ପାଣି ଟୋପାଏ ପାଇଁ ଜଙ୍ଗଲରୁ ସହର ଧାଇଁ ଆସିଲା ହରିଣ ! କିନ୍ତୁ ତା ପରର ଘଟଣା ଥିଲା ବେଶ ହୃଦୟ ବିଦାରକ ।
ପୁରା ଦେଶ ଏବେ ପ୍ରଚଣ୍ଡ ଗରମରେ ଶିଝୁଛି । ମଣିଷ ହୁଅନ୍ତୁ କିମ୍ବା ପଶୁ, ଅସ୍ତବ୍ୟସ୍ତ ହୋଇପଡୁଛୁ ଜୀବନ । ମଣିଷଙ୍କ ସମେତ ପଶୁ ପକ୍ଷୀ ମଧ୍ୟ ଟିକିଏ ପାଣି ପାଇଁ ଡହଳ ବିକଳ ହେଉଛନ୍ତି । ଜଙ୍ଗଲରେ ଥିବା ପୋଖରି ଏବଂ ଜଳାଶୟ ଗୁଡିକ ଶୁଖିଯିବା କାରଣରୁ ପଶୁପକ୍ଷୀ ମାନଙ୍କ ଜୀବନ ମଧ୍ୟ ପ୍ରଭାବିତ ହୋଇଛି । ତେଣୁ ନିଜ ଶୋଷ ମେଣ୍ଟାଇବା ପାଇଁ ସେମାନେ ଏବେ ଜଙ୍ଗଲ ଛାଡି ସହର ଅଭିମୁଖୀ ହୋଇପଡୁଥିବା ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ସେମିତି ଏକ ଘଟଣା, ନିଜ ଶୋଷ ମେଣ୍ଟାଇବା ପାଇଁ ଝାରଖଣ୍ଡର କୋଡରମା ଜଙ୍ଗଲରୁ ବାହରି ଏକ ହରିଣ କୋଡରମା ଠାରେ ଥିବା ଏକ ତିଲେୟା ଡ୍ୟାମ୍ ପାଖରେ ପହଞ୍ଚିଥିଲା । ଶୋଷରେ ଥିବା ହରିଣଟି ନିଜ ଶୋଷ ମେଣ୍ଟାଉଥିବା ସମୟରେ କୁକୁରମାନେ ହରିଣକୁ ମାଡି ବସିଥିଲେ । ଏବଂ ଏଥିରେ ହରିଣଟି ଆହତ ହୋଇଯାଇଥିଲା । ଏହା ପରେ ନିଜ ଜୀବନ ବଞ୍ଚାଇବା ପାଇଁ ହରିଣଟି ପାଣି ଭିତରକୁ ଚାଲିଯାଇଥିଲା । ଏହି ସମୟରେ ଡଙ୍ଗା ଚଳାଉଥିବା ନାଉରିଆ ମାନଙ୍କ ଆଖି ହରିଣ ଉପରେ ପଡିଥିଲା । ଏବଂ ସେମାନେ ହରିଣଟିର ଜୀବନ ବଞ୍ଚାଇଥିଲେ । ନାଉରିଆ ମାନେ କୁକୁର ମାନଙ୍କୁ ସେଠାରୁ ଖେଦି ଦେଇଥିଲେ ଏବଂ ଏହି ଘଟଣା ସମ୍ପର୍କରେ ବନ ବିଭାଗକୁ ସୂଚନା ଦେଇଥିଲେ । ବନ ବିଭାଗର ଟିମ୍ ଘଟଣାସ୍ଥଳରେ ପହଞ୍ଚି ତାର ଚିକିତ୍ସା କରିଥିଲେ ଏବଂ ତାକୁ ସାଙ୍ଗରେ ନେଇଯାଇଥିଲେ ।