋଟି ଟଙ୍କାର ହୀରା ଅଳଙ୍କାରକୁ ମଧ୍ୟ ଇଡି ଆଟାଚ କରିଥିବା ଜଣାଯାଇଛି । ପ୍ରଖ୍ୟାତ ହୀରା ବ୍ୟବସାୟୀ ନୀରବ ମୋଦି ଓ ତାଙ୍କ ମାମୁଁ ମେହୁଲ ଚୌକସି ପିଏନବି ସ୍କାମର ମୁଖ୍ୟ ଅଭିଯୁକ୍ତ ରହିଛନ୍ତି । ୧୪ ହଜାର କୋଟି ଟଙ୍କାର ଦୁର୍ନିତର ପର୍ଦ୍ଦାଫାଶ ହେବା ପରେ ଦୁହେଁ ଦେଶ ଛାଡି ଫେରାର ହୋଇଯାଇଛନ୍ତି ।