ଇତିହାସ ରଚିଲା ଚୀନ୍ ! ଚନ୍ଦ୍ରର ଯେଉଁ ପାଶ୍ୱର୍କୁ କେହି ଦେଖି ନାହାନ୍ତି, ସେଠାରେ ଚୀନ ପହଞ୍ଚାଇଲା ନିଜ ସ୍ପେଶକ୍ରାଫ୍ଟ ।
ଅନ୍ତରୀକ୍ଷ କ୍ଷେତ୍ରରେ କ୍ରମାଗତ ଭାବେ ନୂଆ ନୂଆ ଇତିହାସ ରଚୁଛି ଚୀନ୍ । ଗୁରୁବାର ଚୀନ ତାହା କରି ଦେଖାଇଛି, ଯାହାକୁ ସାରା ଦୁନିଆରେ ଆଜି ଯାଏଁ କେହି କରିପାରିନଥିଲେ । ଚନ୍ଦ୍ରର ସେହି ପାଶ୍ୱର୍, ଯାହାକି ପୃଥିବୀ ପୃଷ୍ଠରୁ ଦୃଶ୍ୟମାନ ହୋଇନଥାଏ । ଚନ୍ଦ୍ରର ସେହି ପାଶ୍ୱର୍ରେ ନିଜ ସ୍ପେଶ୍ କ୍ରାଫ୍ଟ ଚାଙ୍ଗ୍-୪ ପହଞ୍ଚାଇଛି ଚୀନ୍ । ଚନ୍ଦ୍ରର ଏହି ପାଶ୍ୱର୍କୁ ଡାର୍କ ସାଇଟ୍ ବୋଲି କୁହାଯାଇଥାଏ, ଯାହାକି ପୃଥିବୀ ପୃଷ୍ଠରୁ ଦେଖାଯାଇନଥାଏ । ଅନ୍ତରୀକ୍ଷ କ୍ଷେତ୍ରରେ ଚୀନର ଏହି ପଦକ୍ଷେପକୁ ଏକ ବଡ କ୍ରାନ୍ତି ବୋଲି କୁହାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଗୁରୁବାର ଦିନ ଚୀନର ଗୋଟିଏ ମହାକାଶଯାନ ସର୍ବ ପ୍ରଥମ କରି ଚନ୍ଦ୍ରର ଅପର ପାର୍ଶ୍ୱରେ ଅବତରଣ କରିଥିବା କଥା ରାଷ୍ଟ୍ରାୟତ ଗଣମାଧ୍ୟମ କହିଛି । ସକାଳ ପ୍ରାୟ ୧୦: ୨୬ ସମୟରେ ଲୁନାର୍ ଏକ୍ସପ୍ଲୋରର୍ ‘ଚାଙ୍ଗ୍’ଏ-ଫୋର୍’ ଚନ୍ଦ୍ରପୃଷ୍ଠରେ ଅବତରଣ କରିଛି ବୋଲି ଚୀନର ସେଣ୍ଟ୍ରାଲ୍ ଟେଲିଭିଜନ୍ ସଂକ୍ଷିପ୍ତ ସମାଚାରରେ କହିଛି।
ଚନ୍ଦ୍ରର ଅପର ପାର୍ଶ୍ୱ ପୃଥିବୀ ପୃଷ୍ଠକୁ ଦେଖା ଯାଉ ନ ଥିବାରୁ ତାହା ଅନାବିଷ୍କୃତ ହୋଇ ରହିଛି । ୧୯୭୬ ମସିହାରେ ସୋଭିଏତ୍ ୟୁନିୟନର ଲୁନା ୨୪ ଅବତରଣ କରିବା ପରେ ୨୦୧୩ରେ ପ୍ରଥମ କରି ଚନ୍ଦ୍ରାବତରଣ କରିଥିବା ମହାକାଶଯାନ ହେଉଛି ଚାଙ୍ଗ୍’ଏ- ଥ୍ରି ।
ଅଭିଯାନରେ ଏକ ରୋଭର୍ ନେଇ ଯାଇଥିବା ଚାଙ୍ଗ୍’ଏ-ଫୋର୍ ଲୋ ଫ୍ରିକ୍ୱେନ୍ସି ରେଡିଓ ଆଷ୍ଟ୍ରାନୋମିକାଲ ଅବଜରଭେସନ୍ କରିବା ସହ ଚନ୍ଦ୍ରର ପଥୁରିଆ ଅଞ୍ଚଳର ଢାଞ୍ଚା ଓ ଖଣିଜ ମିଶ୍ରଣ ଉପରେ ଅନୁଧ୍ୟାନ କରିବ। ଦକ୍ଷିଣ ଚୀନର ଜିଚାଙ୍ଗ୍ ସାଟେଲାଇଟ୍ ଲଞ୍ଚ୍ ସେଣ୍ଟରରୁ ଚାଙ୍ଗ୍’ଏ-ଫୋରକୁ ବହନ କରି ଲଙ୍ଗ୍ ମାର୍ଚ ଥ୍ରିବି ରକେଟ୍ ଡିସେମ୍ବର ୮ ତାରିଖ ଦିନ ଉତକ୍ଷେପିତ ହୋଇଥିଲା। ଆସନ୍ତା ବର୍ଷ ଚନ୍ଦ୍ରପୃଷ୍ଠକୁ ଚାଙ୍ଗ୍’ଏ-ଫାଇବ୍ ପ୍ରୋବ୍ ପଠାଇବାକୁ ଯୋଜନା କରୁଛି ଚୀନ । ତାହା ନମୁନା ସଂଗ୍ରହ କରି ପୃଥିବୀକୁ ଫେରିବ ।