କନକ ବ୍ୟୁରୋ : ମଦ ବିରୋଧରେ ତାତିଲେ ମହିଳା । ବେଆଇନ ମଦ ବିକ୍ରି କରୁଥିବା ଅଭିଯୋଗ କରି ମହିଳାମାନେ ମଦ ବ୍ୟବସାୟୀଙ୍କ ଉପରେ ଆକ୍ରମଣ କରିଛନ୍ତି । ଭଙ୍ଗାରୁଜା କରିବା ସହ ମଦ ବ୍ୟବସାୟୀ ମହିଳାଙ୍କ ଉପରେ ଆକ୍ରମଣ କରିଛନ୍ତି । ବାଲେଶ୍ୱର ଜିଲ୍ଲା ସୋରରେ ବେଆଇନ ମଦ ବିକ୍ରି କରୁଥିବା ଆଡ୍ଡା ଉପରେ ମହିଳାମାନେ ଅତର୍କିତ ଆକ୍ରମଣ କରିଛନ୍ତି । ମଦ ବିରୋଧୀ ଅଭିଯାନରେ ୧୨ଟି ସ୍ୱୟଂ ସହାୟକ ଗୋଷ୍ଠୀର ମହିଳାମାନେ ବେଆଇନ ମଦ ବିକ୍ରି ହେଉଥିବା ଦୁଇଟି ସ୍ଥାନରେ ଭଙ୍ଗାରୁଜା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମହିଳାମାନେ ମଦ ବିକ୍ରିକୁ ବିରୋଧ କରିବାକୁ ଯାଇଥିବା ବେଳେ ଏହାକୁ ମଦ ବ୍ୟବସାୟୀ ବିରୋଧ କରିବାରୁ ବିବାଦର ସୂତ୍ରପାତ ହୋଇଥିଲା । ଏଥିରେ ସ୍ୱୟଂ ସହାୟକ ଗୋଷ୍ଠୀର ମହିଳାମାନେ ତାତି ଯାଇଥିଲେ । ମଦ ଦୋକାନରେ ଭଙ୍ଗାରୁଜା କରିବା ସହ ମଦ ବିକ୍ରି କରୁଥିବା ମହିଳାଙ୍କୁ ମଧ୍ୟ ଅତର୍କିତ ଭାବେ ଆକ୍ରମଣ କରିଥିଲେ । ମହିଳାଙ୍କ ଆକ୍ରମଣରେ ମଦ ବ୍ୟବସାୟୀ ଚମ୍ପା ଓ କାଶୀ ଆହତ ହୋଇଥିବା ଜଣାପଡିଛି । ଅନନ୍ତପୁର ଫାଣ୍ଡି ପୁଲିସ ଘଟଣାସ୍ଥଳରେ ପହଂଚିବା ପରେ ପରିସ୍ଥିତି ନିୟନ୍ତ୍ରଣାଧିନ ହୋଇଛି ।
ଏହାସହ ଦେଖନ୍ତୁ ଏହି ଭିଡିଓ :