ବିଗ୍ ବି ଅମିତାଭ ବଚ୍ଚନଙ୍କୁ ପସନ୍ଦ, ଭୁବନେଶ୍ୱର ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନ ବନ୍ଦର
ଭୁବନେଶ୍ୱର ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନ ବନ୍ଦର ବିଗ୍ ବିଙ୍କ ପସନ୍ଦର ବିମାନ ବନ୍ଦର । ଏକଥା ଶୁଣି ଆପଣ ଆଶ୍ଚର୍ଯ୍ୟ ହେଉଥିବେ ନା, ହେଲେ କଥାଟି ସମ୍ପୂର୍ଣ୍ଣ ସତ । ଆପଣ ଭାବୁଥିବେ ଅମିତାଭ ବଚ୍ଚନ ଅନେକ ଦେଶ ବିଦେଶ ବୁଲିଥିଲେ ମଧ୍ୟ ଭୁବନେଶ୍ୱର ପରି ଛୋଟ ସହରର ବିମାନ ବନ୍ଦରକୁ କିପରି ପସନ୍ଦ କଲେ । ହେଲେ ଏକଥା ନିଜେ ପ୍ରକାଶ କରିଛନ୍ତି ବଲିଉଡ଼୍ ମେଗାଷ୍ଟାର ଅମିତାଭ ବଚ୍ଚନ ।
Kanak News is now on WhatsApp
Join and get latest news updates delivered to you via WhatsApp
ସୂଚନାର ଅନୁସାରେ ଏକ ସାକ୍ଷାତକାରରେ ବିଗ ବି କହିଛନ୍ତି, ଭୁବନେଶ୍ୱର ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନ ବନ୍ଦର ତାଙ୍କୁ ଭାରି ପସନ୍ଦ । କାରଣ ବିଜୁ ପଟ୍ଟନାୟକ ବିମାନ ବନ୍ଦର ଅନ୍ୟ ବିମାନ ମନ୍ଦର ତୁଳନାରେ ଏହା ଛୋଟ ହୋଇଥିଲେ ମଧ୍ୟ ଏଠାରେ ବିମାନ ବନ୍ଦର ପରିସର ବେଶ୍ ସଫାସୁତୁରା । ଆଉ ଏଠାରେ ଯାତ୍ରୀଙ୍କ ପାଇଁ ସମସ୍ତ ସୁବିଧା ଉପଲବ୍ଧ । ବିମାନ ବନ୍ଦରରୁ ଯିବା ଆସିବା କରିବା ପାଇଁ ମଧ୍ୟ କୌଣସି ଅସୁବିଧା ନାହିଁ ।
ଏୟାରପୋର୍ଟ ଇଣ୍ଡିଆ ପତ୍ରିକାର ଅଗଷ୍ଟ ୨୦୧୮ ସଂସ୍କରଣରେ ଏହା ପ୍ରକାଶିତ ହୋଇଛି । ଆଉ ଏବେ ଏହା ସୋସିଆଲ ମିଡ଼ିଆରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି । ଏୟାପୋର୍ଟ ଇଣ୍ଡିଆ ପତ୍ରିକା ଏକ ମାସିକ ପତ୍ରିକା ଯାହା ଏହାରପୋର୍ଟ ଅଥରିଟି ଅଫ ଇଣ୍ଡିଆ ଦ୍ୱାରା ପ୍ରକାଶିତ ହୋଇଥାଏ ।