ଜିଓ ପରେ ନୋକିଆ ଆଣିଲା ନୂଆ ଫିଚର ଫୋନ୍ ! ଚାଲିବ ଫେସବୁକ ଏବଂ ହ୍ୱାଟସଆପ୍ ।
ରିଲାଏନ୍ସ ଜିଓ ନିଜ ବ୍ୟବହାରକାରୀଙ୍କ ପାଇଁ ଅନେକ ବଡ ଘୋଷଣା କରିଛି । ଏଥିମଧ୍ୟରେ ଜିଓ ଗିଗା ଫାଇବର ଏବଂ ଜିଓ ଫୋନ୨ ଲଞ୍ଚ ହୋଇସାରିଛି । ଏମିତି ଏକ ବଡ ଘୋଷଣା କରାଯାଇଛି ଯେଉଁଥିପାଇଁ ଦେଶର ୨.୫ କୋଟି ଜିଓ ଫୋନ ବ୍ୟବହାରକାରୀ ଅନେକ ଦିନରୁ ଅପେକ୍ଷା କରିଥିଲେ । ଏହି ଘୋଷଣା ଜିଓ ଫୋନ ବ୍ୟବହାରକାରୀଙ୍କ ମୁହଁରେ ହସ ଆଣିଦେଇଛି । ଜିଓର ୪ଜି ଫିଚର୍ସ ଫୋନରେ ହ୍ୱାଟ୍ସଆପ, ଫେସବୁକ୍ ଏବଂ ୟୁଟ୍ୟୁବ ଭଳି ଫିଚର୍ସ ଯୋଡାଯାଇଛି । ବ୍ୟବହାରକାରୀ ଏହି ସେବାର ଲାଭ ଅଗଷ୍ଟ ମାସ ୧୫ ତାରିଖରୁ ନେଇପାରିବେ ।
Kanak News is now on WhatsApp
Join and get latest news updates delivered to you via WhatsApp
ତେବେ ଜିଓଫୋନ ଭଳି ୪ଜି ଫିଚର୍ସ ଫୋନ ତିଆରି କରୁଥିବା କମ୍ପାନୀ ଏଚଏମଡି ଗ୍ଲୋବାଲ ମଧ୍ୟ ନିଜ ନୋକିଆ ଫୋନରେ ହ୍ୱାଟସଆପ, ଫେସବୁକ ଭଳି ଫିଚର୍ସ ଯୋଡିବାକୁ ଯାଉଛି । ଏହାର ଘୋଷଣା ଏଚଏମଡି ଗ୍ଲୋବାଲର ମୁଖ୍ୟ ଟ୍ୱିଟର ମାଧ୍ୟମରେ କରିଛନ୍ତି । କିନ୍ତୁ ଏହି ସେବା କେବେଠାରୁ ଆରମ୍ଭ ହେବ ସେନେଇ କୌଣସି ସୂଚନା ଦିଆଯାଇନାହିଁ ।
ନୋକିଆ ୮୮୧୦ ଏକ ସ୍ଲାଇଡର ଓପନିଙ୍ଗ ଫିଚର ଫୋନ ଅଟେ । ନୋକିଆ ୮୮୧୦ରେ ୫୧୨ ଏମବି ରାମ ଏବଂ ୪ଜିବିର ଇଣ୍ଟରନାଲ ଷ୍ଟୋରେଜ୍ ଦିଆଯାଇଛି । ନୋକିଆ ୮୮୧୦ରେ ୨ ମେଗାପିକ୍ସଲର କ୍ୟାମେରା ଦିଆଯାଇଛି । ଫୋନରେ ୧୫୦୦ ଏମଏଚର ବ୍ୟାଟେରୀ ମଧ୍ୟ ରହିଛି । କମ୍ପାନୀର କହିବା କଥା ଫୋନଟି ଲମ୍ବା ବ୍ୟାଟେରୀ ବ୍ୟାକଅପ୍ ଦେଇପାରିବ । କମ୍ପାନୀର କହିବା ଅନୁଯାୟୀ, ଗୋଟିଏ ଥରେ ଏହି ଫୋନଟିକୁ ଫୁଲ ଚାର୍ଜ କରାଗଲେ ୯ଦିନ ପର୍ଯ୍ୟନ୍ତ ଏହାକୁ ବ୍ୟବହାର କରଯାଇପାରିବ । ତେବେ ସିଙ୍ଗାପୁରଠାରେ ଏହାର ବିକ୍ରି ମଧ୍ୟ ଆରମ୍ଭ ହୋଇଗଲାଣି । ତେବେ ଏହାର ମୂଲ୍ୟ ୯୮ ସିଙ୍ଗାପୁର ଡଲାର ଅର୍ଥାତ ପାଖାପାଖି ୪,୯୦୦ ଟଙ୍କା ହେବ ।