ଡିଜିଟାଲ ହେଉଛି ଇଣ୍ଡିଆ ! ୨୦୧୯ ପର୍ଯ୍ୟନ୍ତ ସାରା ଦେଶରେ ଏକ ଲକ୍ଷ ୱାଇଫାଇ ସ୍ପଟ ସ୍ଥାପନା କରିବ ବିଏସଏନଏଲ୍
ଲାଗୁଛି ମୋଦିଙ୍କ ଡିଜିଟାଲ ଇଣ୍ଡିଆ ସ୍ୱପ୍ନ ଧୀରେ ଧୀରେ ସାକାର ହେବାରେ ଲାଗିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶକୁ ଡିଜିଟାଲ କରିବା ପାଇଁ ବିଭିନ୍ନ ପ୍ରୟାସ ଜାରି ରଖିଛନ୍ତି । ଏହାସହ ଦେଶରେ ଡିଜିଟାଲ ଟ୍ରାନଜାକ୍ସନ ବଢ଼ାଇବା ପାଇଁ ଲୋକଙ୍କୁ ପରାମର୍ଶ ଦେଉଛନ୍ତି । ମୋଦିଙ୍କ ଡିଜିଟାଲ ଇଣ୍ଡିଆର ସ୍ୱପ୍ନକୁ ଅନେକ ଟେଲିକମ କମ୍ପାନୀ ମଧ୍ୟ ସାହାଯ୍ୟ ସହଯୋଗ କରିବାର ଦେଖାଯାଉଛି । ଏନେଇ ଟେଲିକମ କମ୍ପାନୀ ଗୁଡ଼ିକ ଅନେକ ଯୋଜନା ମଧ୍ୟ ଆରମ୍ଭ କରିଦେଲେଣି । ସାର୍ବଜନିକ ଦୂରସଞ୍ଚାର କମ୍ପାନୀ ବିଏସଏନଏଲ ୨୦୧୯ ମାର୍ଚ୍ଚ ପର୍ଯ୍ୟନ୍ତ ଦେଶ ସାରା ଏକ ଲକ୍ଷ ୱାଇଫାଇ ସ୍ପଟ ସ୍ଥାପନ କରିବ ବୋଲି ସୂଚନା ମିଳିଚି । ବିଏସଏନଏଲ କମ୍ପାନୀର ଅଧ୍ୟକ୍ଷ ଓ ପ୍ରବନ୍ଧ ନିବେଶକ ଅନୁପମ ଶ୍ରୀବାସ୍ତବ ଆଜି ଏହାର ଘୋଷଣା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେ କହିଛନ୍ତି, ୨୦୧୯ ମାର୍ଚ୍ଚ ପର୍ଯ୍ୟନ୍ତ ଦେଶ ସାରା ୨୦୧୯ ରେ ଏକ ଲକ୍ଷ ୱାଇଫାଇ ସ୍ପଟ ସ୍ଥାପନ କରିବା ପାଇଁ ଯୋଜନା ରହିଛି । ଏହି ଯୋଜନା ଅନୁସାରେ ପ୍ରାୟ ୨୫,୦୦୦ ୱାଇଫାଇ ସ୍ପଟ ଗ୍ରାମ୍ୟ ଅଂଚଳରେ ସ୍ଥାପନ କରାଯିବ । ଏହାବ ବ୍ୟତୀତ ଶ୍ରୀବାସ୍ତବ କହିଛନ୍ତି, ସାର୍ବଭୌମ ସେବା ଦାୟିତ୍ୱ କୋଷ (ୟୁଏସଓଏଇ) ଗ୍ରାମୀଣ ଅଞ୍ଚଳରେ ୱାଇଫାଇ ହଟସ୍ପଟ ସ୍ଥାପନ ପାଇଁ ଆର୍ଥିକ ସହଯୋଗ ଯୋଗାଇବ । କମ୍ପାନୀ ୭୦,୦୦୦ ୱାଇଫାଇ ହଟସ୍ପଟ ସ୍ଥାପନ କରିବା ପାଇଁ ପାଖାପାଖି ୧୮୦୦ କୋଟି ଟଙ୍କା ନିବେଶ କରିବ ଓ ୟୁଏସଏସଓଏଇ ୯୦୦ କୋଟି ଟଙ୍କା ସାହାଯ୍ୟ କରିବ । ଏଥିରେ ୨୫୦୦ ହଟସ୍ପଟ ଯୋଗୁଁ ୩ବର୍ଷ ପର୍ଯ୍ୟନ୍ତ ପରିଚାଳନା ଖର୍ଚ୍ଚ ମଧ୍ୟ ସାମିଲ ରହିଛି । ଶ୍ରୀବାସ୍ତବ କହିଛନ୍ତି , ରାଜସ୍ୱ ଭାଗୀଦାବୀ ମଡ଼େଲରେ ବିଏସଏନଏଲରେ ପୁଞ୍ଜିରେ ନିବେଶ କରିବା କିଛି ଦରକାର ନାହିଁ ।
ଏହି ଘୋଷଣା ସମୟରେ ଶ୍ରୀବାସ୍ତବ, କମ୍ପାନୀର ଜିଏସଟି ଆପ ମଧ୍ୟ ଉପସ୍ଥାପନ କରିଛନ୍ତି । ରିଟର୍ଣ୍ଣ ଫାଇଲ କରିବା ସହ ଅନ୍ୟ ସେବା ପାଇଁ ଏହି ୱେବ ଆଧାରିତ ଆପର ବ୍ୟବହାର ସ୍ମାର୍ଟଫୋନ୍, ଟାବଲେଟ, କମ୍ପ୍ୟୁଟର ଜରିଆରେ ମଧ୍ୟ କରାଯାଇପାରିବେ । କମ୍ପାନୀ ଖୁବ ଶୀଘ୍ର ଏହାର ମୋବାଇଲ ଆପ୍ ମଧ୍ୟ ଉପସ୍ଥାପନ କରିବ । ବିଏସଏନଏଲର ମହାପ୍ରବନ୍ଧକ ୱାଇ.ଏନ ସିଂ କହିଛନ୍ତି ଏସବୁ ଗୁଡ଼ିକ ପ୍ରିପେଡ଼ ସେବା । ଏହି ଆପ୍ଲିକେସନର ମୋବାଇଲ ଭର୍ସନ ଓ ମୋବାଇଲ ଆପ ମଧ୍ୟ ତିଆରି ହେଉଛି । ଯାହା ମାତ୍ର ଗୋଟିଏ ମାସ ମଧ୍ୟରେ ଗ୍ରାହକ ବ୍ୟବହାର କରିପାରିବେ । ଏହି ଆପକୁ କମ୍ପାନୀ ଇଂରାଜୀ, ହିନ୍ଦୀ ସହ କିଛି ଆଞ୍ଚଳିକ ଭାଷାରେ ଉପଲବ୍ଧ କରାଇବ ବୋଲି ସୂଚନା ।