ରୋଗୀଙ୍କ ପାଇଁ ଆସିଲା ଅଚ୍ଛେ ଦିନ୍ ! ଦିଲ୍ଲୀ ଏମ୍ସରେ ୫୦୦ ଟଙ୍କାରୁ କମ ଟଙ୍କାର ଟେଷ୍ଟ ହୋଇପାରେ ମାଗଣା
ଧୀରେ ଧୀରେ ଆସୁଛି ମୋଦି ସରକାରଙ୍କ ଅଚ୍ଛେ ଦିନ୍ । ରୋଗୀଙ୍କ ପାଇଁ ଦେଶର ବଡ଼ ମେଡ଼ିକାଲ ଏମ୍ସର ଉପହାର । ସ୍ୱାଧୀନତା ଦିବସ ଅବସରରେ ଦିଲ୍ଲୀ ଏମ୍ସ ରୋଗୀଙ୍କୁ ଦେଇଛି ଖୁସି ଖବର । ଏବେଠାରୁ ଏମ୍ସକୁ ଆସୁଥିବା ରୋଗୀମାନେ ୫୦୦ ଟଙ୍କାରୁ କମ ମୁଲ୍ୟର ଟେଷ୍ଟ ବିଲକୁଲ ମାଗଣାରେ କରିପାରିବେ । ଏମ୍ସ ଏହି ଯୋଜନା ଉପରେ କାମ କରୁଛି । ଖୁବ୍ ଶୀଘ୍ର ଏହାକୁ ଲାଗୁ କରାଯିବା ବୋଲି ଏମ୍ସ ତରଫରୁ ସୂଚନା ମିଳିିଛି । ଏହି ପ୍ରସ୍ତାବକୁ ସ୍ୱାସ୍ଥ୍ୟ ମନ୍ତ୍ରାଳୟକୁ ପଠାଯିବ ।
Kanak News is now on WhatsApp
Join and get latest news updates delivered to you via WhatsApp
ଯଦି ଏହି ପ୍ରସ୍ତାବ ପାରିତ ହୋଇଗଲା ତେବେ ରୋଗୀଙ୍କୁ ଦିଲ୍ଲୀ ଏମ୍ସରେ ରକ୍ତ ପରୀକ୍ଷା, ଏକ୍ସରେ, ଅଲଟ୍ରାସାଉଣ୍ଡ ପରି ଅନେକ ଟେଷ୍ଟ ପାଇଁ ବିଲକୁଲ ଟଙ୍କା ଖର୍ଚ୍ଚ କରିବା ପାଇଁ ପଡ଼ିବ ନାହିଁ । ଏମ୍ସର ନିର୍ଦ୍ଦେଶକଙ୍କ କହିବା ଅନୁସାରେ ଏ ଯୋଜନା ଉପରେ ଏବେ କାମ ଚାଲିଛି । ଯଦି ଏହି ଯୋଜନା ଲାଗୁ ହୁଏ ତେବେ ଆମକୁ ପ୍ରାଇଭେଟ୍ ୱାର୍ଡ଼ର ମୂଲ୍ୟ ବୃଦ୍ଧି କରିବା ପାଇଁ ପଡ଼ିବ ।
ହିନ୍ଦୁସ୍ତାନ ଟାଇମ୍ସରେ ପ୍ରକାଶିତ ଖବର ଅନୁସାରେ , ଏମ୍ସକୁ ପ୍ରତି ଦିନ ହଜାର ହଜାର ରୋଗୀ ଅସନ୍ତି ଏବଂ ଅନେକ ଟେଷ୍ଟ କରନ୍ତି । କେଳବ ଏତିକି ନୁହଁ ମେଡିକଲରେ ବହୁତ ରୋଗୀ ଭର୍ତ୍ତି ମଧ୍ୟ ହୁଅନ୍ତି । ଏମ୍ସ ପ୍ରତି ବର୍ଷ ପାଖାପାଖି ୧୦୧ କୋଟି ଟଙ୍କାର ଆୟ କେବଳ ଏହି ପ୍ରକାରର ଟେଷ୍ଟ, ଆଡ଼ମିସନ ଫି ଓ ରେଜିଷ୍ଟ୍ରେସନ ଫିରୁ ହିଁ ଆଦାୟ କରିଥାଏ ।
ଏମ୍ସର ୧୫ ଜଣିଆ ଡାକ୍ତରଙ୍କ କମିଟି ଏହି ନିଷ୍ପତ୍ତି ନେଇଛନ୍ତି । ଏହାବ୍ୟତୀତ ଏହି କମିଟି ମେଡ଼ିିକାଲକୁ ଆସୁଥିବା ରୋଗୀମାନେ ଯେଉଁ ପ୍ରକାର ଅସୁବିଧା ଭୋଗନ୍ତି ତାହା କପରି ଦୂର ହେବ ସେ ଦିଗ ଉପରେ ମଧ୍ୟ ଗରୁତ୍ୱ ଦେଉଛି । ଏମ୍ସର ନିର୍ଦ୍ଦେଶକଙ୍କ ଅନୁସାରେ ଏନେଇ ଯଦି ଆମେ ପ୍ରାଇଭେଟ ୱାର୍ଡ଼ର ମୂଲ୍ୟ ବୃଦ୍ଧି କରୁ ଏଥିରେ ଲୋକଙ୍କୁ ବେଶୀ କିଛି ପ୍ରଭାବ ପଡ଼ିବ ନାହିଁ । କାରଣ ବେସରକାରୀ ମେଡିକାଲରେ ଗୋଟିଏ କକ୍ଷର ମୂଲ୍ୟ ପାଖାପାଖି ୫୦୦୦ ରୁ ୧୦୦୦ ହୋଇଥାଏ । ଉକ୍ତ ମୂଲ୍ୟ ତୁଳନାରେ ଏମ୍ସର ସୁବିଧା ବହୁତ ଶସ୍ତା ବୋଲି ସେ କହିଛନ୍ତି ।