ଦୁଇ ଦୁଇଟି ଆସନରୁ ନିର୍ବାଚନ ଲଢୁଛନ୍ତି ପିସିସି ସଭାପତି । କେଉଁ ଆସନରେ ବହୁମତ ପାଇବେ ନିରଞ୍ଜନ?
ନିର୍ବାଚନ ଫଳାଫଳକୁ ଅପେକ୍ଷା କରିଛନ୍ତି ନେତା
କନକ ବ୍ୟୁରୋ : ନିର୍ବାଚନ ଫଳାଫଳକୁ ଅପେକ୍ଷା କରିଛନ୍ତି ନେତା । ନେତାଙ୍କ ମନରେ ରହିଛି ଅନେକ ଆଶା । ନିର୍ବାଚନ ସରିବା ପରେ କିଛି ଦିନର ବିରାମ ପରେ ସଜାଗ ଅଛନ୍ତି ନେତା । ବିଜୟର ଆଶା ବି ମନରେ ରହିଛି । ତେବେ ଚଳିତ ନିର୍ବାଚନରେ କଂଗ୍ରେସ ପିସିସି ସଭାପତି ନିରଞ୍ଜନ ପଟ୍ଟନାୟକ ୨ ଟି ଆସନରୁ ନିର୍ବାଚନ ଲଢୁଛନ୍ତି । ଗୋଟିଏ ଆସନ ଘସିପୁରା ହୋଇଥିବା ବେଳେ ଅନ୍ୟଟି ଭଣ୍ଡାରୀପୋଖରୀ ନିର୍ବାଚନମଣ୍ଡଳୀରୁ ନିର୍ବାଚନ ଲଢୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସମ୍ବାଦଓ କନକ ନ୍ୟୁଜ ପକ୍ଷରୁ କରାଯାଇଥିବା ଏକଜିଟ ପୋଲ ରିପୋର୍ଟ ଅନୁସାରେ ଘସିପୁରା ଆସନରୁ ବିଜୟୀ ହୋଇପାରନ୍ତି ନିରଞ୍ଜନ । ସାରା ରାଜ୍ୟରେ ଆରମ୍ଭ ହୋଇସାରିଛି ଭୋଟଗଣନା । ଆଉ ଅଳ୍ପ ସମୟରେ ଧିରେ ଧିରେ ଚିତ୍ର ମଧ୍ୟ ସାମ୍ମନାକୁ ଆସିବାରେ ଲାଗିବ । କହିବାକୁ ଗଲେ କଂଗ୍ରେସ ସହ ବିଜେଡିର ଘସିପୁରା ଆସନରେ ଜୋରଦାର ଫାଇଟ ହୋଇଛି । କାହାକୁ ଭୋଟ ଦେଇଛନ୍ତି ନେତା? କିଏ ବିଶ୍ୱାସ ଭାଜନ ହେବ ନେତାଙ୍କର ତାହାକୁ କେବଳ ରହିଛି ଅପେକ୍ଷା । ହେଲେ ନିରଞ୍ଜନ ପଟ୍ଟନାୟକ ନିର୍ବାଚନରେ ବିଜୟୀ ହେବେ ବୋଲି ଦମ୍ଭୋକ୍ତି ମଧ୍ୟ ଦେଖାଇଛନ୍ତି । ତେବେ ପ୍ରକୃତରେ ଜନାଦେଶ କେଉଁ ଆଡେ ଯାଉଛି ? ତାହାର ଚିତ୍ର ମଧ୍ୟ ଆଜି ସ୍ପଷ୍ଟ ହୋଇଯିବ ।