ସିବିଆଇ ଜାଲରେ ଏନଡିଟିଭି ସହ ପ୍ରତିଷ୍ଠାତା ପ୍ରଣୟ ରୟ ! ଠକାମୀ ଅଭିଯୋଗରେ ଦିଲ୍ଲୀସ୍ଥିତ ବାସଭବନରେ ଚଢାଉ
ସିବିଆଇ ଜାଲରେ ଏନଡିଟିଭିର ସହ ପ୍ରତିଷ୍ଠାତା ତଥା କାର୍ଯ୍ୟନିର୍ବାହୀ ସହ-ଅଧ୍ୟକ୍ଷ ପ୍ରଣୟ ରୟ । ଆଇସିଆଇସିଆଇ ବ୍ୟାଙ୍କରୁ ୪୮ କୋଟି ଟଙ୍କା ଋଣ ନେଇ ପରିଶୋଧ କରି ନଥିବା ଅଭିଯୋଗରେ ପ୍ରଣୟ ରୟଙ୍କ ଦିଲ୍ଲୀସ୍ଥିତ ବାସଭବନରେ ଚଢ଼ାଉ କରିଛି ସିବିଆଇ । ସେ ଆରଆରପିଆର୍ ନାମକ ଏକ ଘରୋଇ କଂପାନୀ ନାଁରେ ସେ ଋଣ ନେଇଥିବା ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଏକ ଘରୋଇ ବ୍ୟାଙ୍କକୁ କ୍ଷତି ପହଞ୍ଚାଇବା ଅଭିଯୋଗରେ ସିବିଆଇ ପ୍ରଣୟ ରୟ, ତାଙ୍କ ପତ୍ନୀ ରାଧିକା ରୟ ଓ ଏକ ଘରୋଇ କଂପାନୀ ନାଁରେ ମାମଲା ରୁଜୁ କରିଛି । ସେପଟେ ଏନଡିଟିଭି କହିଛି ଯେ ପୁରୁଣା ମିଛ ମାମଲାରେ ସଂସ୍ଥା ଓ ପ୍ରଣୟ ରୟଙ୍କୁ ଅସୁବିଧାରେ ପକାଇବା ପାଇଁ ଏପରି ଉଦ୍ୟମ କରାଯାଇଛି । ଏନଡିଟିଭିର ପ୍ରତିଷ୍ଠା ଏବଂ ସମ୍ମାନକୁ କ୍ଷତି ପହଂଚାଇବା ଉଦ୍ଦେଶ୍ୟରେ ଏହା କରାଯାଇଛି । ଗଣମାଧ୍ୟମର ସ୍ୱରକୁ ଚାପିବା ପାଇଁ ଏହା ଏକ ପ୍ରୟାସ ବୋଲି ସେ ଅଭିଯୋଗ କରିଛନ୍ତି ।
ତେବେ ପ୍ରଣୟ ଅଭିଯୋଗକୁ ଖଣ୍ଡନ କରିଛନ୍ତି କେନ୍ଦ୍ରମନ୍ତ୍ରୀ ଭେଙ୍କେୟା ନାଇଡୁ । ଭେଙ୍କେୟା କହିଛନ୍ତି ଆଇନ ତା କାର୍ଯ୍ୟ କରୁଛି । ବିଜେପି ସରକାର କୌଣସି କାର୍ଯ୍ୟରେ ହସ୍ତକ୍ଷେପ କରେ ନାହିଁ ।