ଦିଲ୍ଲୀ ରାମଲୀଳା ମଇଦାନରେ ପ୍ରସ୍ତୁତ ହେଲା ୫ ହଜାର କିଲୋଗ୍ରାମର ଖେଚୁଡ଼ି । ଦଳିତଙ୍କ ସହ ସମ୍ପର୍କ ମଜବୁତ୍ କରିବା ପାଇଁ ବିଜେପି ପକ୍ଷରୁ ଏହି ଖେଚୁଡ଼ି ପ୍ରସ୍ତୁତ ହୋଇଛି । ଖେଚୁଡ଼ି ପାଇଁ ଆବଶ୍ୟକ ଡାଲି, ଚାଉଳ ଓ ପନିପରିବା ୨ ଲକ୍ଷ ଦଳିତଙ୍କ ଘରୁ ସଂଗ୍ରହ କରାଯାଇଛି । ଏହାକୁ ପ୍ରସ୍ତୁତ କରିଛନ୍ତି ନାଗପୁରର ପ୍ରଖ୍ୟାତ କୁକ୍ ବିଷ୍ଣୁ ମନୋହର । ପୂର୍ବରୁ ସେ ୩ ହଜାର କିଲୋର ଖେଚୁଡ଼ି ପ୍ରସ୍ତୁତ କରି ରେକର୍ଡ ସୃଷ୍ଟି କରିଥିଲେ । ଏବେ ବିଜେପି ପାଇଁ ସେ ୫ ହଜାର କିଲୋଗ୍ରାମର ଖେଚୁଡ଼ି ପ୍ରସ୍ତୁତ କରିଛନ୍ତି । ଦିଲ୍ଲୀ ବିଧାନସଭାର ୧୩ଟି ଆସନ ହେଉଛି ଅନୁସୂଚିତ ଜନଜାତିଙ୍କ ପାଇଁ ସଂରକ୍ଷିତ । ବର୍ତ୍ତମାନ ଏହି ୧୩ଟି ଆସନ୍ ଆପ୍ କବଜାରେ ଥିବାରୁ ବିଜେପି ଏହାକୁ ଦଖଲ କରିବାକୁ ଉଦ୍ୟମ ଆରମ୍ଭ କରିଛି ଓ ୫ ହଜାର କିଲୋଗ୍ରାମର ଖେଚୁଡ଼ି ପାଲଟିଛି ଦଳିତଙ୍କୁ ଆକୃଷ୍ଟ କରିବାର ମୁଖ୍ୟ ମାଧ୍ୟମ ।
Kanak News is now on WhatsApp
Join and get latest news updates delivered to you via WhatsApp
ଏମିତି କୁହାଯାଉଛି କି ପକୁଡି ଉପରେ ରାଜନୀତି କରିବା ପରେ ଏବେ ଖେଚୁଡି ରୋଷେଇ କରି ବିଜେପି ଦିଲ୍ଲୀରେ ନିଜର ରାଜନୈତିକ ଉଚ୍ଚତଦା ବଢ଼ାଇବାକୁ ଚାହୁଁଛି । ଏହା ପୂର୍ବରୁ ପକୁହି ଉପରେ ବହୁତ ବିବାଦ ହୋଇଥିଲା । ଏକ ଟିଭି କାର୍ଯ୍ୟକ୍ରମରେ ପିଏମ୍ ମୋଦି ପକୁହି ବିକ୍ରି କରିବାକୁ ରୋଜଗାର କହିଥିଲେ । ଯାହାପରେ ସୋସିଆଲ ମିଡିଆରେ ଏହାର ବହୁତ ଚର୍ଚ୍ଚା ହୋଇଥିଲା ।