ଜୁଲାଇ ୪ରେ ବିଶ୍ୱ ଦେଖିବ ବିଶ୍ୱ ଦେବତାଙ୍କୁ
Kanak News is now on WhatsApp
Join and get latest news updates delivered to you via WhatsApp
ଏବେ ବିଶ୍ୱ ଦେଖି ପାରିବ ବିଶ୍ୱ ଦେବତା, ଜଗତର ନାଥ ପ୍ରଭୁ ଶ୍ରୀଜଗନ୍ନାଥଙ୍କୁ । କାରଣ ମହାପ୍ରଭୁଙ୍କ ପବିତ୍ର ରଥଯାତ୍ରାକୁ ନେଇ ତିଆରି ହୋଇଛି ଡକ୍ୟୁମେଂଟାରୀ ଫିଲ୍ମ – ‘ଦ ଲିଜେଣ୍ଡ ଅଫ ଜଗନ୍ନାଥ’ । ତେବେ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଏହି ଫିଲ୍ମଟି ଆସନ୍ତା ଜୁଲାଇ ୪ରେ ଅନ୍ତର୍ଜାତୀୟ ଟିଭି ଚ୍ୟାନେଲ ନ୍ୟାଶନାଲ ଜିଓଗ୍ରାଫିକରେ ପ୍ରସାରିତ ହେବ । ଆଉ ଯାହାକୁ ନେଇ ଏବେ ଓଡିଶାବାସୀଙ୍କ ଭିତରେ ପ୍ରବଳ ଉତ୍ସାହ ଦେଖିବାକୁ ମିଳିଛି । ରଥଯାତ୍ରାର ନିଛକ ଚିତ୍ର ସହ ଭକ୍ତର ଭକ୍ତି, ଭାବନା ଓ ଶ୍ରଦ୍ଧାକୁ ଏହି ଡକ୍ୟୁମେଂଟାରୀରେ ଦେଖିବାକୁ ମିଳିବ । ଏହା ସହ ଏହି ଫିଲ୍ମରେ ଓଡିଶାର ଏହି ଆରାଧ୍ୟ ଦେବତାଙ୍କ ପାଇଁ ଅନୁଷ୍ଠିତ ହେଉଥିବା ବିଭିନ୍ନ ରୀତିନୀତି, ପୂଜା ପ୍ରଣାଳୀ, ୬୦ ପାଉଟି ଭୋଗ ଓ ରଥ ନିର୍ମାଣାର ପରମ୍ପରା ସହ ଶ୍ରୀଜିଉଙ୍କ ସହ ଜଡିତ ବିଭିନ୍ନ କିମ୍ବଦନ୍ତୀ ସଂପର୍କରେ ବର୍ଣ୍ଣନା କରାଯିବ । ଏହି ଶୋ’ର ଉପସ୍ଥାପନା କରିବେ ଅଭିନେତା ରାଜୀବ ଖଣ୍ଡେଲୱାଲ୍ ।
ପୂର୍ବରୁ ‘ଗଡସ୍ ଓନ୍ ପିପୁଲ’ ବହୁ ଲୋକପ୍ରିୟତା ହାସଲ କରିବା ସହ କାନ୍ସ ଚଳଚ୍ଚିତ୍ର ମହୋତ୍ସବରେ ପ୍ରଦର୍ଶିତ ହୋଇ ପ୍ରଶଂସିତ ହୋଇଛି । ଆଉ ଏବେ ‘ଦ ଲିଜେଣ୍ଡ ଅଫ ଜଗନ୍ନାଥ’ ଜଗନ୍ନାଥ ସଂସ୍କୃତିକୁ ଆହୁରି ପାଦେ ଆଗେଇ ନେବ ।